ಭಾರತೀಯ ಸೇನಾ ಬತ್ತಳಿಕೆಗೆ 'ರಫೆಲ್​ ಫೈಟರ್​ ಜೆಟ್​' ಸೇರ್ಪಡೆ, ಪಾಕ್​ಗೆ ಶಾಕ್‌

ದೇಶದ ಪೂರ್ವ ಮತ್ತು ಪಶ್ಚಿಮ ಭಾಗದಲ್ಲಿ ತುರ್ತು ಅಗತ್ಯತೆಗಳನ್ನು ಪೂರೈಸಿಕೊಳ್ಳಲು 2016ರ ಸೆಪ್ಟೆಂಬರ್ ತಿಂಗಳಲ್ಲಿ ಫ್ರೆಂಚ್ ಸರ್ಕಾರ ಮತ್ತು ಡಾಸಾಲ್ಟ್​ ವಿಮಾನಯಾನ ಕಂಪನಿಯೊಂದಿಗೆ ಸುಮಾರು 7.8 ಶತಕೋಟಿ ರೂಗೂ ಹೆಚ್ಚಿನ ಮೊತ್ತದಲ್ಲಿ 36 ರಫೆಲ್​ ಯುದ್ಧ ವಿಮಾನ ಖರೀದಿಗೆ ಭಾರತ ಕರಾರು ಮಾಡಿಕೊಂಡಿತ್ತು. ಪ್ರಥಮ ಹಂತದ ಫೈಟರ್ ಜೆಟ್​ಗಳು ಭಾರತೀಯ ವಾಯುಪಡೆ ಸೇರ್ಪಡೆಯಾಗಿವೆ.

ನವದೆಹಲಿ:ಫ್ರಾನ್ಸ್​ ದೇಶ ಭಾರತಕ್ಕೆ ಮೊದಲ ಹಂತದಲ್ಲಿ ರಫೆಲ್​ ಫೈಟರ್​ ಜೆಟ್​ಗಳನ್ನು ನಿನ್ನೆ (ಸೆಪ್ಟೆಂಬರ್​ 19ರಂದು) ಹಸ್ತಾಂತರಿಸಿದೆ ಎಂದು ಭಾರತೀಯ ವಾಯುಪಡೆ ಮೂಲಗಳು ತಿಳಿಸಿವೆ.

ದೇಶದ ಪೂರ್ವ ಮತ್ತು ಪಶ್ಚಿಮ ಭಾಗದಲ್ಲಿ ತುರ್ತು ಅಗತ್ಯತೆಗಳನ್ನು ಪೂರೈಸಿಕೊಳ್ಳಲು ಸೆಪ್ಟೆಂಬರ್ 2016ರ ತಿಂಗಳಲ್ಲಿ ಫ್ರೆಂಚ್ ಸರ್ಕಾರ ಮತ್ತು ಡಾಸಾಲ್ಟ್​ ವಿಮಾನಯಾನ ಕಂಪನಿಯೊಂದಿಗೆ ಸುಮಾರು 7.8 ಶತಕೋಟಿ ರೂಗೂ ಹೆಚ್ಚಿನ ಮೊತ್ತದಲ್ಲಿ 36 ರಫೆಲ್​ ಯುದ್ಧ ವಿಮಾನ ಖರೀದಿಗೆ ಭಾರತ ಒಪ್ಪಂದ ಮಾಡಿಕೊಂಡಿತ್ತು. ಇದರ ಭಾಗವಾಗಿ ಪ್ರಥಮ ಹಂತದ ಫೈಟರ್ ಜೆಟ್​ಗಳು ಭಾರತೀಯ ವಾಯುಪಡೆ ಸೇರ್ಪಡೆಯಾಗಿವೆ.

ವಾಯುಪಡೆಯ ಡೆಪ್ಯೂಟಿ ಮುಖ್ಯಸ್ಥ ಏರ್ ಮಾರ್ಷಲ್ ವಿ.ಆರ್.ಚೌಧರಿ ಸುಮಾರು ಒಂದು ಗಂಟೆಗಳ ಕಾಲ ವಿಮಾನದಲ್ಲಿ ಹಾರಾಟ ನಡೆಸಿದರು. ಮೊದಲ ಹಂತದಲ್ಲಿ 4 ಜೆಟ್​ಗಳನ್ನು ನೀಡಲು ಐಎಎಫ್​ ಫ್ರೆಂಚ್ ಸರ್ಕಾರಕ್ಕೆ ತಿಳಿಸಿತ್ತು. ಆದರೆ, ವಾಯುಪಡೆ ಎಷ್ಟು ವಿಮಾನಗಳನ್ನು ಸ್ವೀಕರಿಸಿದೆ? ಎಂಬುದರ ಬಗ್ಗೆ ಖಚಿತ ಮಾಹಿತಿ ಲಭ್ಯವಾಗಬೇಕಿದೆ.