ಕೊರೊನಾ ಗುದ್ದಿಗೆ ದುಡಿವ ಕೈಗಳು ಕಂಗಾಲು: ಉದ್ಯೋಗಿಗಳ ಸಂಕಷ್ಟಕ್ಕೆ ಈ ದೇಶಗಳ ಸ್ಪಂದನೆ ಹೇಗಿದೆ?

ಕೊರೊನಾ ಮಹಾಮಾರಿಯಿಂದ ವಿಶ್ವವೇ ಕಂಗೆಟ್ಟಿದೆ. ವ್ಯಾಪಾರ ವ್ಯವಹಾರಗಳು ಬಂದ್ ಆಗಿರುವ ಕಾರಣದಿಂದ ಉದ್ಯೋಗಿಗಳು ಕೂಡಾ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಈ ವೇಳೆ ಕೆಲವು ರಾಷ್ಟ್ರಗಳು ಕಾರ್ಮಿಕ ಕಲ್ಯಾಣ ಯೋಜನೆಗಳನ್ನು ಜಾರಿಗೆ ತಂದಿವೆ.

ನವದೆಹಲಿ:ಕೊರೊನಾ ವಿಶ್ವದಾದ್ಯಂತ ತಳಮಳ ಸೃಷ್ಟಿಸಿದೆ. ಎಲ್ಲಾ ರಾಷ್ಟ್ರಗಳ ಆರ್ಥಿಕತೆ ಸಂಕಷ್ಟದಲ್ಲಿದೆ. ಬಹುಪಾಲು ವ್ಯವಹಾರಗಳು ಹಾಗೂ ಕಾರ್ಖಾನೆಗಳನ್ನು ಬಂದ್​ ಮಾಡಲಾಗಿದೆ. ಇದರಿಂದಾಗಿ ಅರ್ಥಿಕತೆ ಕುಂಠಿತಗೊಂಡಿದೆ. ತುಂಬಾ ಕಂಪನಿಗಳು ತಮ್ಮ ನೌಕರರಿಗೆ ರಜೆಗಳನ್ನು ಘೋಷಣೆ ಮಾಡಿವೆ. ವೇತನ ರಹಿತ ರಜೆಗಳನ್ನು ತೆಗೆದುಕೊಳ್ಳಬೇಕೆಂದು ಒತ್ತಾಯ ಮಾಡುತ್ತಿವೆ. ಯಾವ್ಯಾವ ರಾಷ್ಟ್ರಗಳಲ್ಲಿ ಎಂತಹ ಪರಿಸ್ಥಿತಿಯಿದೆ ಇಲ್ಲಿದೆ ಫುಲ್​ ಡಿಟೇಲ್ಸ್​.

ಇಂಗ್ಲೆಂಡ್​

ಈ ರಾಷ್ಟ್ರದ ಉದ್ಯೋಗಿಗಳಿಗೆ ಕೆಲವು ಅನುದಾನಗಳನ್ನು ಬಿಡುಗಡೆ ಮಾಡಿದೆ. ತಾತ್ಕಾಲಿಕ ರಜೆಗಳನ್ನು ನೀಡಿ ಶೇಕಡಾ 80ರಷ್ಟು ವೇತನ ಪಾವತಿ ಮಾಡಲು ಕ್ರಮ ಕೈಗೊಂಡಿದೆ. ಜೊತೆಗೆ ಮಾರ್ಚ್​ ಆರಂಭದಲ್ಲಿ ಉದ್ಯೋಗ ಸ್ವಾಧೀನ ಯೋಜನೆ ಜಾರಿಗೊಳಿಸಿ ಪ್ರತಿ ತಿಂಗಳಿಗೆ ರಜೆಯಲ್ಲಿರುವ ಉದ್ಯೋಗಿಗೆ ಎರಡೂವರೆ ಸಾವಿರ ಫೌಂಡ್​ಗಳನ್ನು ನೀಡಲು ಮುಂದಾಗಿದೆ.

ಅಮೆರಿಕ

ಕೊರೊನಾ ವಿರುದ್ಧ ಹೋರಾಡಲು ಅಮೆರಿಕಾ ಎರಡು ಟ್ರಿಲಿಯನ್​ ಡಾಲರ್​ಗಳ ಪ್ಯಾಕೇಜ್​ ಅನ್ನು ಬಿಡುಗಡೆ ಮಾಡಿದೆ. ಈ ಪ್ಯಾಕೇಜ್​ನ ಹಣದಲ್ಲಿ ಉದ್ಯೋಗ ಕಳೆದುಕೊಂಡವರಿಗೆ ವೇತನ ಪಾವತಿಸಲು ಕ್ರಮ ಕೈಗೊಳ್ಳಲಾಗಿದೆ.

ಫ್ರಾನ್ಸ್​

ಈ ರಾಷ್ಟ್ರದ ನಾಗರಿಕರಿಗೆ ಹಣಕಾಸಿನ ತೊಂದರೆಯಾಗದಂತೆ ನೋಡಿಕೊಳ್ಳುವುದಾಗಿಯೂ, ಪ್ರಜೆಗಳೆಲ್ಲಾ ಮನೆಯಲ್ಲಿಯೇ ಇರಬೇಕೆಂದು ಫ್ರಾನ್ಸ್​​ ಅಧ್ಯಕ್ಷ ಇಮ್ಯಾನುಯಲ್​ ಮ್ಯಾಕ್ರೊನ್ ಸೂಚಿಸಿದ್ದಾರೆ. ಸುಮಾರು 45 ಬಿಲಿಯನ್ ಯೂರೋ​ ಅನ್ನು ಕಂಪನಿಗಳಿಗೆ ಹಾಗೂ ಉದ್ಯೋಗಿಗಳಿಗೆ ಅನುದಾನ ಘೋಷಿಸುವ ಭರವಸೆ ನೀಡಿದ್ದಾರೆ.

ಆಸ್ಟ್ರೇಲಿಯಾ

ಸುಮಾರು ಆರು ತಿಂಗಳು ಕಾರ್ಮಿಕರಿಗೆ ವೇತನದ ಬಹುಪಾಲು ನೀಡುವುದಾಗಿ ಆಸ್ಟ್ರೇಲಿಯಾ ಘೋಷಣೆ ಮಾಡಿದೆ.ಇದಕ್ಕಾಗಿ 130 ಆಸ್ಟ್ರೇಲಿಯನ್​ ಡಾಲರ್​ಗಳನ್ನು ಮೀಸಲಿಟ್ಟಿದೆ. ವೇತನ ಪಡೆಯಲು

ಸ್ವೀಡನ್​

ಇಲ್ಲಿನ ಸರ್ಕಾರ ಕಾರ್ಮಿಕರಿಗೆ ಹೆಚ್ಚು ಸಬ್ಸಿಡಿಗಳನ್ನು ನೀಡುವುದಾಗಿ ಘೋಷಣೆ ಮಾಡಿದೆ. ಶೇ 90ರಷ್ಟು ವೇತನವನ್ನು ಪಾವತಿ ಮಾಡಲಿದ್ದು, ಕೆಲಸದ ವೇಳೆಯನ್ನು ಇಳಿಸಲಾಗಿದೆ.

ಡೆನ್ಮಾರ್ಕ್​

ಡೆನ್ಮಾರ್ಕ್​ ಕೂಡಾ ಸ್ವೀಡನ್​ನಂತೆ ಭರವಸೆ ನೀಡಿದೆ. ಸುಮಾರು 75ರಷ್ಟು ವೇತನ ನೀಡೋದಾಗಿ ಭರವಸೆ ನೀಡಿದೆ.