ಕೋವಿಡ್​ ಸಾಮಗ್ರಿಗಳ ಆಮದು ಮೇಲಿನ ತೆರಿಗೆ ವಿನಾಯಿತಿ GST ಮಂಡಳಿ ನಿರ್ಧರಿಸುತ್ತೆ: ಸೀತಾರಾಮನ್​

ಏಳು ತಿಂಗಳ ಅಂತರದ ನಂತರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮಮನ್ ಅವರ ಅಧ್ಯಕ್ಷತೆಯಲ್ಲಿ 43ನೇ ಸರಕು ಮತ್ತು ಸೇವಾ ತರಿಗೆಯ (ಜಿಎಸ್​ಟಿ) ಮಂಡಳಿ ಸಭೆ ವಿಡಿಯೋ ಕಾನ್ಫರೆನ್ಸ್ ಮೂಲಕ ನಡೆಯಿತು. ಸಭೆ ಬಳಿಕ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕೋವಿಡ್ ಸಂಬಂಧಿತ ವಸ್ತುಗಳ ಮೇಲಿನ ಜಿಎಸ್​ಟಿ ಕಡಿತದ ಬಗ್ಗೆ ಚರ್ಚಿಸಲು ಮತ್ತು ನಿರ್ಧರಿಸಲು ಸಚಿವರ ತಂಡ ರಚಿಸಲಾಗುವುದು. ಜೂನ್ 8ರೊಳಗೆ ಸರ್ಕಾರಕ್ಕೆ ತನ್ನ ವರದಿಯನ್ನು ಸಲ್ಲಿಸಲಿದೆ ಎಂದರು.

ನವದೆಹಲಿ: ಕೋವಿಡ್ ಸಂಬಂಧಿತ ವಸ್ತುಗಳ ಮೇಲಿನ ಜಿಎಸ್​ಟಿ ಕಡಿತದ ಬಗ್ಗೆ ಚರ್ಚಿಸಲು ಮತ್ತು ನಿರ್ಧರಿಸಲು ಸಚಿವರ ತಂಡ ರಚಿಸಲಾಗುವುದು. ಜೂನ್ 8ರೊಳಗೆ ಸರ್ಕಾರಕ್ಕೆ ತನ್ನ ವರದಿಯನ್ನು ಸಲ್ಲಿಸಲಿದೆ ಎಂದು ಹಣಕಾಸು ಸಚಿವೆ ಸೀತಾರಾಮನ್​ ಹೇಳಿದ್ದಾರೆ.

ಏಳು ತಿಂಗಳ ಅಂತರದ ನಂತರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮಮನ್ ಅವರ ಅಧ್ಯಕ್ಷತೆಯಲ್ಲಿ 43ನೇ ಸರಕು ಮತ್ತು ಸೇವಾ ತರಿಗೆಯ (ಜಿಎಸ್​ಟಿ) ಮಂಡಳಿ ಸಭೆ ವಿಡಿಯೋ ಕಾನ್ಫರೆನ್ಸ್ ಮೂಲಕ ನಡೆಯಿತು. ಸಭೆ ಬಳಿಕ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ನಾವು ತೆರಿಗೆ ಬಳಕೆದಾರರಿಗೆ ಅಂತಿಮ ಬಳಕೆದಾರರನ್ನು ತಲುಪುವ ಜವಾಬ್ದಾರಿಯನ್ನು ಹೊಂದಿದ್ದೇವೆ. ಅದಕ್ಕಾಗಿಯೇ ಕೋವಿಡ್-19 ಸಂಬಂಧಿತ ವಸ್ತುಗಳನ್ನು ವಿನಾಯಿತಿ ನೀಡುವಲ್ಲಿ ಒಂದು ಬಿಕ್ಕಟ್ಟು ಇತ್ತು ಎಂದರು.

ಮುಂಬರುವ ತಿಂಗಳುಗಳಲ್ಲಿ ಲಸಿಕೆ ಪೂರೈಕೆ ಪ್ರಸ್ತುತಕ್ಕಿಂತ ಹೆಚ್ಚಿನದಾಗಿದೆ ಇರಲಿದೆ. ಯುರೋಪ್ ಮತ್ತು ಜಪಾನ್ ಅನುಮೋದಿಸಿದ ಲಸಿಕೆ ತಯಾರಕರನ್ನು ಭಾರತಕ್ಕೆ ಬಂದು ಉತ್ಪಾದಿಸುವಂತೆ ನಾವು ಆಹ್ವಾನಿಸಿದ್ದೇವೆ ಎಂದು ತಿಳಿಸಿದ್ದಾರೆ.