ತೆರಿಗೆ ವ್ಯಾಜ್ಯಗಳು ಇತ್ಯರ್ಥಿಸುವ 'ವಿವಾದ್ ಸೆ ವಿಶ್ವಾಸ್​' ಅರ್ಜಿ ಸಲ್ಲಿಕೆ ಗಡುವು ವಿಸ್ತರಣೆ

ವಿವಿಧ ಮೇಲ್ಮನವಿ ವೇದಿಕೆಗಳಲ್ಲಿ ನೇರ ತೆರಿಗೆ ವಿವಾದಗಳನ್ನು ಬಗೆಹರಿಸಲು ಕೇಂದ್ರವು 'ವಿವಾದ ಸೆ ವಿಶ್ವಾಸ್' ಯೋಜನೆಯನ್ನು ಪ್ರಾರಂಭಿಸಿತ್ತು. ಇನ್ನೂ ವಿಚಾರಣೆ ಆರಂಭಿಸದ ಕಂಪನಿಗಳು ಸಹ 'ವಿವಾದ್​ ಸೆ ವಿಶ್ವಾಸ್' ಯೋಜನೆಯ ಲಾಭ ಪಡೆಯಬಹುದು ಎಂದು ಆದಾಯ ತೆರಿಗೆ ಇಲಾಖೆ ಇತ್ತೀಚೆಗೆ ಸ್ಪಷ್ಟಪಡಿಸಿದೆ..

ನವದೆಹಲಿ :ನೇರ ತೆರಿಗೆ ವಿವಾದಗಳನ್ನು ಬಗೆಹರಿಸಲು ಪ್ರಯತ್ನಿಸುವ 'ವಿವಾದ್​​ ಸೆ ವಿಶ್ವ' ಯೋಜನೆಯಡಿ ಅರ್ಜಿ ಸಲ್ಲಿಸುವ ಗಡುವನ್ನು ಕೇಂದ್ರ ವಿಸ್ತರಿಸಿದೆ.

ಫೆಬ್ರವರಿ 28ರ ಗಡುವನ್ನು ಮಾರ್ಚ್ 31ಕ್ಕೆ ವಿಸ್ತರಿಸಲಾಗಿದೆ. ಅಲ್ಲದೆ, ವಿವಾದ ಪರಿಹಾರ ಯೋಜನೆಯಡಿ ಪಾವತಿ ದಿನಾಂಕವನ್ನು ಏಪ್ರಿಲ್ 30ಕ್ಕೆ ಬದಲಾಯಿಸಲಾಗಿದೆ ಎಂದು ಕೇಂದ್ರ ನೇರ ತೆರಿಗೆ ಮಂಡಳಿ (ಸಿಬಿಡಿಟಿ) ಪ್ರಕಟಣೆಯಲ್ಲಿ ತಿಳಿಸಿದೆ.

ವಿವಾದ್​ ಸೆ ವಿಶ್ವಾಸ್​ ಮೇಲ್ಮನವಿ ವೇದಿಕೆಗಳಲ್ಲಿ ಪ್ರಸ್ತುತ 5,10,491 ಪ್ರಕರಣ ಬಾಕಿ ಇವೆ. ಈ ಪೈಕಿ ಶೇ.24.5ರಷ್ಟು ಅಥವಾ 1,25,144 ಪ್ರಕರಣ ವಿವಾದ ಯೋಜನೆ ಪಡೆಯಲು ಅರ್ಜಿ ಸಲ್ಲಿಸಿವೆ. ಇದರೊಂದಿಗೆ ಸುಮಾರು 97,000 ಕೋಟಿ ರೂ. ಮೌಲ್ಯದ ವಿವಾದಗಳನ್ನು ಯೋಜನೆಯಡಿ ಬಗೆಹರಿಸಲಾಗುವುದು.

ಇದನ್ನೂ ಓದಿ: 'ಒಂದು ಜಿಲ್ಲೆ ಒಂದು ಉತ್ಪನ್ನ' ಪಟ್ಟಿ ಸಿದ್ಧ: ಸ್ಥಳೀಯ ಆರ್ಥಿಕತೆಗೆ ಉತ್ತೇಜನ, ಉದ್ಯೋಗ ಸೃಷ್ಟಿ!

ವಿವಿಧ ಮೇಲ್ಮನವಿ ವೇದಿಕೆಗಳಲ್ಲಿ ನೇರ ತೆರಿಗೆ ವಿವಾದಗಳನ್ನು ಬಗೆಹರಿಸಲು ಕೇಂದ್ರವು 'ವಿವಾದ ಸೆ ವಿಶ್ವಾಸ್' ಯೋಜನೆಯನ್ನು ಪ್ರಾರಂಭಿಸಿತ್ತು. ಇನ್ನೂ ವಿಚಾರಣೆ ಆರಂಭಿಸದ ಕಂಪನಿಗಳು ಸಹ 'ವಿವಾದ್​ ಸೆ ವಿಶ್ವಾಸ್' ಯೋಜನೆಯ ಲಾಭ ಪಡೆಯಬಹುದು ಎಂದು ಆದಾಯ ತೆರಿಗೆ ಇಲಾಖೆ ಇತ್ತೀಚೆಗೆ ಸ್ಪಷ್ಟಪಡಿಸಿದೆ.