ಬಿಎಸ್​-4 ವಾಹನ ಮಾರಾಟದ ಗಡವು ವಿಸ್ತರಿಸಿ.. ಸುಪ್ರೀಂಕೋರ್ಟ್​ಗೆ ಅರ್ಜಿ ಸಲ್ಲಿಸಿದ ಎಫ್‌ಎಡಿಎ..

ಹಿಂದಿನ ವರ್ಷ ಸುಪ್ರೀಂಕೋರ್ಟ್​ ಬಿಎಸ್​-4 ವಾಹನ ನಿಷೇಧದ ಬಗ್ಗೆ ಆದೇಶ ನೀಡಿದ್ದು, ಇಂದು ಈ ವಾಹನಗಳ ಮಾರಾಟದ ಗಡುವು ವಿಸ್ತರಿಸುವಂತೆ ಎಫ್​ಡಿಎ ಮನವಿ ಸಲ್ಲಿಸಿದೆ.

ನವದೆಹಲಿ:2020ರಿಂದ ಬಿಎಸ್​​-4 ವಾಹನಗಳ ಮಾರಾಟವನ್ನು ದೇಶದಲ್ಲಿ ನಿಷೇಧಿಸಲಾಗುವುದು ಎಂದು ಸುಪ್ರೀಂಕೋರ್ಟ್​ ಆದೇಶಿಸಿದೆ. ಇಂದು ಫೆಡರೇಶನ್ ಆಫ್ ಆಟೋಮೊಬೈಲ್ ಡೀಲರ್ಸ್ ಅಸೋಸಿಯೇಷನ್​​ (ಎಫ್‌ಎಡಿಎ) ಈ ಕುರಿತು ಸುಪ್ರೀಂಕೋರ್ಟ್​ಗೆ ಅರ್ಜಿ ಸಲ್ಲಿಸಿದೆ.

ಸುಪ್ರೀಂಕೋರ್ಟ್​, ಕಳೆದ ವರ್ಷವಷ್ಟೇ 2020 ಏಪ್ರಿಲ್​ 1ರಿಂದ ಬಿಎಸ್​​-4 ಹಂತದ ವಾಹನಗಳ ಮಾರಾಟ ನಿಷೇಧ ಮಾಡಲಾಗುವುದು ಎಂಬ ಆದೇಶ ನೀಡಿತ್ತು. ಇದೀಗ ಎಫ್‌ಎಡಿಎ 2019ರಲ್ಲಿ ಖರೀದಿ ಮಾಡಿರುವ ಹಾಗೂ ಬಾಕಿ ಉಳಿದಿರುವ ಬಿಎಸ್​​-4 ವಾಹನಗಳನ್ನು ಮಾರಾಟ ಮಾಡಲು ಅನುಮತಿ ನೀಡಬೇಕೆಂದು ಸುಪ್ರೀಂಕೋರ್ಟ್​ಗೆ ಮನವಿ ಮಾಡಿದೆ.

ನಾವು ಈಗಾಗಲೇ ನ್ಯಾಯಾಲಕ್ಕೆ ಮನವಿ ಸಲ್ಲಿಸಿದ್ದು, ಮಾರಾಟವಾಗದೆ ಉಳಿದಿರುವ ವಾಹನಗಳಿಗೆ ಈ ಗಡುವನ್ನು ವಿಸ್ತರಿಸಬೇಕು ಅಥವಾ ಸೂಕ್ತ ಪರಿಹಾರನೀಡಬೇಕು ಎಂದು ಕೇಳಿಕೊಳ್ಳಲಾಗಿದೆ ಎಂದು ಎಫ್​ಎಡಿಎ ಅಧ್ಯಕ್ಷ ಆಶಿಶ್ ಹರ್ಷರಾಜ್​ ಕಾಳೆ ತಿಳಿಸಿದ್ದಾರೆ.