ಕೇಂದ್ರದ ಮಾಸ್ಟರ್​ ಸ್ಟ್ರೋಕ್​ಗೆ ಬೆಚ್ಚಿದ Google, Facebook​, ಟ್ವಿಟರ್​

ವಾರ್ಷಿಕ 20 ಕೋಟಿ ಬಂಡವಾಳ ಹೊಂದಿರುವ ಅಥವಾ 5 ಲಕ್ಷ ಬಳಕೆದಾರರು ಇರುವ ಸಾಮಾಜಿಕ ಜಾಲತಾಣ ಕಂಪನಿಗಳನ್ನು ನೇರ ತೆರಿಗೆ ಸಾಲಿಗೆ ಸೇರ್ಪಡೆಗೊಳಿಸಲು ಸರ್ಕಾರ ಮುಂದಾಗಿದೆ.

ನವದೆಹಲಿ:ದೇಶದಲ್ಲಿ ಸ್ಥಳೀಯವಾಗಿ ಗಳಿಸಿದ ಲಾಭಕ್ಕಾಗಿ ಜಾಗತಿಕ ಡಿಜಿಟಲ್ ಕಂಪನಿಗಳಾದ ಗೂಗಲ್, ಫೇಸ್‌ಬುಕ್, ಟ್ವಿಟರ್‌ಗೆ ಸೇರಿದಂತೆ ಇತರ ಸಾಮಾಜಿಕ ಜಾಲತಾಣಗಳನ್ನು ತೆರಿಗೆ ವ್ಯಾಪ್ತಿಗೆ ತರಲು ಸರ್ಕಾರ ಚಿಂತಿಸುತ್ತಿದೆ.

ವಾರ್ಷಿಕ 20 ಕೋಟಿ ಬಂಡವಾಳ ಹೊಂದಿರುವ ಅಥವಾ 5 ಲಕ್ಷ ಬಳಕೆದಾರರು ಇರುವ ಸಾಮಾಜಿಕ ಜಾಲತಾಣ ಕಂಪನಿಗಳನ್ನು ನೇರ ತೆರಿಗೆ ಸಾಲಿಗೆ ಸೇರ್ಪಡೆಗೊಳಿಸಲು ಸರ್ಕಾರ ಮುಂದಾಗಿದೆ.

ದೇಶದಲ್ಲಿ ಕಾರ್ಯನಿರತ ಜಾಗತಿಕ ಡಿಜಿಟಲ್ ಕಂಪನಿಗಳಿಗೆ ತೆರಿಗೆ ವಿಧಿಸುವ ನಿರ್ಧಾರವನ್ನು 2018ರ ಕೇಂದ್ರ ಬಜೆಟ್​ನಲ್ಲಿ ಪ್ರಸ್ತಾಪಿಸಲಾಗಿತ್ತು. ಹಣಕಾಸು ಕಾಯಿದೆ 2018ರ ಮೂಲಕ, ವ್ಯವಹಾರ ಸಂಪರ್ಕದ ವ್ಯಾಖ್ಯಾನದ ವ್ಯಾಪ್ತಿಯನ್ನು ಹೆಚ್ಚಿಸಿ ಭಾರತದಲ್ಲಿನ ಅನಿವಾಸಿ ಅಥವಾ ಜಾಗತಿಕ ಡಿಜಿಟಲ್​ ಕಂಪನಿಗಳಿಗೆ ತೆರಿಗೆ ವಿಧಿಸುವ ಆದಾಯ ಕಾಯ್ದೆಯಲ್ಲಿ ಎಸ್​ಇಪಿ ಪರಿಕಲ್ಪನೆ ಪರಿಚಯಿಸಲಾಗಿತ್ತು.