ಬೆಂಗಳೂರು: ಭಾರತದಲ್ಲಿ ಹಬ್ಬದ ಆನ್ಲೈನ್ ಮಾರಾಟವು ಅಕ್ಟೋಬರ್ 15 ರಿಂದ ನವೆಂಬರ್ 15 ರ ಅವಧಿಯಲ್ಲಿ ಅಂದಾಜು 8.3 ಬಿಲಿಯನ್ ಡಾಲರ್ (ಸುಮಾರು 61,253 ಕೋಟಿ ರೂ.) ಗಳಿಸಿದೆ. ಶೇಕಡಾ 65 ರಷ್ಟು (ವರ್ಷಕ್ಕೆ) ಬೆಳವಣಿಗೆಯಾಗಿದೆ ಎಂದು ಹೊಸ ವರದಿ ಶುಕ್ರವಾರ ತಿಳಿಸಿದೆ.
ಮಾರುಕಟ್ಟೆ ಸಂಶೋಧನಾ ಸಂಸ್ಥೆಯ ಪ್ರಕಾರ, ಇಡೀ ಹಬ್ಬದ ತಿಂಗಳಲ್ಲಿ ಫ್ಲಿಪ್‌ಕಾರ್ಟ್ ಗ್ರೂಪ್ ಒಟ್ಟು ಮಾರಾಟದಲ್ಲಿ ಶೇಕಡಾ 66 ರಷ್ಟು ಪಾಲನ್ನು ಹೊಂದಿದೆ. ಈ ಹಬ್ಬದ ಋತುವಿನಲ್ಲಿ ಒಟ್ಟಾರೆ ಬೆಳವಣಿಗೆ ಒಳ್ಳೆಯ ಹಂತ ತಲುಪಿದೆ. ನಾವು 7 ಬಿಲಿಯನ್ ಮಾರಾಟವನ್ನು ಮುನ್ಸೂಚನೆ ನೀಡಿದ್ದೆವು. ಕೊರೊನಾ ಆತಂಕದ ನಡುವೆಯೂ ಗ್ರಾಹಕರು ಆನ್‌ಲೈನ್‌ನಲ್ಲಿ ಶಾಪಿಂಗ್ಗೆ ಹೆಚ್ಚಾಗಿ ಒತ್ತು ನೀಡಿದ್ದಾರೆ ಎಂಬುದನ್ನು ವರದಿ ತೋರಿಸುತ್ತದೆ ಎಂದು ರೆಡ್‌ಸೀರ್‌ ನಿರ್ದೇಶಕ ಮೃಗಾಂಕ್ ಗುಟ್‌ಗುಟಿಯಾ ಹೇಳಿದರು.