ಅಡುಗೆ ಎಣ್ಣೆ, ಎಲ್​ಪಿಜಿ ಬೆಲೆ ದುಪ್ಪಟ್ಟು.. ಕೊರೊನಾ ಬಿಕ್ಕಟ್ಟಿನಲ್ಲಿ ಜನಸಾಮಾನ್ಯರಿಗೆ ಗಾಯದ ಮೇಲೆ ಬರೆ

ಡೆಡ್ಲಿ ವೈರಸ್ ಕೊರೊನಾ ಹಾವಳಿ ನಡುವೆ ಇದೀಗ ದೇಶದಲ್ಲಿ ಅಗತ್ಯ ವಸ್ತುಗಳ ಬೆಲೆ ದುಪ್ಪಟ್ಟು ಆಗ್ತಿದ್ದು, ಇದರಿಂದ ಜನರು ಮತ್ತಷ್ಟು ಸಂಕಷ್ಟಕ್ಕೊಳಗಾಗುತ್ತಿದ್ದಾರೆ. ಕಳೆದ ಎರಡಉ ವರ್ಷಗಳಲ್ಲಿ ಅಗತ್ಯ ವಸ್ತುಗಳ ಬೆಲೆ ಏರಿಕೆಯಿಂದ ಜನರು ಕಂಗಾಲಾಗಿದ್ದಾರೆ.

ನವದೆಹಲಿ:ದೇಶಾದ್ಯಂತ ಕೊರೊನಾ ಮಹಾಮಾರಿ ಅಬ್ಬರ ಜೋರಾಗಿರುವ ಕಾರಣ ಅನೇಕ ರಾಜ್ಯಗಳಲ್ಲಿ ಸಂಪೂರ್ಣ ಲಾಕ್​ಡೌನ್ ಘೋಷಣೆ ಮಾಡಲಾಗಿದೆ. ಹೀಗಾಗಿ ಜನಸಾಮಾನ್ಯರು ಕೆಲಸವಿಲ್ಲದೇ ತೊಂದರೆಗೊಳಗಾಗಿದ್ದಾರೆ. ಈ ಮಧ್ಯೆ ಗಾಯದ ಮೇಲೆ ಬರೆ ಎಂಬ ರೀತಿಯಲ್ಲಿ ಅಗತ್ಯ ವಸ್ತುಗಳ ದರಗಳು ಗಗನಕ್ಕೇರಿವೆ.

ತೈಲ ಬೆಲೆ ಹಾಗೂ ಎಲ್​ಪಿಜಿ ಸಿಲಿಂಡರ್ ದರ ಇದೀಗ ದ್ವಿಗುಣಗೊಂಡಿವೆ. ಕಳೆದ ಎರಡು ವರ್ಷಗಳಲ್ಲೇ ಇವುಗಳ ಬೆಲೆ ದುಪ್ಪಟ್ಟು ಆಗಿದೆ. 2019ರ ಮೇ ತಿಂಗಳಲ್ಲಿ ಲೀಟರ್​ ಸಾಸಿವೆ ಎಣ್ಣೆ 90 ರೂ. ಇತ್ತು. ಆದರೆ ಇದೀಗ 190 ರೂ, ಆಗಿದ್ದು, ಅಕ್ಕಿ ಎಣ್ಣೆ ಬೆಲೆ ಕೂಡ ಎರಡರಷ್ಟಾಗಿದೆ. 2019ರಲ್ಲಿ ಎಲ್​ಪಿಜಿ ಬೆಲೆ 499ರಷ್ಟಿತ್ತು. ಆದರೆ ಇದೀಗ 835 ರೂ.ಗೆ ತಲುಪಿದೆ.

ನೆಲಗಡಲೆ ಎಣ್ಣೆ ಈ ವರ್ಷದ ಮೇ ತಿಂಗಳಲ್ಲಿ ಲೀಟರ್​ಗೆ 200 ರೂ ತಲುಪಿದ್ದು, ಇದು 2019ರಲ್ಲಿ 156 ರೂ ಇತ್ತು. ಅದೇ ಸೋಯಾಬಿನ್​ ಎಣ್ಣೆ 95ರೂ.ದಿಂದ 140ರೂಗೆ ತಲುಪಿದೆ. ಸೂರ್ಯಕಾಂತಿ ಪ್ರತಿ ಲೀಟರ್​ಗೆ 180 ರೂ ಆಗಿದೆ.

ಇದಲ್ಲದೆ, ಇನ್ನೂ ಕೆಲವು ಅಗತ್ಯ ವಸ್ತುಗಳ ಬೆಲೆಯಲ್ಲಿ ಭಾರಿ ಏರಿಕೆ ಕಂಡು ಬಂದಿರುವುದು ಜನರಿಗೆ ಇನ್ನಿಲ್ಲದ ಸಮಸ್ಯೆ ತಂದಿಟ್ಟಿದೆ.