ನವದೆಹಲಿ: ಡಿಜಿಟಲ್ ಆಡಳಿತದಲ್ಲಿ ಶ್ರೇಷ್ಠತೆ ಉತ್ತೇಜಿಸಲು ಗ್ರಾಮೀಣಾಭಿವೃದ್ಧಿ ಸಚಿವಾಲಯದ ಭೂ ಸಂಪನ್ಮೂಲ ಇಲಾಖೆ ಡಿಜಿಟಲ್ ಇಂಡಿಯಾ ಪ್ರಶಸ್ತಿ 2020 ಪಡೆದುಕೊಂಡಿದೆ.
ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವ ರವಿಶಂಕರ್ ಪ್ರಸಾದ್ ಅವರ ಸಮ್ಮುಖದಲ್ಲಿ ಇಲಾಖೆ ಭೂ ಸಂಪನ್ಮೂಲ ಹೆಚ್ಚುವರಿ ಕಾರ್ಯದರ್ಶಿ ಹುಕುಮ್ ಸಿಂಗ್ ಮೀನಾ ಮತ್ತು ತಂಡಕ್ಕೆ ವರ್ಚುವಲ್ ಸಮಾರಂಭದಲ್ಲಿ ರಾಷ್ಟ್ರಪತಿ ರಾಮ್ ನಾಥ್ ಕೋವಿಂದ್ ಅವರು ಪ್ರಶಸ್ತಿ ಪ್ರದಾನ ಮಾಡಿದರು.
ಇದನ್ನೂ ಓದಿ: ಮತ್ತೆ ಮುನಿದ ಈರುಳ್ಳಿ: ನ್ಯೂ ಇಯರ್ಗೆ ರುಚಿಯಾದ ಬಿರಿಯಾನಿ ಮಾಡೋದು ಕಷ್ಟ!
ದೇಶದ ಭೂ ನೋಂದಣಿ ವ್ಯವಸ್ಥೆಯಲ್ಲಿ ಸಮಗ್ರ ಐಟಿ ಅರ್ಜಿ ಜಾರಿಗೆ ತಂದ ವ್ಯವಸ್ಥೆಯನ್ನು ಗುರುತಿಸಿ ಈ ಪ್ರಶಸ್ತಿ ನೀಡಲಾಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
ನೋಂದಣಿಗಾಗಿ ಈ ಸಾಫ್ಟ್‌ವೇರ್ ಅರ್ಜಿಯನ್ನು ಈಗಾಗಲೇ ಪಂಜಾಬ್, ಜಾರ್ಖಂಡ್, ಗೋವಾ, ಮಣಿಪುರ, ಮಿಜೋರಾಂ, ಮಹಾರಾಷ್ಟ್ರ ಮತ್ತು ದಾದ್ರಾ / ನಗರ ಹವೇಲಿ ಸೇರಿ 12 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಜಾರಿಗೆ ತಂದಿವೆ.
ನೋಂದಣಿ ವ್ಯವಸ್ಥೆಯಲ್ಲಿ ಐಟಿ ಅರ್ಜಿ ಸಲ್ಲಿಸಲು ರಾಷ್ಟ್ರೀಯ ಜೆನೆರಿಕ್ ಡಾಕ್ಯುಮೆಂಟ್ ನೋಂದಣಿ ವ್ಯವಸ್ಥೆ (ಎನ್‌ಜಿಡಿಆರ್ಎಸ್) ಎಂದು ಹೆಸರಿಸಲಾಗಿದೆ. 6ನೇ ಡಿಜಿಟಲ್ ಇಂಡಿಯಾ ಪ್ರಶಸ್ತಿ 2020 ಅನ್ನು ಆರು ವಿಭಾಗಗಳಲ್ಲಿ ನೀಡಲಾಗಿದೆ.