ನವದೆಹಲಿ:ಆಮ್ಲಜನಕ ಪ್ಲಾಂಟ್ ಸ್ಥಾಪನೆ ಸಂಬಂಧ ಯಂತ್ರೋಪಕರಣಗಳ ಮೇಲೆ ಸರಕು ಮತ್ತು ಸೇವಾ ತೆರಿಗೆಗೆ (ಜಿಎಸ್ಟಿ) ವಿನಾಯಿತಿ ನೀಡುವಂತೆ ಸಾರ್ವಜನಿಕ ಹಿತಾಸಕ್ತಿ ಮೊಕದ್ದಮೆ (ಪಿಐಎಲ್) ಕೋರಿದ್ದು, ದೆಹಲಿ ಹೈಕೋರ್ಟ್ ಯಾವುದೇ ಪರಿಹಾರ ನೀಡಲು ನಿರಾಕರಿಸಿದೆ.
ನ್ಯಾಯಮೂರ್ತಿ ಡಿ.ಎನ್. ಪಟೇಲ್ ಮತ್ತು ನ್ಯಾಯಮೂರ್ತಿ ಜಸ್ಮೀತ್ ಸಿಂಗ್ ಅವರಿದ್ದ ನ್ಯಾಯಪೀಠ, ಇದು ಸರ್ಕಾರದ ನೀತಿ ನಿರ್ಧಾರ. ಈ ನಿಟ್ಟಿನಲ್ಲಿ ಸರ್ಕಾರಕ್ಕೆ ಯಾವುದೇ ನಿರ್ದೇಶನ ನೀಡಲು ನಮ್ಮ ಮುಂದೆ ಯಾವುದೇ ಕಾರಣ ಕಾಣಿಸುತ್ತಿಲ್ಲ ಎಂದು ಹೇಳಿದೆ.
ಮನವಿಯನ್ನು ಪ್ರಾತಿನಿಧ್ಯ ಎಂದು ಪರಿಗಣಿಸಲು ನ್ಯಾಯಾಲಯವು ಸಂಬಂಧಪಟ್ಟ ಪ್ರಾಧಿಕಾರವನ್ನು ಕೇಳಿದೆ. ವಕೀಲ ಸೌರಭ್ ಕನ್ಸಾಲ್ ಮತ್ತು ಅಶು ಚೌಧರಿ ಮೂಲಕ ಎನ್‌ಜಿಒ ಡ್ಯೂ ಪ್ರೊಸೆಸ್ ಆಫ್ ಲಾ ಇಂಡಿಯಾ ಫೌಂಡೇಷನ್ ಈ ಅರ್ಜಿ ಸಲ್ಲಿಸಿತ್ತು.
ಹಿರಿಯ ವಕೀಲ ಅರುಣ್ ಮೋಹನ್ ಅವರು ಅರ್ಜಿದಾರರ ಪರವಾಗಿ ಹಾಜರಾಗಿ ಪ್ರತಿವಾದಿಗಳಿಗೆ ನಿರ್ದೇಶನ ಕೋರಿದ್ದರು.
ಅನ್ವಯವಾಗುವ ತೆರಿಗೆಯಿಂದ ವಿನಾಯಿತಿ ನೀಡುವ ಅಧಿಕಾರ ಚಲಾಯಿಸುವ ಪ್ರಸ್ತುತ ಪರಿಸ್ಥಿತಿಯು ಸಾರ್ವಜನಿಕ ಅವಶ್ಯಕತೆಯಿದೆ. ಜನರನ್ನು ಸಾಂಕ್ರಾಮಿಕ ರೋಗದಿಂದ ರಕ್ಷಿಸಲು ಇದು ಅಗತ್ಯವಾಗಿದೆ ಎಂದು ಅರ್ಜಿಯಲ್ಲಿ ಮನವಿ ಮಾಡಲಾಗಿದೆ.
ಗಂಭೀರ ಸ್ಥಿತಿಯ ಸಂದರ್ಭದಲ್ಲಿ ಅಗತ್ಯ ವಸ್ತುಗಳ ಮೇಲೆ ಜಿಎಸ್‌ಟಿಯಿಂದ ವಿನಾಯಿತಿ ನೀಡುವ ಅಧಿಕಾರ ಪ್ರತಿವಾದಿಗಳಿಗೆ ಇದೆ. ಆದ್ದರಿಂದ ಪ್ರತಿವಾದಿಗಳು ಈ ಸಾಂಕ್ರಾಮಿಕ ಪರಿಸ್ಥಿತಿಯಲ್ಲಿ ತಮ್ಮ ಶಕ್ತಿಯನ್ನು ಬಳಸಿಕೊಳ್ಳಬೇಕು. ಕೆಲವು ಉಪಕರಣಗಳ ಮೇಲೆ ಜಿಎಸ್ಟಿ ಮನ್ನಾ ಮಾಡಬೇಕು. ಜಿಎಸ್ಟಿ ಮನ್ನಾ ಮಾಡಿದರೆ, ಈ ಸಮಯದಲ್ಲಿ ಹೆಚ್ಚುವರಿ ಪ್ಲಾಂಟ್ ಸ್ಥಾಪಿಸಲು ಮತ್ತು ಹೆಚ್ಚಿನ ಜನರನ್ನು ರಕ್ಷಿಸಲು ಇದನ್ನು ಬಳಸಬಹುದು ಎಂದು ಹೇಳಿದೆ.
