ನವದೆಹಲಿ:ಸಾವಿರಾರು ಜನರ ಪಾಲಿಗೆ ಅನ್ನದಾತ, ಕಾಫಿ ಡೇ ಸಾಮ್ರಾಜ್ಯದ ಸಾಮ್ರಾಟ ಸಿದ್ಧಾರ್ಥ್ ಅವರು ನೇತ್ರಾವತಿ ನದಿಯಲ್ಲಿ ತಮ್ಮ ಜೀವನ ಕೊನೆಗೊಳಿಸಿದ ಬಳಿಕ ದೇಶಾದ್ಯಂತ ಹಲವರು ಕಂಬನಿ ಮಿಡಿದರು. ಇಂದು ಸಂಸತ್ ಅಧಿವೇಶನದಲ್ಲಿ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಸಿದ್ಧಾರ್ಥ್ ಅವರ ಉದ್ಯಮ ವೈಫಲ್ಯದ ಬಗ್ಗೆ ಪ್ರಸ್ತಾಪಿಸಿದರು.
ದಿವಾಳಿತನ ಮತ್ತು ದಿವಾಳಿತನ ಸಂಹಿತೆ (ಐಬಿಸಿ) ಮಸೂದೆ ಜಾರಿ ಮೇಲಿನ ಚರ್ಚೆಯ ವೇಳೆದೇಶದಲ್ಲಿ ವೈಫಲ್ಯಗೊಂಡ ಉದ್ಯಮಗಳಿಗೆ ನಿಷೇಧ ಹೇರುವುದಾಗಲಿ ಅಥವಾ ಕೀಳಾಗಿ ಕಾಣುವುದಾಗಲಿ ಮಾಡಬಾರದು ಎಂದು ಕೆಫೆ ಕಾಫಿ ಡೇ ಸಂಸ್ಥಾಪಕ ವಿ.ಜಿ.ಸಿದ್ಧಾರ್ಥ್ ಅವರ ಸಾವಿನ ವಿಚಾರ ಪ್ರಸ್ತಾಪಿಸಿ ಸೀತಾರಾಮನ್ ಹೇಳಿದ್ದಾರೆ.