ಸೆಮಿ ಲಾಕ್​ಡೌನ್​ ಮಧ್ಯೆ ಸಾಲು - ಸಾಲು ರಜೆ! ಬ್ಯಾಂಕ್‌ ವ್ಯವಹಾರಕ್ಕೆ ಈಗಲೇ ಪ್ಲಾನ್ ಮಾಡಿಕೊಳ್ಳಿ!

ಪ್ರಸ್ತಕ ಸಾಲಿನ ಮೇ ತಿಂಗಳಲ್ಲಿ 12 ದಿನ ಬ್ಯಾಂಕ್​ಗಳಿಗೆ ರಜೆ ಇರಲಿದ್ದು, ಗ್ರಾಹಕರು, ವ್ಯಾಪಾರಿಗಳು ಬ್ಯಾಂಕ್​ ವ್ಯವಹಾರಗಳ ನಿರ್ವಹಣೆಗಾಗಿ ಇಂದಿನಿಂದಲೇ ಯೋಜನೆ ರೂಪಿಸಿಕೊಳ್ಳುವುದು ಉತ್ತಮ. ಇದು ರಾಜ್ಯಗಳಿಂದ ರಾಜ್ಯಗಳಿಗೆ ವ್ಯತ್ಯಾಸವಾಗಿ ಇರಲಿದೆ.

ಮುಂಬೈ:ಸೆಮಿ ಲಾಕ್​ಡೌನ್​ ನಡುವೆಯೂ ಮುಂದಿನ ಮೇ ತಿಂಗಳಲ್ಲಿ ಬ್ಯಾಂಕ್​ಗಳಿಗೆ ಹೆಚ್ಚಿನ ರಜಾ ದಿನಗಳಿದ್ದು, ಗ್ರಾಹಕರು ಅಗತ್ಯವಿರುವಷ್ಟು ಹಣ ಹಾಗೂ ಬ್ಯಾಂಕ್ ವ್ಯವಹಾರಗಳನ್ನು ಮುಗಿಸಿಕೊಳ್ಳಲು ಮೊದಲೇ ಯೋಜನೆ ರೂಪಿಸಿಕೊಳ್ಳುವುದು ಸೂಕ್ತ.

ಮೇ ಮೊದಲ ದಿನವೇ ವಿಶ್ವ ಕಾರ್ಮಿಕರ ದಿನಾಚರಣೆಯೊಂದಿಗೆ ರಜೆ ಆರಂಭವಾಗುತ್ತಿದೆ. ಮೇ 7ರಂದು ಜುಮಾತ್ - ಉಲ್ - ವಿದಾ ಇರಲಿದೆ. 13ರಂದು ರಂಜಾನ್ ಈದ್​ಗೆ​ (ಇದ್-ಉಲ್-ಫಿತರ್) ಹಾಲಿಡೇ ಘೋಷಣೆ ಮಾಡಲಾಗುತ್ತದೆ.

ಮೇ 14ರಂದು ಭಗವಾನ್ ಪರಶುರಾಮರ ಜಯಂತಿ, ರಂಜಾನ್ ಈದ್, ಬಸವ ಜಯಂತಿ ಹಾಗೂ ಅಕ್ಷಯ ತೃತೀಯ ಒಟ್ಟಾಗಿ ಬಂದಿವೆ. ಹೀಗಾಗಿ, ಬಹುತೇಕ ರಾಜ್ಯಗಳಲ್ಲಿ ಬ್ಯಾಂಕ್​ಗಳ ವಹಿವಾಟು ಸ್ಥಗಿತಗೊಳ್ಳಬಹುದು.

ಮೇ 26ರಂದು ಭಗವಾನ್ ಬುದ್ಧ ಪೂರ್ಣಿಮಾ ಇರುವ ಕಾರಣ ಕೆಲವು ಬ್ಯಾಂಕ್​ಗಳ ಬಾಗಿಲು ತೆರೆಯುವ ಸಾಧ್ಯತೆ ತೀರಾ ಕಡಿಮೆ. ಉಳಿದಂತೆ ಮೇ ತಿಂಗಳಲ್ಲಿ ವಾರಾಂತ್ಯದ ರಜಾದಿನಗಳು ಇರಲಿವೆ.

2021ರ ಮೇ ತಿಂಗಳಲ್ಲಿ ವಾರಾಂತ್ಯದ ರಜಾದಿನಗಳು

ಮೇ 2 ಸಾಪ್ತಾಹಿಕ ರಜೆ (ಭಾನುವಾರ)

ಮೇ 8 - ಎರಡನೇ ಶನಿವಾರ

ಮೇ 9 - ಸಾಪ್ತಾಹಿಕ ರಜೆ (ಭಾನುವಾರ)

ಮೇ 16 - ವಾರದ ರಜೆ (ಭಾನುವಾರ)

ಮೇ 22 - ನಾಲ್ಕನೇ ಶನಿವಾರ

ಮೇ 23 - ಸಾಪ್ತಾಹಿಕ ರಜೆ (ಭಾನುವಾರ)

ಮೇ 30 ಸಾಪ್ತಾಹಿಕ ರಜೆ (ಭಾನುವಾರ)

ಒಟ್ಟಾರೆ ಪ್ರಸ್ತಕ ಸಾಲಿನ ಮೇ ತಿಂಗಳಲ್ಲಿ 12 ದಿನ ಬ್ಯಾಂಕ್​ಗಳಿಗೆ ರಜೆ ಇರಲಿದ್ದು, ಗ್ರಾಹಕರು, ವ್ಯಾಪಾರಿಗಳು ಬ್ಯಾಂಕ್​ ವ್ಯವಹಾರಗಳ ನಿರ್ವಹಣೆಗಾಗಿ ಇಂದಿನಿಂದಲೇ ಯೋಜನೆ ರೂಪಿಸಿಕೊಳ್ಳುವುದು ಉತ್ತಮ. ಇದು ರಾಜ್ಯಗಳಿಂದ ರಾಜ್ಯಗಳಿಗೆ ವ್ಯತ್ಯಾಸವಾಗಿ ಇರಲಿದೆ.