ನವದೆಹಲಿ :ಸಣ್ಣ ಉದ್ಯಮಗಳಿಗೆ ಹಾನಿ ಉಂಟು ಮಾಡುವ ಇ-ಕಾಮರ್ಸ್ ಕಂಪನಿಗಳೊಂದಿಗೆ ಬ್ಯಾಂಕ್ಗಳು ಅಪವಿತ್ರ ಒಪ್ಪಂದ ಮಾಡಿಕೊಂಡು ಮಾರುಕಟ್ಟೆ ಪ್ರವೇಶಿಸುವುದನ್ನು ತಡೆಯುವಂತೆ ಅಖಿಲ ಭಾರತ ವ್ಯಾಪಾರಿಗಳ ಒಕ್ಕೂಟ (ಸಿಎಐಟಿ) ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರಿಗೆ ಒತ್ತಾಯಿಸಿದೆ.
ಸೀತಾರಾಮನ್ ಅವರೊಂದಿಗೆ ನಡೆಸಿದ ಸಂವಹನದಲ್ಲಿ(ಪತ್ರ), ಗ್ರಾಹಕರು ಇ-ಕಾಮರ್ಸ್ ಪೋರ್ಟಲ್‌ಗಳಿಂದ ತಮ್ಮ ಕಾರ್ಡ್‌ಗಳ ಮೂಲಕ ಖರೀದಿಸಿದಾಗ ಕೆಲವು ಬ್ಯಾಂಕ್ಗಳು ಶೇ 10ರಷ್ಟು ಕ್ಯಾಶ್ ಬ್ಯಾಕ್ ಅಥವಾ ರಿಯಾಯಿತಿ ನೀಡುವ ಬಗ್ಗೆ ವರ್ತಕರ ಒಕ್ಕೂಟ ಗಂಭೀರ ಕಳವಳ ವ್ಯಕ್ತಪಡಿಸಿದೆ.
ಪ್ರಧಾನಿ ಮೋದಿ ಒಂದು ಸೆಕೆಂಡ್ ವ್ಯರ್ಥ ಮಾಡದೆ ಆರ್ಥಿಕ ಸುಧಾರಣೆಗೆ ಶ್ರಮಿಸುತ್ತಿದ್ದಾರೆ - ಅಮಿತ್ ಶಾ
ಹಲವು ಬ್ಯಾಂಕ್ಗಳು ಅಮೆಜಾನ್, ಫ್ಲಿಪ್‌ಕಾರ್ಟ್ನಂತಹ ಇ-ಕಾಮರ್ಸ್ ಕಂಪನಿಗಳೊಂದಿಗೆ ಅಪವಿತ್ರವಾದ ಒಪ್ಪಂದ ಮಾಡಿಕೊಳ್ಳುತ್ತಿವೆ. ಸ್ಪರ್ಧಾತ್ಮಕ ವಿರೋಧಿ ನಡೆಗಳಲ್ಲಿ ಪಾಲ್ಗೊಳ್ಳಲು ಮತ್ತು ಬ್ಯಾಂಕ್ಗಳಿಗೆ ಆರ್‌ಬಿಐನ 'ಫೇರ್ ಪ್ರಾಕ್ಟೀಸ್ ಕೋಡ್' ಅನ್ನು ಅಪರಾಧ ಎಸಗುವುದಕ್ಕೆ ಅವರೊಂದಿಗೆ ಒಂದು ನಿಯಂತ್ರಣ ಕೂಟ ರೂಪಿಸುತ್ತಿದೆ ಎಂದು ಆರೋಪಿಸಿದೆ.
ಬ್ಯಾಂಕ್ಗಳು 'ವ್ಯಾಪಾರದ ಮೂಲಭೂತ ಹಕ್ಕಗಳನ್ನು' ಉಲ್ಲಂಘಿಸಿವೆ. ಭಾರತದ ಸಂವಿಧಾನದಡಿಯಲ್ಲಿ ನಿಷೇಧಿಸಲಾಗಿರುವ ದೇಶದ ಜನರೊಳಗಿನ ಭಿನ್ನಾಭಿಪ್ರಾಯವನ್ನು ಸಹ ದಾಟಿದೆ ಎಂದು ಸಿಎಐಟಿ ಆರೋಪಿಸಿ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಐಸಿಐಸಿಐ ಬ್ಯಾಂಕ್, ಹೆಚ್ಡಿಎಫ್ಸಿ ಬ್ಯಾಂಕ್, ಆ್ಯಕ್ಸಿಸ್ ಬ್ಯಾಂಕ್, ಸಿಟಿ ಬ್ಯಾಂಕ್, ಕೊಟಾಕ್ ಮಹೀಂದ್ರಾ ಬ್ಯಾಂಕ್, ಬ್ಯಾಂಕ್ ಆಫ್ ಬರೋಡಾ, ಹೆಚ್ಎಸ್ಬಿಸಿ ಬ್ಯಾಂಕ್ ಮತ್ತು ಆರ್ಬಿಎಲ್ ಬ್ಯಾಂಕ್ ವಿರುದ್ಧ ಆರೋಪಿಸಿದೆ.
