ಖಾತರಿ ಆದಾಯ ಯೋಜನೆ ಪಾಲಿಸಿಗಳಲ್ಲಿ ಹೂಡಿಕೆ ಲಾಭ ತರುತ್ತಾ..?

ಈಕ್ವಿಟಿ ಮಾರುಕಟ್ಟೆಗಳು ಅನಿಶ್ಚಿತತೆಯಿಂದ ಕೂಡಿರುತ್ತವೆ. ಯಾವಾಗ ಮತ್ತು ಹೇಗೆ ಎಂದು ಹೇಳಲು ಸಾಧ್ಯವಿಲ್ಲ. ಆದರೆ, ಆದಾಯ ಖಾತರಿ ಯೋಜನೆಗಳ ವಿಷಯಕ್ಕೆ ಬಂದರೆ ಇವುಗಳಲ್ಲಿ ಮಾರುಕಟ್ಟೆಗೆ ಸಂಬಂಧಿಸಿದ ಏರಿಳಿತಗಳಿಲ್ಲ. ಪಾಲಿಸಿಯ ಪ್ರಾರಂಭದಲ್ಲಿ ಆದಾಯವನ್ನು ಖಾತರಿಪಡಿಸಲಾಗುತ್ತದೆ. ಆದ್ದರಿಂದ, ಪಾವತಿಗಳು ನಿಯಮಿತವಾಗಿರುತ್ತವೆ..

ಹೈದರಾಬಾದ್ :ವೇತನದಾರರು ಸಾಮಾನ್ಯವಾಗಿ ತಮಗೆ ಬರುವ ಬಹುತೇಕ ವೇತನವನ್ನು ಆಯಾ ತಿಂಗಳ ಖರ್ಚು, ವೆಚ್ಚಗಳಿಗೆ ಉಪಯೋಗಿಸುತ್ತಾರೆ. ಆದರೆ, ಭವಿಷ್ಯದಲ್ಲಿ ಎದುರಾಗಬಹುದಾದ ಆರ್ಥಿಕ ಸಮಸ್ಯೆಗಳನ್ನು ಗಮನದಲ್ಲಿ ಇರಿಸಿ ಪ್ರತಿ ತಿಂಗಳ ವೇತನದಲ್ಲಿ ಒಂದಿಷ್ಟು ಹಣವನ್ನು ಕೂಡಿಡಬೇಕಾಗುತ್ತದೆ. ಆದರೆ, ಹೇಗೆ ಕೂಡಿಡಬೇಕು. ಎಲ್ಲಿ ಹಣ ತೋಡಿಸಿದರೆ ಎಲ್ಲಾ ದೃಷ್ಟಿಯಿಂದ ಉತ್ತಮ ಹಾಗೂ ನಿಶ್ಚಿಂತೆಯಿಂದ ಇರಬಹುದು ಎಂಬುದಕ್ಕೆ ಕೆಲವು ಖಾತರಿ ಆದಾಯ ಯೋಜನೆಗಳ ಪಾಲಿಸಿಗಳನ್ನು ಸಲಹೆ ನೀಡುತ್ತಾರೆ.

ಈ ಪಾಲಿಸಿಯನ್ನು ಆಯ್ಕೆ ಮಾಡುವ ಸಮಯದಲ್ಲಿ ಜೀವ ವಿಮಾ ರಕ್ಷಣೆಯೊಂದಿಗೆ ಬರುವ ಯೋಜನೆಗಳ ಜೊತೆಗೆ ಅವಧಿಗೆ ಎಷ್ಟು ಹಣ ಪಾವತಿಸಬೇಕು ಎಂಬುದನ್ನು ತಿಳಿದುಕೊಳ್ಳುವುದು ಪ್ರಮುಖವಾಗಿರುತ್ತದೆ. ಹೆಸರೇ ಸೂಚಿಸುವಂತೆ ಇವು ವಾಪಸಾತಿಯನ್ನು ಖಾತರಿಪಡಿಸುತ್ತವೆ. ಎಲ್ಲಾ ರೀತಿಯ ಅಪಾಯಗಳಿಗೆ ಪರಿಹಾರವನ್ನು ಒದಗಿಸುತ್ತವೆ.

ಆದಾಯ ಕೊರತೆ ತಪ್ಪಿಸಿ : ನಿವೃತ್ತಿಯ ನಂತರ ಆದಾಯ ಕಡಿಮೆಯಾಗುತ್ತದೆ. ಆದ್ದರಿಂದ, ಗಳಿಸುವಾಗ ನಿವೃತ್ತಿಯ ನಂತರ ನಿಯಮಿತ ಆದಾಯಕ್ಕೆ ವ್ಯವಸ್ಥೆ ಮಾಡಿಕೊಳ್ಳಬೇಕು. ಆದಾಯ ಖಾತರಿ ಯೋಜನೆ ಮೂಲ ಆದಾಯಕ್ಕೆ ಪೂರಕವಾಗಿ ಕುಟುಂಬದ ಅಗತ್ಯಗಳನ್ನು ಪೂರೈಸುತ್ತವೆ. ಭವಿಷ್ಯದಲ್ಲಿ ಆರ್ಥಿಕ ಒತ್ತಡವನ್ನು ಕಡಿಮೆ ಮಾಡುತ್ತದೆ ಎಂದು ತಜ್ಞರು ಹೇಳುತ್ತಾರೆ.

ನಿಮ್ಮ ಹಣಕಾಸಿಗೆ ಅನುಗುಣವಾಗಿ ಅಗತ್ಯಗಳನ್ನು ಪೂರೈಸಲು ಈ ಯೋಜನೆ ತೆಗೆದುಕೊಳ್ಳಬಹುದು. ಪ್ರೀಮಿಯಂ ಪಾವತಿ ಅವಧಿ, ಪಾವತಿಗಳನ್ನು ಹೇಗೆ ಮಾಡಲಾಗುತ್ತದೆ, ಮರುಪಾವತಿ ಮಾಡುವಾಗ ವಿಮಾದಾರರು ಹೇಗೆ ಆದಾಯವನ್ನು ಸ್ವೀಕರಿಸುತ್ತಾರೆ ಎಂಬುದು ನಿಮ್ಮ ವಿವೇಚನೆಗೆ ಅನುಗುಣವಾಗಿರುತ್ತದೆ.

ಕೆಲವು ವರ್ಷಗಳ ನಂತರ ಆದಾಯವನ್ನು ಹೆಚ್ಚಿಸಲು ನೀತಿಯನ್ನು ಬದಲಾಯಿಸಬಹುದು. ಇದು ಅಗತ್ಯವಿದ್ದಾಗ ಮಾತ್ರ ಆದಾಯವನ್ನು ಪಡೆಯಲು ಅನುಮತಿಸುತ್ತದೆ. ಇವು ಮಕ್ಕಳ ಶಿಕ್ಷಣ, ಮದುವೆ ಮತ್ತು ಇತರ ಗುರಿಗಳಿಗೆ ಕೊಡುಗೆ ನೀಡುತ್ತವೆ.

ಇದು ಹೇಗೆ ಕೆಲಸ ಮಾಡುತ್ತದೆ? :ಯಾವಾಗ ಹಣವನ್ನು ಗಳಿಸಲು ಪ್ರಾರಂಭಿಸಬೇಕು ಎಂಬುದನ್ನು ಮೊದಲು ನಿರ್ಧರಿಸಬೇಕು. ನಂತರ ಪಾಲಿಸಿಯ ಮೌಲ್ಯವನ್ನು ಪಾಲಿಸಿದಾರನ ವಯಸ್ಸು, ಎಷ್ಟು ಆದಾಯದ ಅಗತ್ಯವಿದೆ ಮತ್ತು ಯಾವಾಗ ಎಂದು ಲೆಕ್ಕ ಹಾಕಲಾಗುತ್ತದೆ. ಕೆಲವು ಪಾಲಿಸಿಗಳಲ್ಲಿ ಆದಾಯವನ್ನು ನಿಗದಿಪಡಿಸಲಾಗಿರುತ್ತದೆ. ಕೆಲವು ಸಂದರ್ಭಗಳಲ್ಲಿ ಆದಾಯವು ಒಂದು ನಿರ್ದಿಷ್ಟ ಅವಧಿಯಲ್ಲಿ ನಿರ್ದಿಷ್ಟ ಶೇಕಡಾವಾರು ಹೆಚ್ಚಾಗಬಹುದು. ಪಾಲಿಸಿಯನ್ನು ತೆಗೆದುಕೊಳ್ಳುವ ಸಮಯದಲ್ಲಿ ಇದನ್ನು ಆಯ್ಕೆ ಮಾಡಬೇಕು.

ಹೆಚ್ಚುವರಿ ವೆಚ್ಚಗಳು :ಪ್ರಸ್ತುತ ಪಡೆಯುತ್ತಿರುವ ಆದಾಯವು ದೈನಂದಿನ ವೆಚ್ಚಗಳಿಗೆ ಸಾಕಾಗಬಹುದು. ಆದರೆ, ಭವಿಷ್ಯದಲ್ಲಿ ಹೆಚ್ಚುವರಿ ವೆಚ್ಚಗಳ ಬಗ್ಗೆ ಏನು? ಇದಕ್ಕಾಗಿ ಸಾಲ ಪಡೆಯುವ ಸಾಧ್ಯತೆ ಇದೆ. ಆದರೆ, ಅವರಿಗೆ ಮರು ಪಾವತಿ ಮಾಡಲು ಸಾಧ್ಯವಾಗದಿದ್ದರೆ..? ಆರೋಗ್ಯ ತುರ್ತು ಸಂದರ್ಭದಲ್ಲಿ ವೈದ್ಯಕೀಯ ಚಿಕಿತ್ಸೆಗೆ ಬೇಕಾದ ಮೊತ್ತದ ಬಗ್ಗೆ ತೊಂದರೆ ಅನುಭವಿಸುವ ಸಾಧ್ಯತೆಗಳು ಇರುತ್ತವೆ.

ಇಂತಹ ಸಂದರ್ಭಗಳು ಬಂದಾಗ ಆದಾಯ ಖಾತರಿ ಯೋಜನೆಗಳು ನೆರವಿಗೆ ಬರುತ್ತವೆ. ವಿಮಾ ರಕ್ಷಣೆಯಿಂದಾಗಿ ಪಾಲಿಸಿದಾರರಿಗೆ ಏನಾದರೂ ಅನಿರೀಕ್ಷಿತ ಸಂಭವಿಸಿದರೂ ಸಹ ನಾಮಿನಿ/ಕುಟುಂಬ ಸದಸ್ಯರು ಪರಿಹಾರವನ್ನು ಪಡೆಯುತ್ತಾರೆ. ಅವರು ಪ್ರಸ್ತುತ ಜೀವನಮಟ್ಟವನ್ನು ಕಾಪಾಡಿಕೊಳ್ಳಲು ಸಾಧ್ಯವಾಗುತ್ತದೆ.

ಈಕ್ವಿಟಿ ಮಾರುಕಟ್ಟೆಗಳು ಅನಿಶ್ಚಿತತೆಯಿಂದ ಕೂಡಿರುತ್ತವೆ. ಯಾವಾಗ ಮತ್ತು ಹೇಗೆ ಎಂದು ಹೇಳಲು ಸಾಧ್ಯವಿಲ್ಲ. ಆದರೆ, ಆದಾಯ ಖಾತರಿ ಯೋಜನೆಗಳ ವಿಷಯಕ್ಕೆ ಬಂದರೆ ಇವುಗಳಲ್ಲಿ ಮಾರುಕಟ್ಟೆಗೆ ಸಂಬಂಧಿಸಿದ ಏರಿಳಿತಗಳಿಲ್ಲ. ಪಾಲಿಸಿಯ ಪ್ರಾರಂಭದಲ್ಲಿ ಆದಾಯವನ್ನು ಖಾತರಿಪಡಿಸಲಾಗುತ್ತದೆ. ಆದ್ದರಿಂದ, ಪಾವತಿಗಳು ನಿಯಮಿತವಾಗಿರುತ್ತವೆ.

ದೀರ್ಘಾವಧಿಯಲ್ಲಿ ಹೂಡಿಕೆಗಳನ್ನು ಸುರಕ್ಷಿತವಾಗಿಡಲು ಬಯಸಿದಾಗ ಆದಾಯವನ್ನು ಖಾತರಿಪಡಿಸುವ ವಿಮಾ ಯೋಜನೆಗಳನ್ನು ಆಯ್ಕೆ ಮಾಡಬಹುದು. ಮೆಚ್ಯೂರಿಟಿಯಲ್ಲಿ ಪಡೆದ ಪ್ರಯೋಜನಗಳು ಆದಾಯ ತೆರಿಗೆ ಕಾಯಿದೆಯ ಸೆಕ್ಷನ್ 10 (10D) ಅಡಿಯಲ್ಲಿ ತೆರಿಗೆ-ವಿನಾಯತಿಗೂ ಒಳಪಡುತ್ತವೆ. ಆದಾಯ ಯೋಜನೆಗಳು ತುಂಬಾ ಸಹಕಾರಿ ಎಂದು ಬಜಾಜ್ ಅಲಿಯಾನ್ಸ್ ಲೈಫ್ ಇನ್ಶುರೆನ್ಸ್‌ನ ಮುಖ್ಯ ಏಜೆನ್ಸಿ ಅಧಿಕಾರಿ ಸಮೀರ್ ಜೋಶಿ ಹೇಳಿದ್ದಾರೆ.

ಭವಿಷ್ಯದ ದೃಷ್ಟಿಯಿಂದ ಇತರೆ ಕಡೆಗಳಲ್ಲಿ ಹೂಡಿಕೆ ಮಾಡಿ ಅನಿಶ್ಚಿತತೆ ಅನುಭವಿಸುವ ಬದಲು ಖಾತರಿ ಆದಾಯ ಯೋಜನೆಗಳಲ್ಲಿ ಹೂಡಿಕೆ ಮಾಡುವ ಮೂಲಕ ಮುಂದಿನ ದಿನಗಳಲ್ಲಿ ಎದುರಾಗುವ ಸಂಕಷ್ಟಗಳನ್ನು ತಪ್ಪಿಸಬಹುದಾಗಿದೆ.

ಇದನ್ನೂ ಓದಿ:ಚೇತರಿಕೆ ಹಾದಿಯಲ್ಲಿ ಆರ್ಥಿಕತೆ: 2022ರ ಮಾರ್ಚ್‌ 16ರ ವರೆಗೆ ನೇರ ತೆರಿಗೆ ಸಂಗ್ರಹ 13.63 ಲಕ್ಷ ಕೋಟಿಗೆ ಏರಿಕೆ!