ಕೊರೊನಾ ಎಫೆಕ್ಟ್​ನಿಂದ ಭಾರತಕ್ಕೆ ಸಂಕಷ್ಟ, ಜಿಡಿಪಿ ಮೇಲೆ ಕರಿನೆರಳು: ಎಡಿಬಿ

ಕೊರೊನಾ ಸೋಂಕಿನ ಕಾರಣಕ್ಕೆ ವಿಶ್ವವೇ ಸ್ತಬ್ಧವಾಗಿದೆ. ಭಾರತದ ಆರ್ಥಿಕತೆಯ ಮೇಲೆಯೂ ಕೂಡಾ ಸೋಂಕು ದುಷ್ಪರಿಣಾಮಗಳನ್ನು ಉಂಟು ಮಾಡುವ ಸಾಧ್ಯತೆಯಿದ್ದು, ಜಿಡಿಪಿ ಮೇಲೆ ಪರಿಣಾಮ ಬೀರಲಿದೆ ಎಂದು ಏಷಿಯನ್ ಡೆವೆಲೆಪ್​ಮೆಂಟ್​ ಬ್ಯಾಂಕ್​ ಅಭಿಪ್ರಾಯಪಟ್ಟಿದೆ.

ನವದೆಹಲಿ: ಕೊರೊನಾ ವಿರುದ್ಧ ಹೋರಾಡುತ್ತಿರುವ ಭಾರತ ಆರ್ಥಿಕ ಹಿಂಜರಿತ ಅನುಭವಿಸಲಿದ್ದು, 2020-21ನೇ ವರ್ಷದಲ್ಲಿ ಶೇಕಡಾ ನಾಲ್ಕರಷ್ಟು ಹಣಕಾಸಿನ ಕೊರತೆ ಕಾಣಲಿದ್ದು ಜಿಡಿಪಿಯ ಮೇಲೆ ಪರಿಣಾಮ ಬೀರಲಿದೆ ಎಂದು ಏಷಿಯನ್ ಡೆವೆಲೆಪ್​ಮೆಂಟ್​ ಬ್ಯಾಂಕ್​ ಅಭಿಪ್ರಾಯಪಟ್ಟಿದೆ.

ಹಿಂದಿನ ವರ್ಷವೂ ಕೂಡಾ ಭಾರೀ ಆರ್ಥಿಕ ದುಸ್ಥಿತಿ ಎದುರಾಗಿತ್ತು. ಈ ಬಾರಿ ಹಣಕಾಸು ವರ್ಷದಲ್ಲಿಯೂ ಕೂಡಾ ಆರ್ಥಿಕ ಸಂಕಷ್ಟ ಎದುರಾಗಲಿದೆ ಎಂದು ಎಡಿಬಿ ಬ್ಯಾಂಕ್​ ಅಭಿಪ್ರಾಯಪಟ್ಟಿದೆ.

''ನಾವು ಸಂಕಷ್ಟದ ದಿನಗಳನ್ನು ಎದುರಿಸುತ್ತಿದ್ದು, ಕೊರೊನಾ ಮಹಾಮಾರಿಯಿಂದ ಜನ ಜೀವನ ಅಸ್ತವ್ಯಸ್ತಗೊಂಡಿದೆ. ವ್ಯವಹಾರಗಳು ಹಾಗೂ ಆರ್ಥಿಕ ಚಟುವಟಿಕೆಗಳು ಸ್ಥಗಿತಗೊಂಡಿವೆ ವಿಶ್ವದಾದ್ಯಂತ ಸ್ಥಗಿತಗೊಂಡಿವೆ'' ಎಂದು ಏಷಿಯನ್ ಡೆವೆಲೆಪ್​ಮೆಂಟ್​ ಬ್ಯಾಂಕ್​ ಅಧ್ಯಕ್ಷ ಮಸಾಸ್ತುಗು ಅಸಕಾವಾ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಭಾರತದಲ್ಲಿ ಇನ್ನೂ ಕೊರೊನಾ ಉಲ್ಬಣಿಸಿಲ್ಲ ಎಂದಿರುವ ಏಷಿಯನ್ ಡೆವೆಲೆಪ್​ಮೆಂಟ್ ಬ್ಯಾಂಕ್​ ಕೊರೊನಾ ಪೀಡಿತ ರಾಷ್ಟ್ರಗಳಿಗೆ ಎಲ್ಲಾ ರೀತಿಯ ಸಹಕಾರ ನೀಡುವುದಾಗಿ ಭರವಸೆ ನೀಡಿದೆ. ದಕ್ಷಿಣ ಏಷಿಯಾದ ರಾಷ್ಟ್ರಗಳ ಆರ್ಥಿಕ ಪರಿಸ್ಥಿತಿಯ ಮೇಲೆಯೂ ಕೊರೊನಾ ಪರಿಣಾಮ ಬೀರಿದ್ದು, 2021ರ ಹಣಕಾಸು ವರ್ಷದಿಂದ ನಷ್ಟ 2022ರ ಪುನಶ್ಚೇತನಗೊಳ್ಳಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದೆ.