ನವದೆಹಲಿ:ಕೇಂದ್ರದ ಮಹತ್ವಾಕಾಂಕ್ಷೆಯ ತೆರಿಗೆ ವಿವಾದ ಇತ್ಯರ್ಥ ಯೋಜನೆ ವಿವಾದ್ ಸೇ ವಿಶ್ವಾಸ್ ಅಡಿ 5.10 ಲಕ್ಷಕ್ಕೂ ಹೆಚ್ಚು ತೆರಿಗೆ ವಿವಾದಗಳಲ್ಲಿ ಕಾಲು ಭಾಗವನ್ನು ಇತ್ಯರ್ಥಪಡಿಸಲಾಗಿದ್ದು, ಸುಮಾರು ₹ 97,000 ಕೋಟಿ ಮೌಲ್ಯದ ವಿವಾದಿತ ತೆರಿಗೆಗೆ ತಿಲಾಂಜಲಿ ಹಾಡಲಾಗಿದೆ.
ವಿವಾದ್ ಸೆ ವಿಶ್ವಸ್ (ವಿಎಸ್ವಿ) ಯೋಜನೆಗೆ ಇದುವರೆಗೆ 1,25,144 ಪ್ರಕರಣಗಳು ಆಯ್ದುಕೊಳ್ಳಲಾಗಿದೆ. ವಿವಿಧ ಕಾನೂನು ವೇದಿಕೆಗಳಲ್ಲಿ ಬಾಕಿ ಇರುವ 5,10,491 ಪ್ರಕರಣಗಳಲ್ಲಿ ಇದು ಶೇ 24.5ರಷ್ಟಿವೆ ಎಂದು ಕಂದಾಯ ಇಲಾಖೆಯ ಮೂಲಗಳು ತಿಳಿಸಿವೆ.
ಇದನ್ನೂ ಓದಿ: 37,439 ಗ್ರಾಮಗಳಲ್ಲಿ 'ಹೈಸ್ಪೀಡ್ ಇಂಟರ್ನೆಟ್ ನಾಟ್‌ ರೀಚೆಬಲ್: ಇದ್ರಲ್ಲಿ ಕರ್ನಾಟಕದ್ದವೂ ಇವೆ!
ವಿಎಸ್ವಿ ಯೋಜನೆಗೆ ಪ್ರತಿಕ್ರಿಯೆ ಬಹಳ ಉತ್ತೇಜನಕಾರಿಯಾಗಿದೆ. ಇಲ್ಲಿಯವರೆಗೆ ತೆರಿಗೆ ವಿವಾದ ಇತ್ಯರ್ಥದ ಮೊತ್ತವು 97,000 ಕೋಟಿ ರೂ.ಗಳಿಗಿಂತ ಹೆಚ್ಚಿನದಾಗಿದೆ ಎಂದಿದೆ.
ವಿವಾದ್ ಸೆ ವಿಶ್ವಾಸ್ ಯೋಜನೆಯು ನೇರ ತೆರಿಗೆ ವಿವಾದ ಪರಿಹಾರ ಯೋಜನೆ 2016ರಕ್ಕೆ (ಡಿಟಿಡಿಆರ್ಎಸ್) ಹೋಲಿಸಿದರೆ 15 ಪಟ್ಟು ಉತ್ತಮ ಪ್ರತಿಕ್ರಿಯೆ ಬಂದಿದೆ. ಇತ್ಯರ್ಥಪಡಿಸಿದ ವಿವಾದಿತ ಮೊತ್ತಕ್ಕೆ ಸಂಬಂಧ ಇದು ಡಿಟಿಡಿಆರ್ಎಸ್ನ 153 ಪಟ್ಟು ಹೆಚ್ಚಾಗಿದೆ.