ನವದೆಹಲಿ: ಚೀನಾ ಮೂಲದ ಷಿಯೋಮಿ ಮೊಬೈಲ್ ಸಂಸ್ಥೆ ಭಾರತೀಯ ಮಾರುಕಟ್ಟೆಯಲ್ಲಿ ಮತ್ತೊಮ್ಮೆ ಸಂಚಲನ ಮೂಡಿಸಲು ಮುಂದಾಗಿದೆ.
ರೆಡ್ಮಿ ಗೋ ಹೆಸರಿನ ಮೊಬೈಲ್ ಭಾರತದಲ್ಲಿ ಬಿಡುಗಡೆಯಾಗುತ್ತಿದ್ದು ಅತ್ಯಂತ ಕಡಿಮೆ ಬೆಲೆಯಲ್ಲಿ ನೀಡಲಿದೆ. ಕೇವಲ 4,499 ರೂ.ಗೆ ಈ ಮೊಬೈಲ್ ಗ್ರಾಹಕರ ಕೈ ಸೇರಲಿದೆ.
ರೆಡ್ಮಿ ಗೋ ಮೊಬೈಲ್ ಮಾರ್ಚ್ 22ರ ಮಧ್ಯಾಹ್ನ 12 ಗಂಟೆಗೆ ಶಿಯೋಮಿ ವೆಬ್ಸೈಟ್ ಹಾಗೂ ಎಮ್ಐ.ಕಾಮ್ ಹಾಗೂ ಫ್ಲಿಪ್ಕಾರ್ಟ್ನಲ್ಲಿ ಲಭ್ಯವಿರಲಿದೆ.
ರೆಡ್ಮಿ ಗೋ ಗೂಗಲ್ನ ವಿನ್ಯಾಸದ ಆಂಡ್ರಾಯ್ಡ್ ಗೋ ವರ್ಷನ್ ಹೊಂದಿರಲಿದೆ. ಆಂಡ್ರಾಯ್ಡ್ ಗೋನಲ್ಲಿ ಅದರದ್ದೇ ಸಾಫ್ಟ್ವೇರ್ ಇರಲಿದೆ. ಈ ಸಾಫ್ಟ್ವೇರ್ಗಳಿಂದ ಇಂಟರ್ನೆಟ್ ಕಡಿಮೆ ಖರ್ಚಾಗುತ್ತದೆ.
ರೆಡ್ಮಿ ಗೋ ವಿಶೇಷತೆಗಳು:
ಐದು ಇಂಚಿನ ರೆಡ್ಮಿ ಗೋ 720p ಹೆಚ್ಡಿ ಡಿಸ್ಪ್ಲೇ ಹೊಂದಿದೆ. ಸ್ನ್ಯಾಪ್ಡ್ರಾಗನ್ 425 ಇರುವ ಶಿಯೋಮಿಯ ಈ ಮೊಬೈಲ್ನಲ್ಲಿ ಒಂದು ಜಿಬಿ ರ‍್ಯಾಮ್ ಹಾಗೂ 8 ಜಿಬಿ ಅಥವಾ 16 ಜಿಬಿಯಲ್ಲಿ ಆಂತರಿಕ ಸ್ಟೋರೇಜ್ ಹೊಂದಿದೆ. ಹೈಬ್ರೀಡ್ ಸ್ಲಿಮ್ ಸ್ಲಾಟ್ ಇದ್ದು ಎರಡು ಸಿಮ್ ಅಥವಾ ಒಂದು ಸಿಮ್ ಹಾಗೂ ಮೆಮೊರಿ ಕಾರ್ಡ್ ಅನ್ನು ಹಾಕಬಹುದಾಗಿದೆ. 3000mah ಬ್ಯಾಟರಿ ಸಾಮರ್ಥ್ಯವನ್ನು ಹೊಂದಿದೆ.