ಆಸೀಸ್ ವಿರುದ್ಧ ಭಾರತಕ್ಕೆ ಗೆಲುವಿನ ಅರ್ಧಶತಕ... ಹೈವೋಲ್ಟೇಜ್​ ಕದನದ ದಾಖಲೆಗಳು ಇಲ್ಲಿವೆ

ವಿಶ್ವಕಪ್ ಟೂರ್ನಿ ಬಲಿಷ್ಠ ತಂಡಗಳಾದ ಆಸೀಸ್ ಹಾಗೂ ಟೀಮ್ ಇಂಡಿಯಾ ತಮ್ಮ ಘನತೆಗೆ ತಕ್ಕುದಾದ ಪ್ರದರ್ಶನ ನೀಡಿವೆ. ಈ ಪಂದ್ಯದಲ್ಲಿ ಹಲವಾರು ದಾಖಲೆಗಳು ನಿರ್ಮಾಣವಾಗಿದೆ.

ಓವಲ್: ಭಾನುವಾರದ ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಿನ ಹೈವೋಲ್ಟೇಜ್ ಕದನಕ್ಕೆ ಸಾಕ್ಷಿಯಾದ ಲಂಡನ್​ನ ಓವಲ್ ಮೈದಾನದಲ್ಲಿ ಅಕ್ಷರಶಃ ರನ್​ಹೊಳೆಯೇ ಹರಿದಿದೆ.

ವಿಶ್ವಕಪ್ ಟೂರ್ನಿ ಬಲಿಷ್ಠ ತಂಡಗಳಾದ ಆಸೀಸ್ ಹಾಗೂ ಟೀಮ್ ಇಂಡಿಯಾ ತಮ್ಮ ಘನತೆಗೆ ತಕ್ಕುದಾದ ಪ್ರದರ್ಶನ ನೀಡಿದವು. ಈ ಪಂದ್ಯದಲ್ಲಿ ಹಲವಾರು ದಾಖಲೆಗಳು ನಿರ್ಮಾಣವಾಗಿದೆ.

ಭಾನುವಾರದ ಪಂದ್ಯ ಗೆಲ್ಲುವ ಮೂಲಕ ಟೀಮ್ ಇಂಡಿಯಾ ಆಸೀಸ್ ವಿರುದ್ಧ ಐವತ್ತನೇ ಮ್ಯಾಚ್ ಗೆದ್ದ ಮೂರನೇ ತಂಡ ಎನ್ನುವ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಇಂಗ್ಲೆಂಡ್ 61 ಹಾಗೂ ವೆಸ್ಟ್ ಇಂಡೀಸ್ 60 ಬಾರಿ ಆಸ್ಟ್ರೇಲಿಯಾವನ್ನು ಏಕದಿನದಲ್ಲಿ ಸೋಲಿಸಿದೆ.

ಏಕದಿನದಲ್ಲಿ ಸತತ 11 ಪಂದ್ಯಗಳನ್ನು ಗೆದ್ದಿದ್ದ ಆಸ್ಟ್ರೇಲಿಯಾ ನಿನ್ನೆಯ ಮ್ಯಾಚ್​​ನಲ್ಲಿ ಮುಗ್ಗರಿಸುವ ಮೂಲಕ ಗೆಲುವಿನ ಅಭಿಯಾನಕ್ಕೆ ತೆರೆ ಬಿದ್ದಿದೆ. 2009-10ರಲ್ಲಿ ಆಸ್ಟ್ರೇಲಿಯಾ ಸತತ 12 ಪಂದ್ಯ ಗೆದ್ದು ದಾಖಲೆ ನಿರ್ಮಿಸಿತ್ತು.

ನಿನ್ನೆಯ ಪಂದ್ಯವನ್ನು ಆಡುವ ಮೂಲಕ ಹಿರಿಯ ಆಟಗಾರ ಎಂ.ಎಸ್.ಧೋನಿ ಭಾರತದ ಪರ 340 ಏಕದಿನ ಪಂದ್ಯವನ್ನಾಡಿದ ರಾಹುಲ್ ದ್ರಾವಿಡ್ ದಾಖಲೆಯನ್ನು ಸರಿಗಟ್ಟಿದರು. ಸಚಿನ್​ ತೆಂಡುಲ್ಕರ್ 463 ಪಂದ್ಯವಾಡುವ ಮೂಲಕ ಅಗ್ರಸ್ಥಾನದಲ್ಲಿದ್ದಾರೆ.

ಅಲೆಕ್ಸ್ ಕ್ಯಾರಿ 25 ಎಸೆತದಲ್ಲಿ ಅರ್ಧಶತಕ ಪೂರೈಸುವ ಮೂಲಕ ವಿಶ್ವಕಪ್​​ನಲ್ಲಿ ಎರಡನೇ ವೇಗದ ಅರ್ಧಶತಕ ದಾಖಲಿಸಿದರು. 2015ರ ವಿಶ್ವಕಪ್​​ನಲ್ಲಿ ಅಫ್ಘಾನಿಸ್ತಾನದ ವಿರುದ್ಧ ಗ್ಲೆನ್ ಮ್ಯಾಕ್ಸ್​ವೆಲ್ 21 ಎಸೆತದಲ್ಲಿ 50 ರನ್ ಸಿಡಿಸಿದ್ದರು.