ವಿಶ್ವಕಪ್​ ನೋಡಲು ಕ್ರಿಕೆಟಿಗರ ಪತ್ನಿಯರಿಗೆ 15 ದಿನ ಮಾತ್ರ ಅವಕಾಶ... ಅದಕ್ಕೂ ಇದೆ ಕಂಡೀಶನ್ಸ್​!

ವಿಶ್ವಕಪ್​ನಲ್ಲಿ ಪಾಲ್ಗೊಳ್ಳುವ ಆಟಗಾರರ ಪತ್ನಿಯರು,ಗೆಳತಿಯರು ಹಾಗೂ ಕುಟುಂಬಸ್ಥರಿಗೆ ಇಂಗ್ಲೆಂಡ್​ನಲ್ಲಿ ಉಳಿದುಕೊಳ್ಳಲು ಬಿಸಿಸಿಐ ಕೇವಲ 15 ದಿನಗಳ ಮಾತ್ರ ಅವಕಾಶ ನೀಡಿದೆ.

ಮುಂಬೈ:ವಿಶ್ವಕಪ್​ನಲ್ಲಿ ಪಾಲ್ಗೊಳ್ಳುವ ಆಟಗಾರರ ಹಾಗೂ ಇತರೆ ಸಿಬ್ಬಂದಿಯ ಪತ್ನಿಯರು ಹಾಗೂ ಕುಟುಂಬಸ್ಥರಿಗೆ ಇಂಗ್ಲೆಂಡ್​ನಲ್ಲಿ ಉಳಿದುಕೊಳ್ಳಲು ಕೇವಲ 15 ದಿನಗಳ ಮಾತ್ರ ಅವಕಾಶ ನೀಡಿದ್ದು, ಅದು ವಿಶ್ವಕಪ್​ ಆರಂಭವಾದ 21 ದಿನಗಳ ನಂತರ ಇಂಗ್ಲೆಂಡ್​​ಗೆ ತೆರಳಲು ಬಿಸಿಸಿಐ ಅನುಮತಿ ನೀಡಿದೆ.

ವಿಶ್ವಕಪ್​ ಮೇ 30 ರಿಂದ ಆರಂಭವಾಗಲಿದ್ದು ಭಾರತ ಜೂನ್​ 5ರಂದು ದ. ಆಫ್ರಿಕಾ ವಿರುದ್ಧ ತನ್ನ ಮೊದಲ ಪಂದ್ಯವಾಡಲಿದೆ. ಕೊಹ್ಲಿ, ಧವನ್ ಹಾಗೂ ಧೋನಿ​ ಪತ್ನಿಯರು ಕಳೆದ ಆಸ್ಟ್ರೇಲಿಯಾ ಪ್ರವಾಸದ ವೇಳೆ ತಂಡದ ಜೊತೆಯಲ್ಲೇ ತೆರಳಿದ್ದರು. ಈ ಸಂದರ್ಭದಲ್ಲಿ ಆಟಗಾರರ ಸೇರಿದಂತೆ 37 ಜನರಿಗೆ ಸೂಕ್ತ ಸೌಲಭ್ಯ ಒದಗಿಸಿತ್ತು. ಆದರೆ ಇದು ವಿಶ್ವಕಪ್​ ಆಗಿರುವುದರಿಂದ ಪಾಸ್​, ಹೋಟೆಲ್​ ಕೊಠಡಿ, ಪ್ರಯಾಣದ ಸಮಸ್ಯೆಗಳನ್ನು ತಪ್ಪಿಸಲು ಬಿಸಿಸಿಐ ಈ ಮಹತ್ವದ ನಿರ್ಧಾರ ಪ್ರಕಟಿಸಿದೆ.

ಜೂನ್‌ 5ರಂದು ಭಾರತ ತಂಡ ತನ್ನ ಮೊದಲ ಪಂದ್ಯವನ್ನು ಆಡಲಿದೆ. ಹೀಗಾಗಿ ಜೂ.16ರಂದು ಮ್ಯಾಂಚೆಸ್ಟರ್‌ನಲ್ಲಿ ನಡೆಯಲಿರುವ ಭಾರತ-ಪಾಕಿಸ್ತಾನ ನಡುವಿನ ಪಂದ್ಯಕ್ಕೆ ಆಟಗಾರರ ಕುಟುಂಬ ಸದಸ್ಯರು ಗೈರಾಗಲಿದ್ದಾರೆ. ಆಸ್ಪ್ರೇಲಿಯಾ ಪ್ರವಾಸದ ವೇಳೆ ಎದುರಾದ ಹೋಟೆಲ್‌ ಕೊಠಡಿ, ಪ್ರಯಾಣ, ಪಂದ್ಯದ ಪಾಸ್‌ ಸೇರಿದಂತೆ ಹಲವು ಸಮಸ್ಯೆಗಳನ್ನು ತಪ್ಪಿಸಲು ಬಿಸಿಸಿಐ ಈ ನಿರ್ಧಾರ ಕೈಗೊಂಡಿದೆ.

ಬಿಸಿಸಿಐ ನಿರ್ಧಾರದಿಂದ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನದ ವಿರುದ್ಧ ಜೂನ್​ 16 ರಂದು ಕೊಹ್ಲಿಪಡೆ ಸೆಣಸಾಡಲಿದ್ದು, ಈ ಪಂದ್ಯದವನ್ನು ನೋಡುವ ಅವಕಾಶವನ್ನು ಆಟಗಾರರ ಕುಟುಂಬ ಮಿಸ್​ ಮಾಡಿಕೊಳ್ಳಲಿದೆ.