ಎಸ್​ಪಿ ಅಭ್ಯರ್ಥಿಗೆ ವೋಟ್​ ಹಾಕಿದ್ರೆ ಬಿಜೆಪಿಗೆ: ಚುನಾವಣೆ ಆಯೋಗಕ್ಕೆ ದೂರು

ಉತ್ತರಪ್ರದೇಶದ ಕನೌಜ್​​ನಲ್ಲಿ ಸಮಾಜವಾದಿ ಪಕ್ಷದಿಂದ ಡಿಂಪಲ್​ ಯಾದವ್​ ಸ್ಪರ್ಧೆ ಮಾಡಿದ್ದು, ಈ ಕ್ಷೇತ್ರದ ಎರಡು ಮತಗಟ್ಟೆಗಳಲ್ಲಿ ಸೈಕಲ್​ಗೆ ವೋಟ್​ ಮಾಡಿದರೆ ಅದು ಕಮಲಕ್ಕೆ ಹೋಗುತ್ತಿದೆ ಎಂದು ಗಂಭೀರ ಆರೋಪ ಮಾಡಿದೆ.

ಲಖನೌ: ಉತ್ತರಪ್ರದೇಶದ ಕನೌಜ್​​ ಲೋಕಸಭಾ ಕ್ಷೇತ್ರದ ಎರಡು ಮತಗಟ್ಟೆಗಳಲ್ಲಿ ಸಮಾಜವಾದಿ ಪಕ್ಷಕ್ಕೆ ವೋಟ್​ ಮಾಡಿದರೆ, ಅದು ಬಿಜೆಪಿಗೆ ಹೋಗುತ್ತಿದೆ ಎಂದು ಗಂಭೀರ ಆರೋಪ ಮಾಡಿದೆ.

ಇದಕ್ಕೆ ಸಂಬಂಧಿಸಿದಂತೆ ಸಮಾಜವಾದಿ ಪಕ್ಷದ ಮುಖಂಡ ಧರ್ಮೇಂದ್ರ ಯಾದವ್​ ಮಾತನಾಡಿದ್ದು, ಕನೌಜ್​ನ ಮತಗಟ್ಟೆ ನಂಬರ್​ 482 ಹಾಗೂ 483ರಲ್ಲಿ ಈ ತೊಂದರೆ ಕಾಣಿಸಿಕೊಂಡಿದ್ದಾಗಿ ತಿಳಿಸಿದ್ದಾರೆ. ಅಧಿಕಾರದಲ್ಲಿರುವ ಬಿಜೆಪಿ ವಿವಿಪ್ಯಾಟ್​ ದುರ್ಬಳಕೆ ಮಾಡಿಕೊಂಡಿದ್ದು, ನಮ್ಮ ಪಕ್ಷಕ್ಕೆ ವೋಟ್​ ಮಾಡಿದರೆ ಅದು ಬಿಜೆಪಿಗೆ ಹೋಗುತ್ತಿದೆ ಎಂದು ಆರೋಪಿಸಿದ್ದಾರೆ. ಇದೇ ವೇಳೆ, ಈ ಕ್ಷೇತ್ರದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಪೊಲೀಸ್​ ಮುಖ್ಯಸ್ಥ ಕೂಡ ಬಿಜೆಪಿ ಪರ ಕಾರ್ಯ ನಿರ್ವಹಿಸುತ್ತಿದ್ದಾರೆ ಎಂಬ ಗಂಭೀರ ಆರೋಪ ಮಾಡಿದ್ದಾರೆ.

ಈ ತಕ್ಷಣವೇ ಪೊಲೀಸ್​ ಮುಖ್ಯಸ್ಥರಾಗಿರುವ ಓಪಿ ಸಿಂಗ್​ನನ್ನ ವಜಾಗೊಳಿಸಬೇಕು ಎಂದು ಆಗ್ರಹಿಸಿದ್ದಾರೆ. ಉತ್ತರಪ್ರದೇಶದ ಕನೌಜ್​​ನಿಂದ ಮಾಜಿ ಮುಖ್ಯಮಂತ್ರಿ ಅಖಿಲೇಶ್​ ಯಾದವ್​ ಪತ್ನಿ ಡಿಂಪಲ್​ ಯಾದವ್​ ಸ್ಪರ್ಧೆ ಮಾಡಿದ್ದಾರೆ.