ಭಿಕ್ಷೆ ಬೇಡುವ ನೆಪದಲ್ಲಿ ಕಳ್ಳರ ಕೈಚಳಕ... ಕಾರು ಚಾಲಕರೇ ಹುಷಾರ್!

ಬೆಂಗಳೂರಿನ ಪ್ರಮುಖ ಸಿಗ್ನಲ್​ಗಳಲ್ಲಿ ಕಾರ್​ ಚಾಲಕರ ಗಮನ ಬೇರೆಡೆ ಸೆಳೆದು ಬೆಲೆ ಬಾಳುವ ವಸ್ತುಗಳನ್ನು ಕದಿಯುವ ಕಳ್ಳರ ತಂಡವೊಂದು ನಗರದಲ್ಲಿ ಬೀಡುಬಿಟ್ಟಿದೆ. ಚಾಲಕರು ಡ್ರೈವಿಂಗ್​ ಜತೆಗೆ ಸಿಗ್ನಲ್​ಗಳಲ್ಲಿಯೂ ಎಚ್ಚರ ವಹಿಸಬೇಕಿದೆ

ಬೆಂಗಳೂರು: ನಗರದ ಪ್ರಮುಖ ಸಿಗ್ನಲ್‌ಗಳಲ್ಲಿ ಕಳ್ಳರ ತಂಡವೊಂದು ಕಾರು ಚಾಲಕರಲ್ಲಿ ಭಿಕ್ಷೆ ಕೇಳುವ ನೆಪದಲ್ಲಿ ಕೈಚಳಕ ತೋರಿಸುತ್ತಿದೆ. ಚಾಲಕರ ಗಮನ ಬೇರೆಡೆ ಸೆಳೆದು ಕ್ಷಣಾರ್ಧದಲ್ಲಿ ವಸ್ತುಗಳನ್ನು ಎಗರಿಸಿ ಬಿಡುವ ಗ್ಯಾಂಗ್​ ನಗರದಲ್ಲಿ ಸಕ್ರಿಯವಾಗಿದೆ.

ಇದಕ್ಕೆ ನಿದರ್ಶನ ಎಂಬಂತೆ ನಗರದ ಸ್ಯಾಂಕಿ ರಸ್ತೆಯಲ್ಲಿ ಘಟನೆಯೊಂದು ಜರುಗಿದೆ. ಅಮರನಾಥ ಎಂಬುವರ ಕಾರ್​ನ್ನು ನಾಲ್ಕು ಜನ ಸುತ್ತುವರಿದು ಬಿಕ್ಷೆ ಬಡುವ ರೀತಿ ಹಣ ಕೇಳಿದ್ದಾರೆ. ಅವರ ಗಮನ ಬೇರೆಕಡೆ ಹೋಗುತ್ತಿದ್ದಂತೆ ಉಳಿದವರು ಕಾರ್​ನಲ್ಲಿದ್ದ ಐಫೋನ್ ಕದ್ದು ಪರಾರಿಯಾಗಿದ್ದಾರೆ.

ಅಲ್ಲದೇ ಹೊಸೂರು ರಸ್ತೆಯಲ್ಲಿಯೂ ಕಳ್ಳರು ಕೈಚಳಕ ತೋರಿಸಿದ್ದಾರೆ. ಕೈ-ಕಾಲು ಇಲ್ಲವೆಂದು ಅಥವಾ ಅಮಾಯಕರಂತೆ ಸಹಾಯ ಕೇಳುತ್ತಾರೆ. ಕಾರು ಚಾಲಕರು ಡ್ರೈವಿಂಗ್​ ಎಚ್ಚರಿಕೆ ಜತೆಗೆ ಸಿಗ್ನಲ್‌ಗಳಲ್ಲಿಯೂ ಎಚ್ಚರ ವಹಿಸಬೇಕಿದೆ. ಇಲ್ಲವಾದರೆ ನಿಮ್ಮ ವಸ್ತುಗಳು ಕಳ್ಳತನವಾಗುವುದು ಗ್ಯಾರಂಟಿ. ಮೋಸ ಹೋದವರು ಸಾಮಾಜಿಕ ಜಾಲತಾಣಗಳ ಮೂಲಕ ನಗರ ಪೊಲೀಸ್​ರಿಗೆ ದೂರು ನೀಡುತ್ತಿದ್ದಾರೆ.