ಗಂಗಾವತಿ(ಕೊಪ್ಪಳ) : ವಾರಣಾಸಿಯ ಬನಾರಸ್ ಐಐಟಿ ಹಿಂದು ವಿಶ್ವವಿದ್ಯಾಲಯ, ಚಲನಚಿತ್ರ ಮತ್ತು ಮಾಧ್ಯಮ ಮಂಡಳಿಯು ಇತ್ತೀಚೆಗೆ ಆಯೋಜಿಸಿದ್ದ ಭಾರತದ ಮೊದಲ ಅತಿ ದೊಡ್ಡ ಡಿಜಿಟಲ್ ಕಲಾ, ಉತ್ಸವ ಮತ್ತು ಛಾಯಾಚಿತ್ರ ಸ್ಪರ್ಧೆಯಲ್ಲಿ ನಗರದ ಛಾಯಾಚಿತ್ರ ಗ್ರಾಹಕ ವಿಜಯ್ ಪಾಲ್ಗೊಂಡು ಮೊದಲ ಸ್ಥಾನ ಪಡೆದಿದ್ದಾರೆ.
ಐದು ವಿಭಾಗಗಳಲ್ಲಿ ನಡೆದ ಛಾಯಾಚಿತ್ರ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನ ಪಡೆದು ಅಂತಿಮ ಸುತ್ತಿನ ಪ್ರಶಸ್ತಿಗೆ ಆಯ್ಕೆಯಾಗಿವೆ. ಹೊರ ದೇಶದ 500ಕ್ಕೂ ಹೆಚ್ಚು ಛಾಯಾಗ್ರಾಹಕರು ಛಾಯಾಚಿತ್ರ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು.
ಕಳೆದ ಹಲವು ವರ್ಷದಿಂದ ಫೋಟೋಗ್ರಫಿಯನ್ನು ಹವ್ಯಾಸವನ್ನಾಗಿಸಿಕೊಂಡ ಯುವಕ ವಿಜಯ್ ತನ್ನ ಕ್ಯಾಮೆರಾದ ಕಣ್ಣಲ್ಲಿ ಸಾಕಷ್ಟು ಚಿತ್ರಗಳನ್ನು ಸೆರೆ ಹಿಡಿದಿದ್ದಾರೆ.