ಹೈದರಾಬಾದ್: ಕೊರೊನಾ ಲಸಿಕೆ ಪಡೆಯುವ ಫೋಟೋಗಳನ್ನು ಇತ್ತೀಚೆಗೆ ಸೆಲೆಬ್ರಿಟಿಗಳು ಟ್ರೆಂಡ್ ಮಾಡಿಕೊಂಡಿದ್ದಾರೆ. ಇದೀಗ ಲಸಿಕೆ ಪಡೆಯುವಾಗ ಚಿತ್ರಗಳಿಗೆ ನೀಡಿದ ಪೋಸ್ ಬಗ್ಗೆ ನಟಿ ಆರತಿ ಸಿಂಗ್ ಸಾಮಾಜಿಕ ಮಾಧ್ಯಮದಲ್ಲಿ ಸಕತ್ ಟ್ರೋಲ್ಗೆ ಒಳಗಾಗಿದ್ದಾರೆ. ಆರತಿ ಫೋಟೋಗೆ ಪ್ರತಿಕ್ರಿಯಿಸಿದ ರೀತಿಗೆ ನೆಟಿಜನ್‌ಗಳು ಓವರ್ ಆ್ಯಕ್ಟಿಂಗ್ ಮಾಡುವುದನ್ನು ನಿಲ್ಲಿಸುವಂತೆ ಹೇಳುತ್ತಿದ್ದಾರೆ.
ಮಂಗಳವಾರ, ಆರತಿ ತನ್ನಇನ್ಸ್ಟಾಗ್ರಾಂ ಖಾತೆಯಲ್ಲಿ ಲಸಿಕೆ ತೆಗೆದುಕೊಳ್ಳುತ್ತಿರುವ ಸರಣಿ ಫೋಟೋಗಳನ್ನು ಪೋಸ್ಟ್ ಮಾಡಿದ್ದಾರೆ. ತಾನು ಚುಚ್ಚುಮದ್ದಿಗೆ ತೀರಾ ಹೆದರುತ್ತೇನೆ ಎಂದು ಬಹಿರಂಗಪಡಿಸಿದ್ದಾರೆ. ಅಲ್ಲದೇ, ಎಲ್ಲರೂ ಲಸಿಕೆ ತೆಗೆದುಕೊಳ್ಳುವಂತೆ ಆಕೆ ಒತ್ತಾಯಿಸಿದ್ದಾರೆ.
ಇನ್ಸ್ಟಾಗ್ರಾಂನಲ್ಲಿ 1 ಮಿಲಿಯನ್ಗೂ ಹೆಚ್ಚು ಫಾಲೋವರ್ಸ್ ಹೊಂದಿದ್ದಾರೆ ಆರತಿ. ಆದರೆ, ಎಡವಟ್ಟಾಗಿದ್ದು ಇಲ್ಲಿ, ತಾನು ವ್ಯಾಕ್ಸಿನ್ ಪಡೆಯುತ್ತಿರುವ ಸಾಲು ಸಾಲು ಫೋಟೋ ಅಪ್ಲೋಡ್ ಮಾಡಿ ಆರತಿ ಸದ್ಯ ಟ್ರೋಲ್ಗೆ ಒಳಗಾಗಿದ್ದಾರೆ. ಕೈ ಮೇಲೆ ಟ್ಯಾಟೂ ಹಾಕೊಳ್ಳೊವಾಗ ನೋವಾಗದ ಈಕೆಗೆ ಒಂದು ಲಸಿಕೆ ಚುಚ್ಚಿಸಿಕೊಳ್ಳುವಾಗ ನೋವಾಯ್ತಂತೆ.. ಓವರ್ ಆ್ಯಕ್ಟಿಂಗ್ನ ಅಂಗಡಿ ಇವಳು ಎಂದು ಟೀಕಿಸಿದ್ದಾರೆ.