ಬೌಲಿಂಗ್​​ನಲ್ಲಿ ಸೆಂಚುರಿ ಸಿಡಿಸಿದ ಕಿವೀಸ್ ಆಟಗಾರ​​... ಅಭ್ಯಾಸ ಪಂದ್ಯದಲ್ಲಿ ಹೀಗೊಂದು ಕೆಟ್ಟ ಪ್ರದರ್ಶನ..!

ಸದ್ಯ ಬ್ರಿಸ್ಟೋಲ್​​​ನಲ್ಲಿ ನಡೆಯುತ್ತಿರುವ ವೆಸ್ಟ್​ ಇಂಡೀಸ್ ಹಾಗೂ ನ್ಯೂಜಿಲ್ಯಾಂಡ್​ ನಡುವಿನ ಅಭ್ಯಾಸ ಪಂದ್ಯದಲ್ಲಿ ಕೆರಿಬಿಯನ್ನರು ರನ್​​ಹೊಳೆಯನ್ನೇ ಹರಿಸಿದ್ದಾರೆ. ಪರಿಣಾಮ್​​ ಕಿವೀಸ್​ನ ಪ್ರಮುಖ ಬೌಲರ್ ಮ್ಯಾಟ್​​ ಹೆನ್ರಿ ಬೌಲಿಂಗ್​​ನಲ್ಲಿ ಶತಕ ಸಿಡಿಸಿದ್ದಾರೆ.

ಬ್ರಿಸ್ಟೋಲ್:ವಿಶ್ವಕಪ್ ಆರಂಭಕ್ಕೂ ಮುನ್ನ ನಡೆಯುತ್ತಿರುವ ಅಭ್ಯಾಸ ಪಂದ್ಯ ಕ್ರಿಕೆಟ್ ಪ್ರೇಮಿಗಳನ್ನು ಮಹಾಸಮರಕ್ಕೆ ತುದಿಗಾಲಲ್ಲಿ ನಿಲ್ಲುವಂತೆ ಮಾಡಿದೆ.

ಸದ್ಯ ಬ್ರಿಸ್ಟೋಲ್​​​ನಲ್ಲಿ ನಡೆಯುತ್ತಿರುವ ವೆಸ್ಟ್​ ಇಂಡೀಸ್ ಹಾಗೂ ನ್ಯೂಜಿಲ್ಯಾಂಡ್​ ನಡುವಿನ ಅಭ್ಯಾಸ ಪಂದ್ಯದಲ್ಲಿ ಕೆರಿಬಿಯನ್ನರು ರನ್​​ಹೊಳೆಯನ್ನೇ ಹರಿಸಿದ್ದಾರೆ. ಪರಿಣಾಮ್​​ ಕಿವೀಸ್​ನ ಪ್ರಮುಖ ಬೌಲರ್ ಮ್ಯಾಟ್​​ ಹೆನ್ರಿ ಬೌಲಿಂಗ್​​ನಲ್ಲಿ ನೂರು ರನ್​ ನೀಡಿ ಕಳಪೆ ಪ್ರದರ್ಶನ ತೋರಿದ್ದಾರೆ.

ಟಾಸ್​ ಸೋತು ಬ್ಯಾಟಿಂಗ್ ನಡೆಸಿದ ಹೋಲ್ಡರ್ ಪಡೆಗೆ ಆರಂಭಿಕರಾದ ಕ್ರಿಸ್ ಗೇಲ್ ಹಾಗೂ ಎವಿನ್​ ಲೆವಿಸ್​​ ಉತ್ತಮ ಆರಂಭ ನೀಡಿದರು. ಗೇಲ್​ 36 ರನ್ ಹಾಗೂ ಲೆವಿಸ್​ 50 ರನ್​ ಬಾರಿಸಿ ಪೆವಿಲಿಯನ್ ಸೇರಿದರು.

ಮಧ್ಯಮ ಕ್ರಮಾಂಕದಲ್ಲಿ ಶೈ ಹೋಪ್​​ ಆಕರ್ಷಕ ಶತಕ ಸಿಡಿಸುವ ಮೂಲಕ ರನ್ ಹೆಚ್ಚಳಕ್ಕೆ ಕೊಡುಗೆ ನೀಡಿದರು. ನಾಯಕ ಜೇಸನ್​ ಹೋಲ್ಡರ್ 47 ಹಾಗೂ ಐಪಿಎಲ್​ ಹೀರೋ ಆಂಡ್ರೆ ರಸೆಲ್ 54 ರನ್​ ಸಿಡಿಸಿದರು. ಕೆರಿಬಿಯನ್ನರ ಸಾಂಘಿಕ ಪ್ರದರ್ಶನದ ಫಲವಾಗಿ 49.2 ಓವರ್​ನಲ್ಲಿ 421 ರನ್​ಗಳಿಗೆ ಸರ್ವಪತನವಾಯಿತು.

ಮ್ಯಾಟ್​ ಹೆನ್ರಿ ಸೆಂಚುರಿ:

ವೆಸ್ಟ್ ಇಂಡೀಸ್ ದಾಂಡಿಗರ ಅಬ್ಬರಕ್ಕೆ ಕಿವೀಸ್ ಬೌಲರ್​​ಗಳು ತತ್ತರಿಸಿ ಹೋದರು. 9 ಓವರ್​ ಎಸೆದ ಮ್ಯಾಟ್​​ ಹೆನ್ರಿ ಬರೋಬ್ಬರಿ 107 ರನ್​​​​ ನೀಡಿದರು. ಮತ್ತೊಬ್ಬ ಬೌಲರ್​​ ಲಾಕಿ ಫರ್ಗ್ಯೂಸನ್​​ ಹತ್ತು ಓವರ್​ ಕೋಟಾದಲ್ಲಿ 86 ರನ್​ ನೀಡಿ ದುಬಾರಿ ಎನಿಸಿದರು.