ಜೆರುಸಲೆಮ್ (ಇಸ್ರೇಲ್): 12 ವರ್ಷಗಳಿಂದ ನಿರಂತರವಾಗಿ ಪ್ರಧಾನಿ ಹುದ್ದೆಯಲ್ಲಿದ್ದ ಬೆಂಜಮಿನ್ ನೆತನ್ಯಾಹು ಅವರನ್ನು ಅಧಿಕಾರದಿಂದ ಕೆಳಗಿಸಿಳಿಸಿ ನಫ್ತಾಲಿ ಬೆನೆಟ್ ಇಸ್ರೇಲ್ನ ಹೊಸ ಪ್ರಧಾನಿಯಾಗಿ ಪ್ರಮಾಣವಚನ ಸ್ವೀಕರಿಸಿದ್ದಾರೆ.
120 ಸದಸ್ಯರ ಸಂಖ್ಯೆಯಲ್ಲಿ 60-59 ಮತಗಳಿಂದ ನೆಸ್ಸೆಟ್ (ಸಂಸತ್ತು) ಅವರನ್ನು ಇಸ್ರೇಲ್ ನ 13 ನೇ ಪ್ರಧಾನ ಮಂತ್ರಿಯಾಗಿ ಆಯ್ಕೆ ಮಾಡಲಾಗಿದೆ. ಈ ಮೂಲಕ ಬಲಪಂಥೀಯ ಸಿದ್ಧಾಂತಉಳ್ಳ ಯಾಮಿನಾ ಪಕ್ಷದ 49 ವರ್ಷದ ನಾಯಕ ಬೆನೆಟ್ ಪ್ರಮಾಣವಚನ ಸ್ವೀಕರಿಸಿದ್ದಾರೆ. ಇವರ ಸಂಪುಟದಲ್ಲಿ 27 ಮಂತ್ರಿಗಳಿದ್ದಾರೆ, ಅವರಲ್ಲಿ ಒಂಬತ್ತು ಜನ ಮಹಿಳೆಯರು ಇರುವುದು ವಿಶೇಷ .
ಇನ್ನು ಈ ಹೊಸ ಸರ್ಕಾರ ಸೈದ್ಧಾಂತಿಕವಾಗಿ ಭಿನ್ನವಾದ ರಾಜಕೀಯ ಪಕ್ಷಗಳ ಅಭೂತಪೂರ್ವ ಒಕ್ಕೂಟವಾಗಿದ್ದು, 120 ಸದಸ್ಯರ ಮನೆಯಲ್ಲಿ ಯೆಶ್ ಅತೀಡ್ ಪಕ್ಷದ ಮಿಕ್ಕಿ 67 ಶಾಸಕರ ಬೆಂಬಲದೊಂದಿಗೆ ಸಂಸತ್ತಿನ ಸ್ಪೀಕರ್ ಆಗಿ ಆಯ್ಕೆಯಾಗಿದ್ದಾರೆ.
ಸೆನೆಟ್ನಲ್ಲಿ ಈ ಸಂಬಂಧ ಮಾತನಾಡಿ ಬೆನೆಟ್, ಪ್ರತಿಸ್ಪರ್ಧಿ ಬಣದ ಶಾಸಕರ ನಿರಂತರ ಬೆದರಿಕೆಯ ಮಧ್ಯೆಯೂ ವಿಭಿನ್ನ ಅಭಿಪ್ರಾಯಗಳ ಜನರೊಂದಿಗೆ ಕುಳಿತುಕೊಳ್ಳುವ ಸಾಮರ್ಥ್ಯದ ಬಗ್ಗೆ ಹೆಮ್ಮೆಪಡುತ್ತೇನೆ ಎಂದು ಹೇಳಿದ್ದಾರೆ.
ಆಕ್ರೋಶಗೊಂಡ ಲಿಕುಡ್, ಅಲ್ಟ್ರಾ-ಆರ್ಥೊಡಾಕ್ಸ್ ಮತ್ತು ಅಲ್ಟ್ರಾ-ನ್ಯಾಷನಲಿಸ್ಟ್ ಶಾಸಕರು ಬೆನೆಟ್ ಅವರ ಭಾಷಣದ ವೇಳೆ ಬೆನೆಟ್ ಅವರನ್ನು ನಿರಂತರವಾಗಿ "ಅಪರಾಧಿ", "ಸುಳ್ಳುಗಾರ" ಎಂದು ಸಂಬೋಧಿಸಿದರು.
ತಮ್ಮ ಭಾಷಣ ಮುಂದುವರೆಸಿದ ಬೆನೆಟ್, ಇಸ್ರೇಲ್ ಇರಾನ್ ಅನ್ನು ಪರಮಾಣು ಶಸ್ತ್ರಾಸ್ತ್ರಗಳಿಂದ ಶಸ್ತ್ರಸಜ್ಜಿತಗೊಳಿಸಲು ಅನುಮತಿಸುವುದಿಲ್ಲ. ಹಾಗೆ ಇಸ್ರೇಲ್ ಒಪ್ಪಂದದ ಪಕ್ಷವಾಗುವುದಿಲ್ಲ ಮತ್ತು ಪೂರ್ಣ ಸ್ವಾತಂತ್ರ್ಯವನ್ನು ಕಾಪಾಡಿಕೊಳ್ಳುವುದನ್ನು ಮುಂದುವರಿಸಲಿದೆ ಎಂದು ಇದೇ ವೇಳೆ ಅವರು ಸದನಕ್ಕೆ ಭರವಸೆ ನೀಡಿದರು.
ಯೆಶ್ ಅಟಿಡ್ ಪಕ್ಷದ ಮುಖ್ಯಸ್ಥ ಸೆಂಟ್ರಿಸ್ಟ್ ನಾಯಕ ಯೇರ್ ಲ್ಯಾಪಿಡ್ ಅವರೊಂದಿಗೆ ಬೆನೆಟ್ ಅಧಿಕಾರ ಹಂಚಿಕೆ ಒಪ್ಪಂದ ಮಾಡಿಕೊಂಡಿದ್ದಾರೆ. ಇದರ ಅಡಿ ಸೆಪ್ಟೆಂಬರ್ 2023 ರಲ್ಲಿ ನೂತನ ಪ್ರಧಾನಿಯಾಗಿ ಅವರು ದೇಶವನ್ನು ಆಳಲಿದ್ದಾರೆ.
17 ಸ್ಥಾನಗಳನ್ನು ಹೊಂದಿರುವ ನೆಸ್ಸೆಟ್‌ನ ಎರಡನೇ ಅತಿದೊಡ್ಡ ಬಣದ ಅಧ್ಯಕ್ಷ ರುವೆನ್ ರಿವ್ಲಿನ್ ಅವರು ಒಕ್ಕೂಟ ರಚಿಸಲು ಆಹ್ವಾನಿಸಿದ ನಂತರ ನೆತನ್ಯಾಹು, 30 ಸ್ಥಾನಗಳೊಂದಿಗೆ ಲಿಕುಡ್ ಪಕ್ಷವನ್ನು ಮುನ್ನಡೆಸಿದರು. ಆದರೆ, ಬಹುಮತದ ಬೆಂಬಲದೊಂದಿಗೆ ಸರ್ಕಾರವನ್ನು ಒಟ್ಟುಗೂಡಿಸಲು ಅಸಮರ್ಥತೆ ವ್ಯಕ್ತಪಡಿಸಿದ ಹಿನ್ನೆಲೆ ಸೋಲು ಕಾಣಬೇಕಾಯಿತು.
ನೆತನ್ಯಾಹು ಅವರ 12 ವರ್ಷಗಳ ನಿರಂತರ ಆಡಳಿತವನ್ನು ಕೊನೆಗೊಳಿಸಲಾಗಿದೆ. ಅವರು ದೇಶದ ಇತಿಹಾಸದಲ್ಲಿ ಅತಿ ಹೆಚ್ಚು ಕಾಲ ಸೇವೆ ಸಲ್ಲಿಸಿದ ಪ್ರಧಾನಿ ಎಂಬ ದಾಖಲೆಯನ್ನು ಹೊಂದಿದ್ದಾರೆ. 1996 ಮತ್ತು 1999 ರ ನಡುವೆ ಈ ಸ್ಥಾನದಲ್ಲಿ ಸೇವೆ ಸಲ್ಲಿಸಿದ ನೆತನ್ಯಾಹು ಕಳೆದ ವರ್ಷ ಯಹೂದಿ ರಾಜ್ಯದ ಸ್ಥಾಪಕ ನಾಯಕರಲ್ಲಿ ಒಬ್ಬರಾದ ಡೇವಿಡ್ ಬೆನ್-ಗುರಿಯನ್ ಅವರ ದಾಖಲೆಯನ್ನು ಮೀರಿಸಿದ್ದಾರೆ.
