ಲಂಡನ್: ಬ್ರಿಟನ್ ರಾಜಮನೆತನಕ್ಕೆ ಒಬ್ಬ ಅತಿಥಿ ಆಗಮಿಸಿದ್ದಾನೆ ಎಂಬುದು ಕಳೆದೆರಡು ದಿನಗಳಿಂದ ಸದ್ದಿನ ಜತೆಗೆ ಸುದ್ದಿಯೂ ಆಗುತ್ತಿದೆ. ಇಂಥ ರಾಜಮನೆತನಕ್ಕೆ ಆಗಮಿಸಿರುವಾ ಆ ಅತಿಥಿ ನೋಡಲು ಇಡೀ ಇಂಗ್ಲೆಂಡ್ ಕಾತರದಿಂದ ಕಾಯುತ್ತಿತ್ತು.
ಈ ಕಾಯುವಿಕೆಗೆ ಇವತ್ತು ತೆರೆ ಬಿದ್ದಿದೆ.ಈತನನ್ನು ಸ್ವಾಗತಿಸಲು ಕಾಯುತ್ತಿದ್ದ ಇಡೀ ಬ್ರಿಟನ್ ಗೆ ಹೊಸ ರಾಜಕುವರನ ದರ್ಶನವಾಗಿದೆ. ಅವನನ್ನು ರಾಜಕುಮಾರ ಹ್ಯಾರಿ ಹಾಗೂ ಆತನ ಪತ್ನಿ ಮೇಘನಾ ಮಾರ್ಕೆಲ್ ತಮ್ಮ ಮಗುವನ್ನ ಸಾರ್ವಜನಿಕವಾಗಿ ತೋರಿಸುವ ಮೂಲಕ ಇಂಗ್ಲೆಂಡಿಗರ ಕುತೂಹಲಕ್ಕೆ ತೆರೆ ಎಳೆದಿದ್ದಾರೆ.
ಇಂಗ್ಲೆಂಡ್ನ ಆದ್ಯವೀರನನ್ನು ತೋರಿಸಿ, ಹೀಗಿದ್ದಾನೆ ನೋಡಿ ಎಂದಿದ್ದಾರೆ. ವಿಂಡ್ಸರ್ ಕ್ಯಾಸ್ಟಲ್ನಲ್ಲಿ ಕಳೆದೆರಡು ದಿನಗಳ ಹಿಂದೆ ಜನಿಸಿದ್ದ ಗಂಡು ಮಗುವನ್ನ ವಿಶ್ವಕ್ಕೆ ದರ್ಶನ ಮಾಡಿಸಿದ್ದಾರೆ.
ಸೋಮವಾರ ಗಂಡು ಮಗು ಜನಿಸಿದ ವಿಷಯ ಗೊತ್ತಾಗುತ್ತಿದ್ದಂತೆ. ಇಡೀ ಬ್ರಿಟನ್ ಸಂಭ್ರಮದಲ್ಲಿ ಮುಳುಗಿತ್ತು.. ಯುವರಾಜನಿಗೆ ಶುಭಾಶಯಗಳ ಮಹಾಪೂರವನ್ನೇ ಹರಿಸಿದ್ದರು. ಆಸ್ತಾನ ಕಲಾವಿದರು, ರತ್ನ ಗಂಬಳಿ ಹಾಸುವವರು ಸೇರಿದಂತೆ ಅರಮನೆ ಸಿಬ್ಬಂದಿ ಶಾಂಪೇನ್ ಬಾಟಲಿ ಓಪನ್ ಮಾಡುವ ಮೂಲಕ ತಮ್ಮ ಖುಷಿ ವ್ಯಕ್ತಪಡಿಸಿದ್ದರು. ಮೊನ್ನೆ ಬಕಿಂಗ್ ಹ್ಯಾಂ ಅರಮನೆಗೆ ಆಗಮಿಸಿದ ಪ್ರಸೂತಿ ತಂಡವು ಯಶಸ್ವಿಯಾಗಿ ಹೆರಿಗೆ ನೆರವೇರಿಸಿ, ಗಂಡು ಮಗುವಿಗೆ ಜನ್ಮ ನೀಡಿದ ವಿಷಯವನ್ನು ಅಧಿಕೃತವಾಗಿ ತಿಳಿಸಿದ್ದರು.
