ನವದೆಹಲಿ: ನಾಪತ್ತೆಯಾಗಿರುವ ಎಎನ್-32 ವಿಮಾನ ಹುಡುಕಾಟವನ್ನು ಭಾರತೀಯ ವಾಯುಸೇನೆ ಮತ್ತಷ್ಟು ಚುರುಕುಗೊಳಿಸಿದೆ.
13 ಪ್ರಯಾಣಿಕರಿದ್ದ ಎಎನ್-32 ವಿಮಾನ ಸೋಮವಾರ ಮಧ್ಯಾಹ್ನ 12.25ಕ್ಕೆ ಅಸ್ಸೋಂನ ಜೋರ್ಹತ್ನಿಂದ ಟೇಕಾಫ್ ಆಗಿತ್ತು. ಮಧ್ಯಾಹ್ನ ಒಂದು ಗಂಟೆಗೆ ಈ ವಿಮಾನದ ಸಂಪರ್ಕ ಕಡಿತಗೊಂಡಿತ್ತು.
ಟೇಕಾಫ್ ಆದ ಅರ್ಧ ಗಂಟೆಯಲ್ಲಿ ಐಎಎಫ್ ವಿಮಾನ ನಾಪತ್ತೆ..!
ಸಂಪರ್ಕ ಕಡಿತಗೊಂಡ ಕೆಲವೇ ಹೊತ್ತಿನಲ್ಲಿ ವಾಯುಸೇನೆ ಹುಡುಕಾಟ ಆರಂಭಿಸಿತ್ತು. ಇದಕ್ಕಾಗಿ ಯುದ್ಧ ವಿಮಾನ ಸುಖೋಯ್ ಹಾಗೂ ಎರಡು ಹೆಲಿಕಾಪ್ಟರ್ಗಳನ್ನು ಕಾರ್ಯಾಚರಣೆಗೆ ಇಳಿಸಲಾಗಿತ್ತು.
ಸದ್ಯದ ಮಾಹಿತಿಯ ಪ್ರಕಾರ ಹೆಲಿಕಾಪ್ಟರ್ಗಳು ವಿಮಾನ ಸ್ಥಳವನ್ನು ಪತ್ತೆ ಹಚ್ಚಿವೆ. ಆದರೆ ಯಾವುದೇ ರೀತಿಯ ಪತನದ ಬಗ್ಗೆ ಮಾಹಿತಿ ದೊರೆತಿಲ್ಲ ಎಂದು ಭಾರತೀಯ ವಾಯುಸೇನೆ ಮಾಹಿತಿ ನೀಡಿದೆ.
ಈ ಕಾರ್ಯಾಚರಣೆ ರಾತ್ರಿಯಿಡೀ ನಡೆಯಲಿದ್ದು, ವಿಮಾನ ಪತ್ತೆ ಆಗುವವರೆಗೂ ಮುಂದುವರೆಯಲಿದೆ. ವಾಯುಸೇನೆ ಜೊತೆಗೆ ಭೂಸೇನೆ ಸಹ ಈ ಹುಡುಕಾಟದಲ್ಲಿ ಕೈಜೋಡಿಸಿದೆ ಎಂದು ವಾಯುಸೇನೆ ಹೇಳಿದೆ.
ಮಾಹಿತಿ ಪಡೆದ ರಕ್ಷಣಾ ಸಚಿವ:
ವಿಮಾನ ನಾಪತ್ತೆ ಕುರಿತಾಗಿ ನೂತನ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಸಂಪೂರ್ಣ ಮಾಹಿತಿಯನ್ನು ವಾಯು ಸೇನೆಯಿಂದ ಪಡೆದುಕೊಂಡಿದ್ದಾರೆ. ಎಲ್ಲ ಪ್ರಯಾಣಿಕರ ಸುರಕ್ಷತೆಗಾಗಿ ಪ್ರಾರ್ಥಿಸುತ್ತೇನೆ ಎಂದು ರಾಜನಾಥ್ ಸಿಂಗ್ ಟ್ವೀಟ್ ಮಾಡಿದ್ದಾರೆ.
