ಸಮೀಕ್ಷೆ ಕುರಿತು ಐಶ್ವರ್ಯ ರೈ ಫೋಟೋ ಬಳಸಿ ವಿವಾದಿತ ಟ್ವೀಟ್​... ನಟ ವಿವೇಕ್​ ಒಬೆರಾಯ್​ಗೆ ನೋಟಿಸ್​!

ಚುನಾವಣೋತ್ತರ ಸಮೀಕ್ಷಾ ಫಲಿತಾಂಶ ಬಹಿರಂಗಗೊಳ್ಳುತ್ತಿದ್ದಂತೆ, ನಟ ವಿವೇಕ್​ ಒಬೆರಾಯ್​ ಐಶ್ವರ್ಯ ರೈ ಫೋಟೋ ಬಳಸಿಕೊಂಡು ಟ್ವೀಟ್​ ಮಾಡಿದ್ದು ಇದೀಗ ವಿವಾದಕ್ಕೆ ದಾರಿ ಮಾಡಿದೆ.

ಮುಂಬೈ:ಲೋಕಸಭಾ ಚುನಾವಣೋತ್ತರ ಸಮೀಕ್ಷೆಯ ವಿಷಯವನ್ನಿಟ್ಟುಕೊಂಡು ಬಾಲಿವುಡ್​ ನಟ ವಿವೇಕ್​ ಒಬೆರಾಯ್​ ಮಾಡಿರುವ ಟ್ವೀಟ್​ನಿಂದ ಗರಂ ಆಗಿರುವ ಮಹಿಳಾ ಆಯೋಗ ನೋಟಿಸ್​ ಜಾರಿ ಮಾಡಿದೆ.

ಇದೀಗ ಇದೇ ವಿಷಯವನ್ನಿಟ್ಟುಕೊಂಡು ಮಹಾರಾಷ್ಟ್ರ ಮಹಿಳಾ ಆಯೋಗ ವಿವೇಕ್ ಒಬೆರಾಯ್​ ವಿರುದ್ಧ ಕ್ರಮಕ್ಕೆ ಮುಂದಾಗಿದ್ದು, ನೋಟಿಸ್ ಜಾರಿ ಮಾಡಿದೆ. ಒಬ್ಬರ ವೈಯಕ್ತಿಕ ವಿಚಾರವನ್ನಿಟ್ಟುಕೊಂಡು ಚರ್ಚೆ ಮಾಡುವುದು ಸರಿಯಲ್ಲ ಎಂದು ಆಯೋಗ ತಿಳಿಸಿದೆ.

ಇನ್ನು ಪ್ರಧಾನಿ ನರೇಂದ್ರ ಮೋದಿ ಜೀವನ ಆಧಾರಿತ ಸಿನಿಮಾದಲ್ಲಿ ವಿವೇಕ್​ ಒಬೇರಾಯ್​ ನಟನೆ ಮಾಡಿದ್ದು, ಚುನಾವಣಾ ಫಲಿತಾಂಶ ಬಂದ ನಂತರ ದೇಶಾದ್ಯಂತ ರಿಲೀಸ್​ ಆಗಲಿದೆ.