ಮುಂಬೈ:ವಿಶ್ವಕಪ್ ಕ್ರಿಕೆಟ್ ಹಬ್ಬ ಇನ್ನೇನು ಬಂದೇ ಬಿಟ್ಟಿತು. 10 ದೇಶಗಳು ಈಗಾಗಲೇ 15 ಸದಸ್ಯರ ತಂಡವನ್ನು ಘೋಷಣೆ ಮಾಡಿಯೂ ಆಗಿದೆ. ವಿಶೇಷ ಏನು ಗೊತ್ತೇ..? ಈ ದೇಶಗಳಲ್ಲಿ ಅದ್ಬುತ ಆಟಗಾರರಿದ್ದಾರೆ. ಆದ್ರೆ ಅವರೆಲ್ಲಾ ಆಟ ಆಡಲು ಅಂಗಳಕ್ಕಿಳಿಯಲ್ಲ! ಅವರ ಪಟ್ಟಿ ನೋಡಿ ಅಭಿಮಾನಿಗಳು ಅಚ್ಚರಿಗೊಂಡಿದ್ದಾರೆ.
ಭಾರತದಲ್ಲಿ ರಿಷಭ್‌ ಪಂತ್, ಅಂಬಟಿ ರಾಯುಡು, ಶ್ರೀಲಂಕಾದಲ್ಲಿ ಡಿಕ್ವೆಲ್ಲಾ, ಚಾಂಡಿಮಾಲ್ ಸೇರಿಂದಂತೆ ವಿಶ್ವಕಪ್ ಮಿಸ್ ಮಾಡಿಕೊಂಡ ವಿವಿಧ ತಂಡಗಳ ಪ್ರಮುಖ ಆಟಗಾರರ ಪಟ್ಟಿ ಇಂತಿದೆ.
ಭಾರತ- ವಿಕೆಟ್ ಕೀಪರ್ ಪಂತ್ ಹಾಗೂ ರಾಯಡು 2019 ರ ವಿಶ್ವಕಪ್ ತಂಡದಿಂದ ಅವಕಾಶ ವಂಚಿತರಾಗಿದ್ದಾರೆ. ಇವರ ಬದಲು ದಿನೇಶ್ ಕಾರ್ತಿಕ್ ಹಾಗೂ ಆಲ್ರೌಂ ಡರ್ ದಿನೇಶ್ ಕಾರ್ತಿಕ್‌ಗೆ ಅವಕಾಶ ಕಲ್ಪಿಸಲಾಗಿದೆ.
ಶ್ರೀಲಂಕಾ- ನಿರೋಶನ್ ಡಿಕ್ವೆಲ್ಲಾ, ದಿನೇಶ್ ಚಂಡಿಮಾಲ್, ಉಪುಲ್ ತರಂಗ ಹಾಗೂ ಸ್ಪಿನ್ನರ್ ಅಕಿಲಾ ಧನಂಜಯಾರನ್ನು ಲಂಕಾ ಆ ದೇಶದ ತಂಡ ಕೈಬಿಟ್ಟಿದೆ.
ಪಾಕಿಸ್ತಾನ- 2017 ರ ಐಸಿಸಿ ಚಾಂಪಿಯನ್ ಟ್ರೋಫಿ ಗೆಲ್ಲಲು ಪ್ರಮುಖ ಪಾತ್ರವಹಿಸಿದ್ದ ವೇಗಿ ಮೊಹಮ್ಮದ್ ಅಮೀರ್ ಹಾಗೂ ಸ್ಫೋಟಕ ಬ್ಯಾಟ್ಸ್ಮನ್ ಆಸಿಫ್ ಅಲಿಯನ್ನ ತಂಡದಿಂದ ಹೊರಗಿಟ್ಟಿರುವುದು ಆಶ್ಚರ್ಯಕರ ಸಂಗತಿ.
ವೆಸ್ಟ್ ಇಂಡೀಸ್-ವಿಶ್ವಶ್ರೇಷ್ಠ ಸ್ಪಿನ್ನರ್ ಸುನಿಲ್ ನರೈನ್, ಆಲ್ರೌಂಡರ್ ಕೀರನ್ ಪೊಲಾರ್ಡ್, ವಿಕೆಟ್ ಕೀಪರ್ ದಿನೇಶ್ ರಾಮ್ದಿನ್ ಹಾಗೂ ದೇವೇಂದ್ರ ಬಿಶೂರನ್ನು ವಿಂಡೀಸ್ ತಂಡ ಆಯ್ಕೆಗೆ ಪರಿಗಣಿಸಿಲ್ಲ.
ಆಸ್ಟ್ರೇಲಿಯಾ- ಕಳೆದೆರಡು ವರ್ಷಗಳಿಂದ ಸೀಮಿತ ಓವರ್ಗಳ ಕ್ರಿಕೆಟ್ನಲ್ಲಿ ಉತ್ತಮ ಪ್ರದರ್ಶನ ತೋರಿದರೂ ಯುವ ಕೀಪರ್ ಮತ್ತು ಬ್ಯಾಟ್ಸ್ಮನ್ ಪೀಟರ್ ಹ್ಯಾಂಡ್ಸ್ಕಂಬ್ ಹಾಗೂ ವೇಗಿ ಜೋಶ್ ಹೆಜಲ್ವುಡ್ ವಿಶ್ವಕಪ್ನಿಂದ ವಂಚಿತರಾಗಿದ್ದಾರೆ.
ದ.ಆಫ್ರಿಕಾ- ಕಳೆದ ವರ್ಷವಷ್ಟೇ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಕಾಲಿಟ್ಟು ಏಕದಿನ ಕ್ರಿಕೆಟ್ನಲ್ಲಿ ಉತ್ತಮ ಪ್ರದರ್ಶನ ತೋರಿದ್ದ ರೀಜಾ ಹೆಂಡ್ರಿಕ್ಸ್ ಹಾಗೂ ಹಿರಿಯ ಆಲ್ರೌಂಡರ್ ಕ್ರಿಸ್ ಮೋರಿಸ್ ದ. ಆಫ್ರಿಕಾ ತಂಡಕ್ಕೆ ಆಯ್ಕೆಯಾಗಲು ವಿಫಲರಾಗಿದ್ದಾರೆ.
ಇಂಗ್ಲೆಂಡ್- 2016ರಿಂದ ವಿಶ್ವದ ಹಲವು ಟಿ20 ಲೀಗ್ಗಳಲ್ಲಿ ಉತ್ತಮ ಸಾಧನೆ ತೋರುತ್ತಿರುವ ಆಲ್ರೌಂಡರ್ ಜೋಫ್ರಾ ಆರ್ಚರ್ರನ್ನು ಇಂಗ್ಲೆಂಡ್ ಆಯ್ಕೆ ಸಮಿತಿ ವಿಶ್ವಕಪ್ ತಂಡದಿಂದ ಕೈಬಿಟ್ಟಿರುವುದು ಕ್ರಿಕೆಟ್ ಲೋಕಕ್ಕೆ ಅಚ್ಚರಿ ಮೂಡಿಸಿದೆ.
ನ್ಯೂಜಿಲೆಂಡ್- ದೇಶಿ ಟೂರ್ನಿಯಲ್ಲಿ ಉತ್ತಮ ಪ್ರದರ್ಶನ ತೋರಿ ಅಂತಾರಾಷ್ಟ್ರೀಯ ತಂಡಕ್ಕೆ ಎಂಟ್ರಿ ಕೊಟ್ಟಿದ್ದ ಡಾಗ್ ಬ್ರಾಸ್ವೆಲ್ ಹಾಗೂ ಸ್ಪಿನ್ನರ್ ಟಾಡ್ ಆಸ್ಟೆಲ್ ಕೂಡ ದೊಡ್ಡ ಟೂರ್ನಿಯಿಂದ ವಂಚಿತರಾಗಿದ್ದಾರೆ.
ಬಾಂಗ್ಲಾದೇಶ-ವೇಗದ ಬೌಲರ್ ತಸ್ಕಿನ್ ಅಹ್ಮದ್ ಹಾಗೂ ಹಿರಿಯ ಆಟಗಾರ ಇಮ್ರುಲ್ ಕಾಯಿಸ್ ಕೂಡ ಈ ಬಾರಿ ಅವಕಾಶವಂಚಿತರ ಪಟ್ಟಿಯಲ್ಲಿದ್ದಾರೆ.
