ತಮ್ಮ ತಂಡದ ನಾಯಕನನ್ನೇ ಟ್ರೋಲ್ ಮಾಡಿದ ಪಾಕಿಗಳು... ಸರ್ಫರಾಜ್ ಡ್ರೆಸ್​​ ಕೊಂಡಾಡಿ ಮಾದರಿಯಾದ ಭಾರತೀಯರು...!

ಈ ಸೌಹಾರ್ದ ಭೇಟಿಯ ವೇಳೆ ಪಾಕಿಸ್ತಾನ ತಂಡದ ನಾಯಕ ಸರ್ಫರಾಜ್ ಅಹಮದ್ ಧರಿಸಿದ್ದ ಧಿರಿಸು ಎಲ್ಲರ ಗಮನ ಸೆಳೆದಿತ್ತು. ಇದೇ ಡ್ರೆಸ್ ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲಿಗರ ಬಾಯಿಗೆ ಆಹಾರವಾಗಿತ್ತು.

ಹೈದರಾಬಾದ್:ವಿಶ್ವಕಪ್​ ಟೂರ್ನಿ ಆರಂಭದಲ್ಲಿ ಹತ್ತು ತಂಡಗಳ ನಾಯಕರು ಬ್ರಿಟನ್ ರಾಣಿ ಎರಡನೇ ಎಲಿಜಬೆತ್​​ರನ್ನು ಭೇಟಿ ಮಾಡಿದ್ದರು.

ಈ ಸೌಹಾರ್ದ ಭೇಟಿಯ ವೇಳೆ ಪಾಕಿಸ್ತಾನ ತಂಡದ ನಾಯಕ ಸರ್ಫರಾಜ್ ಅಹಮದ್ ಧರಿಸಿದ್ದ ಧಿರಿಸು ಎಲ್ಲರ ಗಮನ ಸೆಳೆದಿತ್ತು. ಇದೇ ಡ್ರೆಸ್ ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲಿಗರ ಬಾಯಿಗೆ ಆಹಾರವಾಗಿತ್ತು.

ಬಿಳಿ ಬಣ್ಣದ ಸಲ್ವಾರ್ ಕಮಿಜ್​ ಮೇಲೆ ಪಾಕಿಸ್ತಾನ ತಂಡದ ಹಸಿರು ಬ್ಲೇಜರ್​ ಧರಿಸಿದ್ದರು. ವಿಶೇಷವೆಂದರೆ ತಮ್ಮ ತಂಡದ ನಾಯಕನ ವೇಷ ಭೂಷಣವನ್ನು ಅದೇ ದೇಶದ ಮಂದಿ ಹಾಸ್ಯ ಮಾಡಿದ್ದರು.

ಪಾಕಿಸ್ತಾನ ನಾಯಕ ದೇಶದ ಅಸ್ಮಿತೆಯನ್ನು ತೋರಿಸುವ ಡ್ರೆಸ್ ಹಾಕಿರುವುದನ್ನು ಭಾರತೀಯ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಭಾರತದ ಶತ್ರುರಾಷ್ಟ್ರದ ಕ್ರಿಕೆಟ್ ತಂಡದ ನಾಯಕನ ಈ ನಡೆಯನ್ನು ಹಲವಾರು ಭಾರತೀಯರು ಕೊಂಡಾಡಿದ್ದಾರೆ. ಈ ಮೂಲಕ ದೇಶ ಹಾಗೂ ಗಡಿ ಮೀರಿ ಒಂದೊಳ್ಳೆ ವಿಚಾರಕ್ಕೆ ಭಾರತೀಯರು ವಿಶ್ವಮಟ್ಟದಲ್ಲಿ ಮಾದರಿಯಾಗಿದ್ದಾರೆ.