ನವದೆಹಲಿ:ವಿಶ್ವಕಪ್ ಮಹಾಸಮರದಲ್ಲಿ ಜೂನ್ 16ರಂದು ಸಾಂಪ್ರದಾಯಿಕ ಎದುರಾಳಿ ತಂಡ ಭಾರತ-ಪಾಕ್ ಮುಖಾಮುಖಿಯಾಗಲಿದ್ದು, ಕ್ರೀಡಾಭಿಮಾನಿಗಳು ಪಂದ್ಯ ವೀಕ್ಷಿಸಲು ತುದಿಗಾಲಲ್ಲಿ ನಿಂತಿದ್ದಾರೆ. ಐಸಿಸಿ ವಿಶ್ವಕಪ್ನಲ್ಲಿ ಟೀಂ ಇಂಡಿಯಾ ಇಲ್ಲಿಯವರೆಗೆ ಪಾಕ್ ವಿರುದ್ಧ ಸೋಲು ಕಂಡಿಲ್ಲ ಎಂಬುದು ಎಲ್ಲರಿಗೂ ತಿಳಿದ ವಿಚಾರ.
'1983ರ ಹಾಗಿಲ್ಲ ಪಾಕ್, ಈ ಸಲವೂ ಭಾರತದೆದುರು ಸೋಲು ಖಚಿತ'
ಜೂನ್ 16ರಂದು ಭಾರತ-ಪಾಕ್ ಮುಖಾಮುಖಿಯಾಗಲಿದ್ದು, ಕ್ರೀಡಾಭಿಮಾನಿಗಳು ಈ ಪಂದ್ಯ ವೀಕ್ಷಿಸಲು ಚಾತಕ ಪಕ್ಷಿಗಳಂತೆ ಕಾಯುತ್ತಿದ್ದಾರೆ.
ಇಂಡೋ-ಪಾಕ್
1983ರ ವಿಶ್ವಕಪ್ ವಿಜೇತ ಭಾರತ ತಂಡದ ಕ್ಯಾಪ್ಟನ್ ಕಪಿಲ್ ದೇವ್ ಮಾತನಾಡಿದ್ದು, ಪಾಕಿಸ್ತಾನ 1983ರ ತಂಡದ ರೀತಿಯಲ್ಲಿಲ್ಲ. ಈ ಸಲದ ವಿಶ್ವಕಪ್ನಲ್ಲೂ ಭಾರತ ಸುಲಭ ಗೆಲುವು ದಾಖಲು ಮಾಡಲಿದೆ ಎಂದು ಭವಿಷ್ಯ ನುಡಿದಿದ್ದಾರೆ.
ಪ್ರಸಕ್ತ ವಿಶ್ವಕಪ್ನಲ್ಲಿ ಭಾರತ ಅತ್ಯುತ್ತಮ ಪ್ರದರ್ಶನ ನೀಡುತ್ತಿದ್ದು, ಕೊಹ್ಲಿ ಸೇನೆ ಈ ಸಲವೂ ಪಾಕ್ ವಿರುದ್ಧ ಗೆಲುವು ದಾಖಲು ಮಾಡಲಿದ್ದು, ಈ ಹಿಂದಿನ ರೆಕಾರ್ಡ್ ಮುಂದುವರೆಸಲಿದೆ ಎಂದಿದ್ದಾರೆ. ಖಾಸಗಿ ಸುದ್ದಿವಾಹಿನಿ ಸಂದರ್ಶನವೊಂದರಲ್ಲಿ ಭಾಗಿಯಾಗಿದ್ದ ಕಪಿಲ್, 1983ರಲ್ಲಿ ಪಾಕಿಸ್ತಾನ ತಂಡ ಭಾರತಕ್ಕಿಂತಲೂ ಸದೃಢವಾಗಿತ್ತು. ಆದರೆ ಇದೀಗ ಭಾರತ ಹೆಚ್ಚು ಬಲಿಷ್ಠವಾಗಿದ್ದು, ಗೆಲುವು ಖಚಿತ ಎಂದಿದ್ದಾರೆ.