ಲಂಡನ್: ಚಾಂಪಿಯನ್ ಟ್ರೋಫಿ ವೇಳೆ ಲಂಡನ್‌ನ ದಿ ಓವೆಲ್ ಕ್ರೀಡಾಂಗಣಕ್ಕೆ ಆಗಮಿಸಿದ್ದ ವೇಳೆ ನೆರೆದಿದ್ದ ಪ್ರೇಕ್ಷಕರು ಮಲ್ಯರನ್ನು ಕಳ್ಳ, ಕಳ್ಳ ಎಂದು ಚೀರಿ ಅವಮಾನಿಸಿದ್ದರು. ಆದರೆ ಇಂದು ಅದೇ ಕ್ರೀಡಾಂಗಣಕ್ಕೆ ಆಗಮಿಸಿರುವ ಅವರು ಭಾರತ v/s ಆಸ್ಟ್ರೇಲಿಯಾ ಪಂದ್ಯ ವೀಕ್ಷಿಸುತ್ತಿದ್ದಾರೆ. ಈ ಮೂಲಕ ವಂಚನೆಯ ಕಳಂಕದ ಮಧ್ಯೆಯೂ ಕ್ರಿಕೆಟ್ ಪ್ರೇಮ ತೋರಿಸಿದ್ರು.
ಭಾರತದ ಬ್ಯಾಂಕುಗಳಿಗೆ ಸಾವಿರಾರು ಕೋಟಿ ಸಾಲ ಮರುಪಾವತಿ ಮಾಡದೆ ಲಂಡನ್ನಲ್ಲೇ ಬೀಡುಬಿಟ್ಟಿರುವ ಮಲ್ಯ, ಜೂನ್ 11, 2017ರಲ್ಲಿ ದಕ್ಷಿಣ ಆಫ್ರಿಕಾ ಹಾಗೂ ಭಾರತದ ನಡುವಿನ ಪಂದ್ಯವನ್ನು ವೀಕ್ಷಿಸಲು ಆಗಮಿಸಿದ್ದರು. ಆ ಸಂದರ್ಭದಲ್ಲಿ ಅಲ್ಲಿದ್ದ ಕೆಲವು ಭಾರತೀಯರು ಕಳ್ಳ ಕಳ್ಳ ಎಂದು ಕೂಗಿ ಮಲ್ಯರನ್ನು ಹೀಯಾಳಿಸಿದ ಘಟನೆ ನಡೆದಿತ್ತು.