ಮುಂಬೈ: ಭಾರತದ ಖ್ಯಾತ ಆಲ್ರೌಂಡರ್ ಯುವರಾಜ್ ಸಿಂಗ್ ನಿನ್ನೆ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿದರು. ಇದೇ ವೇದಿಕೆಯಲ್ಲಿ 2019ರ ಐಪಿಎಲ್ ನನ್ನ ಕೊನೆಯ ಐಪಿಎಲ್ ಎಂದು ಹೇಳುವ ಮೂಲಕ ಅವರು ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳಿಗೆ ಅಚ್ಚರಿ ಹುಟ್ಟಿಸಿದ್ದರು.
ಟೀಂ ಇಂಡಿಯಾದ ಖ್ಯಾತ ಕ್ರಿಕೆಟಿಗ ಯುವರಾಜ್ ಸಿಂಗ್ ಅಂತಾರಾಷ್ಟ್ರೀಯ ಕ್ರಿಕೆಟ್ನಿಂದ ನಿವೃತ್ತಿಯಾಗಿದ್ದಾರೆ. ಆದರೆ, ಅವರ ಆಟವನ್ನು ಐಪಿಎಲ್ನಲ್ಲಾದರೂ ಕಣ್ತುಂಬಿಕೊಳ್ಳಬಹುದೆಂಬ ನಿರೀಕ್ಷೆ ಇಟ್ಟಕೊಂಡಿದ್ದ ಅಭಿಮಾನಿಗಳಿಗೆ ನಿರಾಸೆಯಾಗಿದೆ. 2019ರ ಐಪಿಎಲ್ ನನ್ನ ಕೊನೆಯ ಲೀಗ್ ಎಂದು ಕಳೆದ ವರ್ಷವೇ ನಿರ್ಧರಿಸಿದ್ದೇ ಎಂದು ಅವರು ಹೇಳಿದ್ದು ಇದಕ್ಕೆ ಕಾರಣ.
ಸಿಕ್ಸರ್ ಸರದಾರನ ಮುಂದಿನ ಪ್ಲಾನ್ ಏನು?
ಟಿ20 ಕ್ರಿಕೆಟ್ಗೆ ಹೇಳಿ ಮಾಡಿಸಿದಂತಿರುವ ಯುವಿ ಕಳೆದ ಒಂದೆರಡು ವರ್ಷಗಳಿಂದ ಹೇಳಿಕೊಳ್ಳುವ ಪ್ರದರ್ಶನವನ್ನೇನೂ ನೀಡಿಲ್ಲ.ಆದರೆ ಪ್ರದರ್ಶನ ನೀಡುವುದಕ್ಕೆ ಸಾಕಷ್ಟು ಅವಕಾಶಗಳೂ ಸಿಕ್ಕಿಲ್ಲ ಎನ್ನುವುದು ಕೂಡಾ ಅಷ್ಟೇ ಸತ್ಯ. ಹೀಗಾಗಿ ಯುವರಾಜ್ ಸಿಂಗ್ ಸಂಪೂರ್ಣವಾಗಿ ಬಿಸಿಸಿಐನಿಂದ ಹೊರಬಂದು ಬೇರೆ ದೇಶಗಳ ಟಿ20 ಲೀಗ್ಗಳಲ್ಲಿ ಬ್ಯಾಟ್ ಬೀಸುವ ಬಯಕೆ ಇಟ್ಟುಕೊಂಡಿದ್ದಾರೆ.
ಹಾಗಾದ್ರೆ, ಎಲ್ಲೆಲ್ಲಿ ಅವಕಾಶಗಳಿವೆ?
ಬಿಸಿಸಿಐನಿಂದ ಅವಕಾಶಕ್ಕಾಗಿ ಹಾತೊರೆಯುತ್ತಿರುವ ಯುವಿಗೆ ಈಗಾಗಲೇ ಕೆನಡಾದಲ್ಲಿ ನಡೆಯುವ ಗ್ಲೋಬಲ್ ಟಿ20 ಲೀಗ್, ಐರ್ಲೆಂಡ್ನ ಯೂರೋ ಟಿ20 ಸ್ಲಾಮ್ನಲ್ಲಿ ಆಡಲು ಚಾನ್ಸ್‌ ಸಿಕ್ಕಿದೆ ಎನ್ನಲಾಗುತ್ತಿದ್ದು, ಯುವಿ ಈ ವರ್ಷದ ಲೀಗ್ನಲ್ಲಿ ಬ್ಯಾಟ್ ಬೀಸಿದ್ರೂ ಅಚ್ಚರಿಯಿಲ್ಲ.
ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಯುವಿ ಆಟ ಮಿಸ್ ಮಾಡಿಕೊಳ್ಳುತ್ತಿರುವ ಅಭಿಮಾನಿಗಳಿಗೆ ಶೀಘ್ರದಲ್ಲಿ ಯುವಿಯ ಸಿಕ್ಸರ್ಗಳ ಅಬ್ಬರ ನೋಡುವ ಅವಕಾಶ ಸಿಗಲಿದೆ.
