ಇಂಡಿಯನ್ ಓಪನ್: ಭಾರತದ ಸ್ಟಾರ್ ಬ್ಯಾಡ್ಮಿಂಟನ್ ಆಟಗಾರ್ತಿ ಪಿವಿ ಸಿಂಧು ಇಂಡಿಯನ್ ಓಪನ್ ಬ್ಯಾಡ್ಮಿಂಟನ್ನಲ್ಲಿ ಮೊದಲ ಸುತ್ತಿನಲ್ಲಿ ಮುಗ್ಧ ಆಗ್ರೆ ಅವರನ್ನು ಮಣಿಸಿ ಎರಡನೇ ಸುತ್ತು ಪ್ರವೇಶಿಸಿದ್ದಾರೆ.
ಸಿಂಧು ಕೇವಲ 23 ನಿಮಿಷಗಳಲ್ಲಿ 21-8,21-13 ರಲ್ಲಿ ಮಹಿಳಾ ಸಿಂಗಲ್ಸ್ನಲ್ಲಿ ಮುಗ್ಧ ಅವರನ್ನು ಮಣಿಸುವ ಮೂಲಕ ಏಕಪಕ್ಷೀಯ ಜಯ ಸಾಧಿಸಿ ಮುಂದಿನ ಸುತ್ತಿಗೆ ತೇರ್ಗಡೆಗೊಂಡಿದ್ದಾರೆ.
ಸಿಂಧು ಜೊತೆ ಹಿರಿಯ ಆಟಗಾರ ಕಶ್ಯಪ್ ಹಾಂಕಾಂಗ್ನ ವಾಂಗ್ವಿಂಗ್ ಅವರನ್ನು 21-16,18-21,21-19 ರಲ್ಲಿ ಮಣಿಸಿ ಎರಡನೇ ಸುತ್ತು ಪ್ರವೇಶಿಸಿದ್ದಾರೆ.
ಸಮೀರ್ ವರ್ಮಾ,ಸಾಯಿ ಪ್ರಣೀತ್,ಪ್ರಣಯ್ ಸಿಂಗಲ್ಸ್ ವಿಭಾದದಲ್ಲಿ ತಮ್ಮ ಮೊದಲ ಪಂದ್ಯದಲ್ಲಿ ಗೆಲುವು ಸಾಧಿಸಿ ಎರಡನೇ ಸುತ್ತು ಪ್ರವೇಶಿಸಿದ್ದಾರೆ.
ಡಬಲ್ಸ್ ವಿಭಾಗದಲ್ಲಿ ಅಶ್ವಿನಿ ಪೊನ್ನಪ್ಪ ಮತ್ತು ಎನ್.ಸಿಕ್ಕಿ ರೆಡ್ಡಿ ಜೋಡಿ ತಮ್ಮ ಮೊದಲ ಪಂದ್ಯದಲ್ಲಿ ಚೀನಾದ ಲಿ ವೆನ್‌ಮೇ ಮತ್ತು ಝೆಂಗ್‌ ಯು ಜೋಡಿಯನ್ನು 22-10, 21-19 ಗೇಮ್‌ಗಳಿಂದ ಮಣಿಸಿ 2ನೇ ಸುತ್ತು ಪ್ರವೇಶಿಸಿದ್ದಾರೆ.