ಮುಂಬೈ:ಇಂಡಿಯನ್ ಪ್ರೀಮಿಯರ್ ಲೀಗ್ ವೇಳೆ ಗಾಯಗೊಂಡು ಟೂರ್ನಿಯಿಂದ ಹೊರಬಿದ್ದಿರುವ ಕೇದಾರ್ ಜಾಧವ್ ಇಂಗ್ಲೆಂಡ್ನಲ್ಲಿ ನಡೆಯಲಿರುವ ವಿಶ್ವಕಪ್ನಲ್ಲಿ ಭಾಗಿಯಾಗಲಿದ್ದಾರೋ ಇಲ್ವೋ ಎಂಬುದರ ಕುರಿತು ಮೇ 23ರಂದು ಮಾಹಿತಿ ನೀಡಲಿದೆ.
ಗಾಯದ ಸಮಸ್ಯೆಯಲ್ಲಿ ಕೇದಾರ್... ಮೇ 23ರವರೆಗೂ ಕಾಯ್ದು ನೋಡಲಿರುವ ಬಿಸಿಸಿಐ!
ಫಿಟ್ ಆಗಲು ಕೇದಾರ್ ಜಾಧವ್ಗೆ ಮೇ 23ರವೆರೆಗೂ ಕಾಲಾವಕಾಶ ನೀಡಲಾಗಿದ್ದು, ಒಂದು ವೇಳೆ ಫಿಟ್ನೆಸ್ ಸಮಸ್ಯೆ ಎದುರಾದರೇ ಮತ್ತೋರ್ವ ಪ್ಲೇಯರ್ ಚಾನ್ಸ್ ಪಡೆದುಕೊಳ್ಳುವ ಸಾಧ್ಯತೆ ಇದೆ.
ಕೇದಾರ್ ಜಾಧವ್
ಟೀಂ ಇಂಡಿಯಾ ವಿಶ್ವಕಪ್ಗಾಗಿ ಆಯ್ಕೆ ಮಾಡಿರುವ 15 ಸದಸ್ಯರ ತಂಡದಲ್ಲಿ ಕೇದಾರ್ ಜಾಧವ್ ಕೂಡ ಇದ್ದಾರೆ. ಇದೀಗ ಭುಜದ ನೋವಿಗೊಳಗಾಗಿರುವ ಕೇದಾರ್ ವಿಶ್ರಾಂತಿ ಪಡೆದುಕೊಳ್ಳುತ್ತಿದ್ದಾರೆ.ವಿಶ್ವಕಪ್ ತಂಡದಲ್ಲಿ ಬದಲಾವಣೆ ಮಾಡಿಕೊಳ್ಳಲು ಐಸಿಸಿ ಮೇ 23ರವರೆಗೆ ಕಾಲಾವಕಾಶ ನೀಡಿದ್ದು, ಅಲ್ಲಿಯವರೆಗೂ ಕೇದಾರ್ ಜಾಧವ್ ಫಿಟ್ನೆಸ್ ಬಗ್ಗೆ ಕಾಯ್ದು ನೋಡುವುದಾಗಿ ಬಿಸಿಸಿಐ ಹೇಳಿದೆ.
ಟೀಂ ಇಂಡಿಯಾ ಮೇ 22ರಂದು ಇಂಗ್ಲೆಂಡ್ ಪ್ರವಾಸ ಕೈಗೊಳ್ಳಲಿದ್ದು, ಅದರೊಳಗೆ ಕೇದಾರ್ ಫಿಟ್ ಆಗುವ ಮಾಹಿತಿ ಇದೆ ಎಂದು ಎಂಎಸ್ಕೆ ಪ್ರಸಾದ್ ತಿಳಿಸಿದ್ದಾರೆ. ಒಂದು ವೇಳೆ ಕೇದಾರ್ ಫಿಟ್ ಆಗದ್ದಿದ್ದರೆ ರಿಷಭ್ ಪಂತ್ ಅಥವಾ ಅಂಬಾಟಿ ರಾಯುಡು ಚಾನ್ಸ್ ಪಡೆದುಕೊಳ್ಳುವ ಸಾಧ್ಯತೆ ಇದೆ.