ಅಷ್ಟಕ್ಕೂ ಏನಿದು ಮೆಟ್​ಗಾಲಾ... ಟಿಕೆಟ್ ಬೆಲೆಯೇ ಅಬ್ಬಬ್ಬಾ ಇಷ್ಟೊಂದು...!

ಪ್ರಿಯಾಂಕ ಚೋಪ್ರಾ,ದೀಪಿಕಾ ಪಡುಕೋಣೆ ಸೇರಿದಂತೆ ಹಲವು ಜನಪ್ರಿಯ ತಾರೆಗಳ ಚಿತ್ರ-ವಿಚಿತ್ರ ಸ್ಟೈಲ್​ ಏಕಾಏಕಿ ಸುದ್ದಿಗೆ ಕಾರಣವಾದ ಮೆಟ್​ಗಾಲಾ ಇವೆಂಟ್​ ಬಗ್ಗೆ ನಿಮಗೆ ತಿಳಿಯದ ಸಂಗತಿ ಇಲ್ಲಿದೆ...

ನ್ಯೂಯಾರ್ಕ್​:ಸಮಾಜದ ಪ್ರತಿಯೊಂದು ಆಗೂಹೋಗುಗಳಿಗೂ ತಕ್ಷಣವೇ ಸ್ಪಂದಿಸುವ ಸಾಮಾಜಿಕ ಜಾಲತಾಣವನ್ನು ಇಂದು ಆವರಿಸಿದ್ದು ಮೆಟ್​ಗಾಲಾ.

ಪ್ರಿಯಾಂಕ ಚೋಪ್ರಾ, ದೀಪಿಕಾ ಪಡುಕೋಣೆ ಸೇರಿದಂತೆ ಹಲವು ಜನಪ್ರಿಯ ತಾರೆಗಳ ಚಿತ್ರ-ವಿಚಿತ್ರ ಸ್ಟೈಲ್​ ಏಕಾಏಕಿ ಸುದ್ದಿಯಾದ ಮೆಟ್​ಗಾಲಾ ಇವೆಂಟ್​ ಬಗ್ಗೆ ನಿಮಗೆ ತಿಳಿಯದ ಸಂಗತಿ ಇಲ್ಲಿದೆ...

ಮೆಟ್​ಗಾಲಾ ಎನ್ನುವುದು ಪ್ರತಿವರ್ಷ ನಡೆಯುವ ಫ್ಯಾಷನ್ ಇವೆಂಟ್. ಸಂಗೀತ, ಸಿನಿಮಾ ಸೇರಿದಂತೆ ಹಲವು ಕ್ಷೇತ್ರಗಳ ಖ್ಯಾತನಾಮರು ಮೆಟ್​ಗಾಲಾ ಇವೆಂಟ್​​ನಲ್ಲಿ ಪಾಲ್ಗೊಳ್ಳುತ್ತಾರೆ. ನ್ಯೂಯಾರ್ಕ್​ನ ಮೆಟ್ರೋಪಾಲಿಟನ್​​​ ಮ್ಯೂಸಿಯಂ ಆಫ್​ ಆರ್ಟ್​ನಲ್ಲಿ ಪ್ರತಿವರ್ಷ ಆಯೋಜನೆ ಮಾಡಲಾಗುತ್ತದೆ.

ಮೆಟ್​​ನಲ್ಲಿ ಫ್ಯಾಷನ್​ ಕಲೆಕ್ಷನ್​ಗಾಗಿ ನಿಧಿ ಸಂಗ್ರಹಣೆಗಾಗಿ ಇವೆಂಟ್ ಆಯೋಜಿಸಲಾಗುತ್ತಿದ್ದು, ಪ್ರತಿವರ್ಷವೂ ವಿಭಿನ್ನ ಥೀಮ್ ನೀಡಲಾಗುತ್ತದೆ. ನೋಟ್ಸ್ ಆನ್ ಫ್ಯಾಷನ್ ಎನ್ನುವುದು ಈ ಬಾರಿಯ ಥೀಮ್ ಆಗಿತ್ತು.

ಪ್ರಿಯಾಂಕ ಚೋಪ್ರಾ, ದೀಪಿಕಾ ಪಡುಕೋಣೆ, ಲೇಡಿ ಗಾಗಾ ಹಾಗೂ ಸೋಫಿಯಾ ಟರ್ನರ್ ತಮ್ಮ ವಿಶೇಷ ವೇಷ ಭೂಷಣದಿಂದ ಎಲ್ಲರ ಗಮನ ಸೆಳೆದಿದ್ದಾರೆ. ಜೊತೆಗೆ ಇಂಟರ್​ನೆಟ್​​ನಲ್ಲಿ ಸಖತ್ ಟ್ರೋಲ್​​ ಸಹ ಆಗಿದ್ದಾರೆ.

ಶುರುವಾಗಿದ್ದು ಯಾವಾಗ, ಎಂಟ್ರಿ ಟಿಕೆಟ್ ಎಷ್ಟು..?

73 ವರ್ಷಗಳ ಹಿಂದೆ ಮಿಡ್​ನೈಟ್ ಸಪ್ಪರ್​ ಎನ್ನುವ ಹೆಸರಿನಲ್ಲಿ ಇವೆಂಟ್​ ಆರಂಭವಾಯಿತು. ಆರಂಭದಲ್ಲಿ ಅತಿಥಿಗಳು 50 ಅಮೆರಿಕನ್ ಡಾಲರ್​( ಸುಮಾರು 3,500 ರೂ) ನೀಡಿ ಎಂಟ್ರಿ ಪಡೆಯಬಹುದಿತ್ತು.

ಪ್ರಸ್ತುತ ಮೆಟ್​ಗಾಲಾ ಇವೆಂಟ್​ಗೆ ಎಂಟ್ರಿ ನೀಡುವುದಾದರೆ 30,000 ಅಮೆರಿಕನ್ ಡಾಲರ್​​ ನೀಡಬೇಕು. ಭಾರತೀಯ ಕರೆನ್ಸಿಯಂತೆ ಈ ಬೆಲೆ 20,79,525 ರೂ.

ಈ ಪರಿಯ ಮೊತ್ತ ನೀಡಿದರೆ ಜಸ್ಟ್ ಎಂಟ್ರಿ ಪಡೆಯಬಹುದು ಅಷ್ಟೇ. ಯಾವುದಾದರೂ ಗೌನ್ ಧರಿಸಬೇಕಾದಲ್ಲಿ ಅದರ ಬೆಲೆ ಸುಮಾರು 35,000 ಅಮೆರಿಕನ್ ಡಾಲರ್​(24,26,112 ರೂ). ಚಿನ್ನಾಭರಣ ಪ್ರತ್ಯೇಕವಾಗಿರಲಿದ್ದು ಅದರ ಬೆಲೆ ತುಸು ಹೆಚ್ಚೇ ಇದೆ..!

2017ರಲ್ಲಿ 12 ಮಿಲಿಯನ್ ಅಮೆರಿಕನ್ ಡಾಲರ್​( 83,20,20,000 ರೂ) ಹಣವನ್ನು ಇವೆಂಟ್​ನಿಂದ ಸಂಗ್ರಹಿಸಿತ್ತು. ಆದರೆ ಇಲ್ಲಿ ಭಾಗಿಯಾಗುವ ಬಹುತೇಕ ಎಲ್ಲ ಖ್ಯಾತನಾಮರು ತಾವೇ ಹಣ ನೀಡುವುದಿಲ್ಲ. ಎ- ಲಿಸ್ಟ್​​ ಎಂದು ಪರಿಗಣಿಸಲಾಗಿರುವ ಸೆಲೆಬ್ರೆಟಿಗಳಿಗೆ ಪ್ರಮುಖವಾಗಿ ಚಿನ್ನಾಭರಣಗಳನ್ನು ಧರಿಸುವಂತೆ ಆಫರ್​ ನೀಡಲಾಗುತ್ತದೆ.