ಈ ಸರ್ಕಾರಿ ಕಚೇರಿಯ ರಾಣಿ ಇನ್ನಿಲ್ಲ: ಜಲಮಂಡಳಿ ಕಚೇರಿಯಲ್ಲಿ ಈಕೆಯದೇ ನೆನಪು!

ಕಳೆದ 11 ವರ್ಷಗಳಿಂದ ಮಂಗಳೂರಿನ  ಕರ್ನಾಟಕ ಜಲಮಂಡಳಿ ಕಚೇರಿಯಲ್ಲಿದ್ದ ರಾಣಿ ಹೆಸರಿನ ನಾಯಿ ವಯೋಸಹಜ ಸಾವಿಗೀಡಾಗಿದ್ದು, ಇಲ್ಲಿನ ಸಿಬ್ಬಂದಿ ಇನ್ನೂ ಇದರ ನೆನಪಲ್ಲೇ ದಿನ ದೂಡುತ್ತಿದ್ದಾರೆ.

ಮಂಗಳೂರು: ಕರ್ನಾಟಕ‌ ಜಲಮಂಡಳಿ ಕಚೇರಿಯಲ್ಲಿ ಎಲ್ಲ ಸಿಬ್ಬಂದಿಯ ಪ್ರೀತಿಗೆ ಪಾತ್ರವಾಗಿದ್ದ ರಾಣಿ ಎಂಬ ನಾಯಿ ಸಾವಿಗೀಡಾಗಿದ್ದು, ಸಿಬ್ಬಂದಿಯಲ್ಲಿ ದುಃಖ ತರಿಸಿದೆ.

ಜಲ ಮಂಡಳಿ ಸರ್ಕಾರಿ ಕಚೇರಿಯ ರಾಣಿ ಇನ್ನಿಲ್ಲ

ಕಳೆದ 11 ವರ್ಷಗಳಿಂದ ಮಂಗಳೂರಿನ ಕರ್ನಾಟಕ ಜಲಮಂಡಳಿ ಕಚೇರಿಯಲ್ಲಿ ಈ ರಾಣಿ ಹೆಸರಿನ ನಾಯಿ ವಾಸವಾಗಿತ್ತು. 11 ವರ್ಷಗಳ ಹಿಂದೆ ಎಲ್ಲಿಂದಲೋ ಬಂದಿದ್ದ ಈ ನಾಯಿ ಮರಿಯನ್ನು ಇಲ್ಲಿನ ಸಿಬ್ಬಂದಿ ಪ್ರೀತಿಯಿಂದ ಸಾಕಿದ್ದರು. ಜಲಮಂಡಳಿ ಕಚೇರಿಯಲ್ಲಿ ತಾನೂ ಕೂಡ ಒಂದು ಸಿಬ್ಬಂದಿ ಎಂಬಂತೆ ನಡೆದುಕೊಳ್ಳುತ್ತಿತ್ತು. ಕಾವಲುಗಾರರು ಕರ್ತವ್ಯದಲ್ಲಿದ್ದರೂ ರಾಣಿ ನಾಯಿ ತನ್ನ ಕಾಯಕ ಮಾತ್ರ ಮರೆಯುತ್ತಿರಲಿಲ್ಲ.

ಜಲ ಮಂಡಳಿ ಸರ್ಕಾರಿ ಕಚೇರಿಯ ರಾಣಿ ಇನ್ನಿಲ್ಲ

ಅಪರಿಚಿತರು ಬಂದರೆ ಗದರಿಸುತ್ತಿದ್ದ ಈ ನಾಯಿ, ರಾತ್ರಿ ವೇಳೆ ಯಾರೇ ಅಪರಿಚಿತರು ಕಚೇರಿ ಬಳಿ ಬಂದರೂ ಬಿಡುತ್ತಿರಲಿಲ್ಲವಂತೆ.

ಜಲ ಮಂಡಳಿ ಸರ್ಕಾರಿ ಕಚೇರಿಯ ರಾಣಿ ಇನ್ನಿಲ್ಲ

ಈ ಕಚೇರಿಯಿಂದ ವರ್ಗವಾಗಿ ಹೋಗುವವರು ಈ ನಾಯಿಯನ್ನು ಸ್ಮರಿಸದೇ ಇರುತ್ತಿರಲಿಲ್ಲ. ಈ ನಾಯಿ ಮೇ 21 ರಂದು ಮೃತಪಟ್ಟಿದ್ದು ಈ ನಾಯಿಯ ಮೇಲಿನ ಪ್ರೀತಿಯಲ್ಲಿ ಸಿಬ್ಬಂದಿ ಶೋಕಾಚರಣೆ ನಡೆಸಿದ್ದಾರೆ.