ಪಾಕ್​​ನಿಂದ ಕಡೆಗಣಿಸಲ್ಪಟ್ಟಿದ್ದ ಆ ಇಬ್ಬರೂ ಬೌಲರ್​​ಗಳೇ ಇಂಗ್ಲೆಂಡ್​​ ವಿರುದ್ಧ ಗೆಲುವಿನ ರೂವಾರಿಯಾದ್ರು!

ವಿಶ್ವಕಪ್​ಗೆ ಕೊನೆಯ ಹಂತದಲ್ಲಿ ಆಯ್ಕೆಯಾದ ವಹಾಬ್​ ರಿಯಾಜ್ ಹಾಗೂ ಅಮಿರ್​ ಇಂಗ್ಲೆಂಡ್​ ವಿರುದ್ಧ ನಿರ್ಣಾಯಕ ಹಂತದಲ್ಲಿ ವಿಕೆಟ್​ ಪಡೆದು ತಂಡಕ್ಕೆ ಮೊದಲ ಗೆಲುವು ತಂದು ಕೊಟ್ಟರು.

ನಾಟಿಂಗ್​ಹ್ಯಾಮ್: 2019ರ ಪ್ರಾಥಮಿಕ ತಂಡ ಪ್ರಕಟಿಸಿದ್ದ ಪಾಕಿಸ್ತಾನ ಆಯ್ಕೆ ಸಮಿತಿ ವಹಾಬ್​ ರಿಯಾಜ್​, ಮೊಹಮ್ಮದ್​ ಅಮೀರ್​ ಹಾಗೂ ಆಸಿಫ್​ ಅಲಿಯನ್ನು ತಂಡದಿಂದ ಕೈಬಿಟ್ಟು ಎಲ್ಲರ ಅಚ್ಚರಿಗೆ ಕಾರಣವಾಗಿತ್ತು.

ವಿಶ್ವಕಪ್​ಗೂ ಮುನ್ನ ನಡೆದ ಸರಣಿಯಲ್ಲಿ ಪಾಕಿಸ್ತಾನ ತಂಡ ಇಂಗ್ಲೆಂಡ್​ ವಿರುದ್ಧ 4-0ಯಲ್ಲಿ ಹೀನಾಯವಾಗಿ ಸೋಲು ಕಂಡಿತ್ತು. ಈ ಸರಣಿ ಸೋಲಿನ ನಂತರ ಎಚ್ಚೆತ್ತಕೊಂಡ ಪಿಸಿಬಿ ಆಯ್ಕೆ ಸಮಿತಿ ಹಿರಿಯ ಬೌಲರ್​ಗಳಾದ ಅಮಿರ್​ ರಿಯಾಜ್​ ಹಾಗೂ ಆಸಿಪ್​ ಅಲಿಯನ್ನು ವಿಶ್ವಕಪ್​ ತಂಡಕ್ಕೆ ಆಯ್ಕೆ ಮಾಡಿ, ಅಬಿದ್​ ಅಲಿ, ಜುನೈದ್​ ಖಾನ್​ ಹಾಗೂ ಫಹೀಮ್​ ಅರಾಫತ್​ರನ್ನು ಕೈಬಿಟ್ಟಿತ್ತು.

ತಮ್ಮ ಆಯ್ಕೆಯನ್ನು ಸಮರ್ಥಿಸಿಕೊಂಡ ವಹಾಬ್​ ರಿಯಾಜ್ ಹಾಗೂ ಅಮಿರ್​ ಇಂಗ್ಲೆಂಡ್​ ವಿರುದ್ಧ ನಿರ್ಣಾಯಕ ಹಂತದಲ್ಲಿ ವಿಕೆಟ್​ ಪಡೆದು ತಂಡಕ್ಕೆ ಮೊದಲ ಗೆಲುವು ತಂದುಕೊಟ್ಟರು.

76 ಎಸೆತಗಳಲ್ಲಿ 103 ರನ್​ ಸಿಡಿಸಿ ಇಂಗ್ಲೆಂಡ್​ ತಂಡವನ್ನು ಗೆಲವಿನತ್ತ ಕೊಡೊಯ್ಯುತ್ತಿದ್ದ ಜಾಸ್​ ಬಟ್ಲರ್​ ವಿಕೆಟ್​ ಪಡೆದ ಅಮಿರ್​ ಪಾಕ್​ ಪಾಳೆಯದಲ್ಲಿ ನಗು ತರಿಸಿದರೆ, 48 ಓವರ್​ನಲ್ಲಿ ಕ್ರಿಸ್​ ವೋಕ್ಸ್​ ಹಾಗೂ ಮೊಯಿನ್​ ಅಲಿ ವಿಕೆಟ್​ ಪಡೆಯುವ ಮೂಲಕ ರಿಯಾಜ್​ ಪಾಕಿಸ್ತಾನಕ್ಕೆ 14 ರನ್​ಗಳ ರೋಚಕ ಜಯ ತಂದು ಕೊಟ್ಟರು.