ಜಂಪಾ ಮೇಲೆ ಚೆಂಡು ವಿರೂಪದ ಶಂಕೆ... ಫಿಂಚ್​ ನೀಡಿದ ಉತ್ತರ ಏನು?

ಆಸ್ಟ್ರೇಲಿಯಾ ತಂಡದ ಸ್ಪಿನ್ನರ್‌ ಆ್ಯಡಂ ಜಂಪಾ ಕ್ಷೇತ್ರ ರಕ್ಷಣೆ ವೇಳೆ ಪದೇ-ಪದೇ ಜೇಬಿನಲ್ಲಿ ಕೈ ಇಟ್ಟು ಚೆಂಡನ್ನು ಉಜ್ಜುತ್ತಿದ್ದರು.  ಆದ್ದರಿಂದಲೇ ಜಂಪಾ ಚೆಂಡು ವಿರೂಪಗೊಳಿಸುತ್ತಿದ್ದಾರೆಂಬ ಅನುಮಾನ  ಮೂಡಿತ್ತು. ಇದಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ನೂರಾರು ಫೋಟೋ, ವಿಡಿಯೋಗಳು ಹರಿದಾಡುತ್ತಿದ್ದು, ಜಂಪಾ ವಿರುದ್ಧ ಬಾಲ್ ​ಟ್ಯಾಂಪರಿಂಗ್ ಆರೋಪ ಮಾಡಿ ಟ್ರೋಲ್​ ಮಾಡಲಾಗಿತ್ತು.

ಲಂಡನ್: ನಿನ್ನೆ ನಡೆದ ವಿಶ್ವಕಪ್​ ಪಂದ್ಯದಲ್ಲಿ ಭಾರತದೆದುರು 36 ರನ್​ಗಳಿಂದ ಆಸ್ಟ್ರೇಲಿಯಾ ಸೋಲನುಭವಿಸಿದೆ. ಈ ಮಧ್ಯೆ ಆಸೀಸ್​ ಸ್ಪಿನ್ನರ್​ ಮೇಲೆ ಬಾಲ್​ ಟ್ಯಾಂಪರಿಂಗ್ ಮಾಡಿದ ಆರೋಪ ಕೇಳಿಬಂದಿದ್ದು, ಫಿಂಚ್​ ಅದಕ್ಕೆ ಸ್ಪಷ್ಟನೆ ನೀಡಿದ್ದಾರೆ.

ಆಸ್ಟ್ರೇಲಿಯಾ ತಂಡದ ಸ್ಪಿನ್ನರ್‌ ಆ್ಯಡಂ ಜಂಪಾ ಕ್ಷೇತ್ರ ರಕ್ಷಣೆ ವೇಳೆ ಪದೇ-ಪದೇ ಜೇಬಿನಲ್ಲಿ ಕೈ ಇಟ್ಟು ಚೆಂಡನ್ನು ಉಜ್ಜುತ್ತಿದ್ದರು. ಆದ್ದರಿಂದಲೇ ಜಂಪಾ ಚೆಂಡು ವಿರೂಪಗೊಳಿಸುತ್ತಿದ್ದಾರೆಂಬ ಅನುಮಾನ ಮೂಡಿತ್ತು. ಇದಕ್ಕೆ ಸಾಮಾಜಿಕ ಜಾಲಾತಾಣದಲ್ಲಿ ನೂರಾರು ಫೋಟೋ, ವಿಡಿಯೋಗಳು ಹರಿದಾಡುತ್ತಿದ್ದು, ಜಂಪಾ ವಿರುದ್ಧ ಬಾಲ್ ​ಟ್ಯಾಂಪರಿಂಗ್ ಆರೋಪ ಮಾಡಿ ಟ್ರೋಲ್​ ಮಾಡಲಾಗಿತ್ತು.​

ಆ್ಯಡಂ ಜಂಪಾ

ಪಂದ್ಯದ ನಂತರ ಪ್ರತಿಕ್ರಿಯಿಸಿದ ಆಸೀಸ್​ ನಾಯಕ ಫಿಂಚ್‌, ಜಂಪಾ ಪ್ರತಿಯೊಂದು ಪಂದ್ಯದಲ್ಲೂ ಹ್ಯಾಂಡ್‌-ವಾರ್ಮರ್ಸ್‌ ತಮ್ಮ ಜೇಬಿನಲ್ಲಿ ಇಟ್ಟುಕೊಂಡಿರುತ್ತಾರೆ, ಈ ವಿಚಾರ ನಮಗೂ ತಿಳಿದಿದೆ. ಇದನ್ನು ಮೈದಾನದಲ್ಲಿ ಯಾವ ತೀರ್ಪುಗಾರರು ಪ್ರಶ್ನಿಸಿಲ್ಲ. ಆದರೆ, ಸಾಮಾಜಿಕ ಜಾಲತಾಣದಲ್ಲಿ ಪೋಟೋ ನೋಡಿ ಹಲವರು ಜಂಪಾ ವಿರುದ್ಧ ಟ್ಯಾಂಪರಿಂಗ್​ ಆರೋಪ ಮಾಡುತ್ತಿದ್ದಾರೆ ಎಂದರು.

ಈಗಾಗಲೇ ಡೇವಿಡ್‌ ವಾರ್ನರ್‌ ಹಾಗೂ ಸ್ಟೀವನ್‌ ಸ್ಮಿತ್‌ ಬಾಲ್​ ಟ್ಯಾಂಪರಿಂಗ್​ ಆರೋಪದಿಂದ ಒಂದು ವರ್ಷ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ ಬ್ಯಾನ್​ ಆಗಗಿರುವುದರಿಂದ ಮತ್ತೆ ಅಂತಹ ತಪ್ಪನ್ನು ಯಾರು ಮಾಡುವುದಿಲ್ಲ ಎಂಬುದು ಫಿಂಚ್​ ಹೇಳಿದ್ದಾರೆ.