ಉಗ್ರರ ದಮನ ಮಾಡಿ ಇಲ್ಲ ಅಂದ್ರೆ ಅನುದಾನ ಕಳೆದುಕೊಳ್ಳಿ: ಪಾಕ್​ಗೆ ಹೀಗೆ ಎಚ್ಚರಿಕೆ ಕೊಟ್ಟಿದ್ಯಾರು?

ಮಸೂದ್​ ಅಜರ್​​ನನ್ನು ಜಾಗತಿಕ ಉಗ್ರರ ಪಟ್ಟಿಗೆ ಸೇರಿಸಲು ತೀವ್ರ ವಿರೋಧ ವ್ಯಕ್ತಪಡಿಸುತ್ತಿದ್ದ ಚೀನಾ, ಜಾಗತಿಕ ಒತ್ತಡಕ್ಕೆ ಮಣಿದು ಯೆಸ್​ ಎಂದಿದೆ. ಈ ನಡುವೆ ಯೂರೋಪಿಯನ್ ಒಕ್ಕೂಟ ಪಾಕಿಸ್ತಾನಕ್ಕೆ ನೇರ ಎಚ್ಚರಿಕೆ ರವಾನಿಸಿದೆ.

ಬ್ರಸ್ಸೆಲ್ಸ್​​(ಬೆಲ್ಜಿಯಂ): ಪಾಕಿಸ್ತಾನದಲ್ಲಿನ ಅಪಾಯಕಾರಿ ಉಗ್ರ ಮೌಲಾನಾ ಮಸೂದ್​ ಅಜರ್​ ಅವರನ್ನ ಜಾಗತಿಕ ಉಗ್ರರ ಪಟ್ಟಿಗೆ ಸೇರಿಸಿ ವಿಶ್ವಸಂಸ್ಥೆ ನಿನ್ನೆ ಪ್ರಕಟಣೆ ಹೊರಡಿಸಿದೆ. ಈ ಮೂಲಕ 10 ವರ್ಷಗಳ ಭಾರತದ ಹೋರಾಟಕ್ಕೆ ಜಯ ಸಿಕ್ಕಿದೆ.

ಮಸೂದ್​ ಅಜರ್​​ನನ್ನು ಜಾಗತಿಕ ಉಗ್ರರ ಪಟ್ಟಿಗೆ ಸೇರಿಸಲು ತೀವ್ರ ವಿರೋಧ ವ್ಯಕ್ತಪಡಿಸುತ್ತಿದ್ದ ಚೀನಾ, ಜಾಗತಿಕ ಒತ್ತಡಕ್ಕೆ ಮಣಿದು ಯೆಸ್​ ಎಂದಿದೆ. ಈ ನಡುವೆ ಯೂರೋಪಿಯನ್ ಒಕ್ಕೂಟ ಪಾಕಿಸ್ತಾನಕ್ಕೆ ನೇರ ಎಚ್ಚರಿಕೆ ರವಾನಿಸಿದೆ.

ಪಾಕಿಸ್ತಾನದಲ್ಲಿ ಹೆಚ್ಚುತ್ತಿರುವ ಧಾರ್ಮಿಕ ಅಲ್ಪಸಂಖ್ಯಾತರ ಕಿರುಕುಳ ಪ್ರಕರಣಗಳು, ಹಾಗೂ ರಾಷ್ಟ್ರದಲ್ಲಿರುವ ತಾರತಮ್ಯ ನೀತಿಯನ್ನ ಹೊಡೆದೋಡಿಸಲು ಕೈಗೊಳ್ಳದ ಕ್ರಮಗಳ ಹಿನ್ನೆಲೆಯಲ್ಲಿ ಎಚ್ಚರಿಕೆಕೊಟ್ಟಿರುವ ಯುರೋಪಿಯನ್​ ಒಕ್ಕೂಟ, ಸೂಕ್ತ ಕ್ರಮ ಕೈಗೊಳ್ಳದಿದ್ದರೆ ಪಾಕಿಸ್ತಾನಕ್ಕೆ ನೀಡಲಾಗುತ್ತಿರುವ ಎಲ್ಲ ಅನುದಾನಗಳನ್ನ ಕಡಿತ ಮಾಡಲಾಗುವುದು ಎಂದು ಎಚ್ಚರಿಕೆ ನೀಡಿದೆ.

ಹೆಚ್ಚಿನ ಓದಿಗಾಗಿ:

ಈ ಸಂಬಂಧ ಮಂಗಳವಾರ ಪಾಕಿಸ್ತಾನದ ಪ್ರಧಾನಿ ಇಮ್ರಾನ್​ ಖಾನ್​ಗೆ ಯುರೋಪಿಯನ್​ ಪಾರ್ಲಿಮೆಂಟ್​ನ 51 ಸದಸ್ಯರು ಪತ್ರ ಬರೆದಿದ್ದಾರೆ. ಕಳೆದ ಕೆಲ ವರ್ಷಗಳಿಂದ ಪಾಕಿಸ್ತಾನ ಸರ್ಕಾರ ಅಲ್ಲಿನ ಉಗ್ರಗಾಮಿ ಸಂಘಟನೆಗಳಿಗೆ ಬೆಂಬಲ ನೀಡುತ್ತಾ ಬಂದಿದೆ. ಧಾರ್ಮಿಕ ಅಲ್ಪಸಖ್ಯಾತರ ಬದುಕು ಪಾಕಿಸ್ತಾನದಲ್ಲಿ ಹೀನ ಸ್ಥಿತಿಗೆ ತಲುಪಿದೆ ಎಂಬ ಅಂಶಗಳನ್ನ ಉಲ್ಲೇಖಿಸಲಾಗಿದೆ.

ಪಾಕ್​ ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ನಿಯಮಗಳನ್ನ ಉಲ್ಲಂಘನೆ ಮಾಡಿದೆ ಎಂಬ ಅಂಶ ಸೇರಿದಂತೆ ಇನ್ನಿತರ ಸಂಸ್ಥೆಗಳ ಸರ್ವೆಗಳನ್ನ ಪತ್ರದಲ್ಲಿ ಉಲ್ಲೇಖಿಸಿದೆ. ಈ ಮೂಲಕ ಪಾಕಿಸ್ತಾನದ ಮೇಲೆ ದಿನದಿಂದ ದಿನಕ್ಕೆ ಒತ್ತಡ ಹೆಚ್ಚಾಗುತ್ತಿದೆ.