ಚುನಾವಣೋತ್ತರ ಸಮೀಕ್ಷೆಗಳನ್ನು ತೆಗೆದುಹಾಕಿ: ಟ್ವಿಟ್ಟರ್​ಗೆ ಚುನಾವಣಾ ಆಯೋಗ ಸೂಚನೆ

ಮೇ 19ರಂದು ಕೊನೆಯ ಹಂತದ ಲೋಕಸಭಾ ಚುನಾವಣೆಯ ಮತದಾನ ನಡೆಯಲಿದೆ. ಅದೇ ದಿನ ಚುನಾಣೋತ್ತರ ಸಮೀಕ್ಷೆಗಳು ಹೊರಬೀಳಲಿವೆ. ಇದಕ್ಕೆ ಬ್ರೇಕ್​ ಹಾಕುವಂತೆ ಕೇಂದ್ರ ಚುನಾವಣಾ ಆಯೋಗ ಟ್ವಿಟ್ಟರ್​ಗೆ​ ಸೂಚಿಸಿದೆ.

ನವದೆಹಲಿ:ಲೋಕಸಭಾ ಚುನಾವಣೆ ಹಂತಕ್ಕೆ ಬಂದಿದ್ದು, ಟ್ವಿಟ್ಟರ್​ನಲ್ಲಿ ಸದ್ಯ ಇರುವ ಎಲ್ಲ ಚುನಾವಣೋತ್ತರ ಸಮೀಕ್ಷೆಗಳ ಕುರಿತಾದ ಟ್ವೀಟ್​ಗಳನ್ನು ತೆಗೆದುಹಾಕುವಂತೆ ಚುನಾವಣಾ ಆಯೋಗ ಟ್ವಿಟ್ಟರ್​​ ಇಂಡಿಯಾಗೆ ಸೂಚಿಸಿದೆ.

ಮೇ 19ರಂದು ಕೊನೆಯ ಹಂತದ ಲೋಕಸಭಾ ಚುನಾವಣೆಯ ಮತದಾನ ನಡೆಯಲಿದ್ದು, ಅದೇ ದಿನ ಚುನಾಣೋತ್ತರ ಸಮೀಕ್ಷೆಗಳು ಹೊರಬೀಳಲಿವೆ. ಈ ಕುರಿತುಚುನಾವಣಾ ಆಯೋಗಕ್ಕೆ ದೂರು ಬಂದಿದೆ. ಹೀಗಾಗಿ ಟ್ವಿಟ್ಟರ್​​​ ಇಂಡಿಯಾಗೆ ಪ್ರಸ್ತುತ ಇರುವ ಚುನಾಣೋತ್ತರ ಸಮೀಕ್ಷೆಗಳ ಟ್ವೀಟ್​ ಅನ್ನು ತೆಗೆದುಹಾಕುವಂತೆ ಆಯೋಗ ತಾಕೀತು ಮಾಡಿದೆ.

ಮೇ 19ರಂದು ಕೊನೆಯ ಹಂತದ ಮತದಾನ ನಡೆಯಲಿದ್ದು, ಮೇ 23ರಂದು ಬಹುನಿರೀಕ್ಷಿತ ಫಲಿತಾಂಶ ಹೊರಬೀಳಲಿದೆ.