ಲಂಡನ್:ಆಸ್ಟ್ರೇಲಿಯಾ ವಿರುದ್ಧ ಅಬ್ಬರಿಸುತ್ತಿರುವ ಗಬ್ಬರ್ಸಿಂಗ್ ಖ್ಯಾತಿಯ ಶಿಖರ್ ಧವನ್ ಆಕರ್ಷಕ ಶತಕ ದಾಖಲು ಮಾಡಿ ಭಾರತ ತಂಡ ಬೃಹತ್ ಮೊತ್ತದತ್ತ ದಾಪುಗಾಲು ಹಾಕಲು ನೆರವಾಗಿದ್ದಾರೆ.
ಟಾಸ್ ಗೆದ್ದು ಬ್ಯಾಟಿಂಗ್ ಮಾಡುತ್ತಿರುವ ಭಾರತ ತಂಡಕ್ಕೆ ಶಿಖರ್ ಧವನ್ ಹಾಗೂ ರೋಹಿತ್ ಶರ್ಮಾ ಮೊದಲ ವಿಕೆಟ್ಗೆ 127 ರನ್ಗಳ ಜೊತೆಯಾಟ ನೀಡಿದರು. 57 ರನ್ ಗಳಿಸಿದ್ದ ರೋಹಿತ್ ಔಟಾದರು.
ಇತ್ತ ತಮ್ಮ ಆಟ ಮುಂದುವರಿಸಿದ ಶಿಖರ್ 95 ಎಸೆತಗಳಲ್ಲಿ ತಮ್ಮ 17ನೇ ಶತಕ ಪೂರ್ಣಗೊಳಿಸಿದರು. ಒಟ್ಟಾರೆ 106 ಎಸೆತಗಳಲ್ಲಿ 117 ರನ್ಗಳಿಸಿದ ಶಿಖರ್ ಔಟಾದರು. ಇವರ ಇನ್ನಿಂಗ್ಸ್ನಲ್ಲಿ 16 ಬೌಂಡರಿ ಸೇರಿತ್ತು. ಈ ಶತಕದ ಮೂಲಕ ಧವನ್ ಐಸಿಸಿ ಆಯೋಜಿಸಿರುವ ಟೂರ್ನಿಗಳಲ್ಲಿ 6ನೇ ಶತಕ ದಾಖಲಿಸಿ ರಿಕಿ ಪಾಂಟಿಂಗ್, ಕುಮಾರ್ ಸಂಗಕ್ಕಾರ ದಾಖಲೆ ಸರಿಗಟ್ಟಿದರು.
ಶಿಖರ್ ಧವನ್ ಓವೆಲ್ನಲ್ಲಿ ಅದ್ಭುತ ಪ್ರದರ್ಶನ ತೋರಿದ್ದು, ಕಳೆದ 5 ಇನ್ನಿಂಗ್ಸ್ನಲ್ಲಿ 450 ಕ್ಕೂ ಹೆಚ್ಚಿನ ರನ್ ದಾಖಲಿಸಿದ್ದಾರೆ.ಧವನ್ ಕಳೆದ 5 ಇನ್ನಿಂಗ್ಸ್ನಲ್ಲಿ 125, 78, 21, 100 ಹಾಗೂ ಇಂದು ಕೂಡ ಶತಕ ದಾಖಲಿಸಿದ್ದಾರೆ.