ರಕ್ಷಣಾ ವೆಚ್ಚ: ಭಾರತ ವಿಶ್ವದ ನಾಲ್ಕನೇ ಅತಿದೊಡ್ಡ ರಾಷ್ಟ್ರ...ಚೀನಾ ನಮಗಿಂತ 4 ಪಟ್ಟು ಹೆಚ್ಚು ಖರ್ಚು

ಅಮೆರಿಕ, ಚೀನಾ  ಬಳಿಕ ಅತಿ ಹೆಚ್ಚು  ವೆಚ್ಚ ಮಾಡುವ ರಾಷ್ಟ್ರ ಎಂದರೆ ಅದು ಸೌದಿ ಅರೆಬಿಯಾ, ಈ ರಾಷ್ಟ್ರ ಸುಮಾರು 4.72 ಲಕ್ಷ ಕೋಟಿಯನ್ನ ದೇಶದ ಭದ್ರತೆಗಾಗಿ ಉಪಯೋಗಿಸುತ್ತಿದೆ.

ನವದೆಹಲಿ:ವಿಶ್ವದಲ್ಲಿ ರಕ್ಷಣೆಗಾಗಿ ಅಮೆರಿಕ ಸರಿ ಸುಮಾರು 45 ಲಕ್ಷ ಕೋಟಿ ರೂ. ವೆಚ್ಚ ಮಾಡುತ್ತಿದೆ. ಅಮೆರಿಕ ಹೊರೆತು ಪಡಿಸಿದರೆ ಚೀನಾ ಸರಿ ಸುಮಾರು 17 ಲಕ್ಷ ಕೋಟಿ ರೂ.ಗಳನ್ನ ಮಿಲಿಟರಿಗಾಗಿ ವಿನಿಯೋಗಿಸುತ್ತಿದೆ. ಇವೆರಡು ರಾಷ್ಟ್ರಗಳ ರಕ್ಷಣಾ ವೆಚ್ಚವೇ ಸಣ್ಣ ರಾಷ್ಟ್ರ್ಳಗಳ ಒಟ್ಟಾರೆ ಆದಾಯಕ್ಕೆ ಸಮ.

ಅಮೆರಿಕ, ಚೀನಾ ಬಳಿಕ ಅತಿ ಹೆಚ್ಚು ವೆಚ್ಚ ಮಾಡುವ ರಾಷ್ಟ್ರ ಎಂದರೆ ಅದು ಸೌದಿ ಅರೆಬಿಯಾ, ಈ ರಾಷ್ಟ್ರ ಸುಮಾರು 4.72 ಲಕ್ಷ ಕೋಟಿಯನ್ನ ದೇಶದ ಭದ್ರತೆಗಾಗಿ ಉಪಯೋಗಿಸುತ್ತಿದೆ. ಅದನ್ನು ಹೊರತುಪಡಿಸಿದರೆ, ಭಾರತವೇ ದೇಶದ ರಕ್ಷಣೆಗಾಗಿ ಬರೋಬ್ಬರಿ 4ಲಕ್ಷದ 64 ಸಾವಿರ ಕೋಟಿ ರೂ. ಗಳನ್ನ ಖರ್ಚು ಮಾಡುತ್ತಿದೆ.

ಈ ಸಂಬಂಧ ಜಾಗತಿಕ ಟಿಂಜ್​ ಟ್ಯಾಂಕ್ ಎಂದು ಕರೆಯಿಸಿಕೊಳ್ಳುವ ಇಂಟರ್​ನ್ಯಾಷನಲ್​ ರಿಸರ್ಚ್​ ಇನ್ಸಿಟ್ತೂಟ್ ( SIPRI) ವರದಿ ತಯಾರಿಸಿದ್ದು, ವಿಶ್ವದ ಮಿಲಿಟರಿ ವೆಚ್ಚು ಸುಮಾರು ಶೇ 2.6 ರಷ್ಟು ಹೆಚ್ಚಳವಾಗಿದ್ದು, 1,822 ಬಿಲಿಯನ್ ಡಾಲರ್​ಗೆ ( 127 ಲಕ್ಷ ಕೋಟಿ ರೂ) ತಲುಪಿದೆ ಎಂದು ಹೇಳಿದೆ. ಅಂದ ಹಾಗೆ ಇದು 2018ರ ವರದಿಯಾಗಿದೆ.

ಭಾರತ 4.64 ಲಕ್ಷ ಕೋಟಿ ರೂ. ವೆಚ್ಚ ಮಾಡುವ ಮೂಲಕ ನಾಲ್ಕನೇ ಸ್ಥಾನದಲ್ಲಿದ್ದರೂ ನೆರೆಯ ರಾಷ್ಟ್ರ ಚೀನಾಕ್ಕಿಂತ ನಾಲ್ಕು ಪಟ್ಟು ಕಡಿಮೆ ವೆಚ್ಚ ಮಾಡುತ್ತಿದ್ದೇವೆ. ಸುಮಾರು 15 ಲಕ್ಷ ಸೈನಿಕರನ್ನು ಹೊಂದಿರುವ ಭಾರತ, ಇವರ ವೇತನ, ವಸತಿ, ಊಟೋಪಚಾರ, ಅತ್ಯಾಧುನಿಕ ಸಲಕರಣೆಗಳು, ಯುದ್ಧ ವಿಮಾನಗಳು, ತಂತ್ರಜ್ಞಾನಕ್ಕಾಗಿ ಹಣದ ಹೊಳೆಯನ್ನೇ ಹರಿಸುತ್ತಿದೆ.

ಹೀಗೊಂದು ಅಂಕಿ- ಅಂಶ

2018ರಲ್ಲಿ ಮಿಲಿಟರಿಗೆ ಮಾಡಿದ ಒಟ್ಟು ವೆಚ್ಚ

ಅಮೆರಿಕ 649 ಬಿಲಿಯನ್​ ಡಾಲರ್​ ( 45 ಲಕ್ಷ ಕೋಟಿ)

ಚೀನಾ 250 ಬಿಲಿಯನ್​ ಡಾಲರ್​ ( 17 ಲಕ್ಷ ಕೋಟಿ)

ಸೌದಿ ಅರೇಬಿಯಾ 67.6 ಬಿಲಿಯನ್​ ಡಾಲರ್ ( 4.72 ಲಕ್ಷ ಕೋಟಿ)

ಭಾರತ 66.5 ಬಿಲಿಯನ್​ ಡಾಲರ್ ( 4.64 ಲಕ್ಷ ಕೋಟಿ)

ಫ್ರಾನ್ಸ್​ 63.8 ಬಿಲಿಯನ್​ ಡಾಲರ್

ರಷ್ಯಾ 61.4 ಬಿಲಿಯನ್ ಡಾಲರ್​

ಯುಕೆ 50 ಬಿಲಿಯನ್​ ಡಾಲರ್​

ಜರ್ಮನಿ 49.5 ಬಿಲಿಯನ್​ ಡಾಲರ್​

ಪಾಕಿಸ್ತಾನ 11.4 ಬಿಲಿಯನ್​ ಡಾಲರ್​ (79 ಸಾವಿರ ಕೋಟಿ)