ಎಂಥಾ ಗುಂಡಿಗೆ ನೋಡಿ... ಮನೆಯೊಳಗೆ ಚಿರತೆ ನುಗ್ಗಿದ್ರೂ ಹೆದರದೆ ಕೂಡಿ ಬೀಗ ಹಾಕಿದ ಕುಟುಂಬ

ಜಿಲ್ಲೆಯ ಸರಗೂರು ತಾಲೂಕಿನ ಚಿಕ್ಕದೇವಮ್ಮನ ಬೆಟ್ಟದ ತಪ್ಪಲಿನ ಕುಂಡಪಟ್ಟಣ ಗ್ರಾಮದ ಮನೆಯೊಳಗೆ ಚಿರತೆಯೊಂದು ನುಗ್ಗಿದ ಘಟನೆ ಜರುಗಿದೆ.

ಮೈಸೂರು:ಚಿರತೆಯೊಂದು ಮನೆ ಒಳಗೆ ನುಗ್ಗಿದ ಘಟನೆ ಜಿಲ್ಲೆಯ ಸರಗೂರು ತಾಲೂಕಿನ ಚಿಕ್ಕದೇವಮ್ಮನ ಬೆಟ್ಟದ ತಪ್ಪಲಿನ ಕುಂಡಪಟ್ಟಣ ಗ್ರಾಮದಲ್ಲಿ ನಡೆದಿದೆ.

ಮನೆಯೊಳಗಿದ್ದ ಜನ ಚಿರತೆಯ ದಿಢೀರ್​ ಪ್ರವೇಶದಿಂದ ಗಾಬರಿಗೊಳಗಾಗದೆ ಚಿರತೆಯನ್ನು ಮನೆ ಒಳಗೆ ಬಿಟ್ಟು ಹೊರಗಡೆಯಿಂದ ಮನೆ ಬೀಗ ಹಾಕಿ ಅರಣ್ಯ ಇಲಾಖೆ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ.

ಸ್ಥಳಕ್ಕಾಗಮಿಸಿದ ಅರಣ್ಯ ಇಲಾಖೆ ಸಿಬ್ಬಂದಿ ಚಿರತೆಯನ್ನು ಸೆರೆ ಹಿಡಿದು, ಬಂಡೀಪುರ ಅರಣ್ಯಕ್ಕೆ ಬಿಟ್ಟಿದ್ದಾರೆ.