1992ರ ಫಲಿತಾಂಶ ಮತ್ತೆ ರಿಪೀಟ್, ಪಾಕ್​ ಪಕ್ಕಾ ಚಾಂಪಿಯನ್ ಎನ್ನುತ್ತಿವೆ ಈ 4 ಅಂಶಗಳು!

12ನೇ ಆವೃತ್ತಿಯ ವಿಶ್ವಕಪ್​ನ ತನ್ನ ಮೊದಲ ಪಂದ್ಯದಲ್ಲೇ ಹೀನಾಯ ಸೋಲು ಕಂಡಿರುವ ಪಾಕಿಸ್ತಾನ ತಂಡ ಚಾಂಪಿಯನ್​ ಆಗುವ ಲಕ್ಷಣಗಳು ಗೋಚರಿಸುತ್ತಿವೆ. ಇದು ನಿಜವಾಗದಿದ್ದರೂ ಪಾಕ್​ ಅಭಿಮಾನಿಗಳು 1992ರ ವಿಶ್ವಕಪ್​ನ ಫಲಿತಾಂಶಗಳನ್ನು ಹೋಲಿಕೆ ಮಾಡಿ ತಮ್ಮ ತಂಡ ಚಾಂಪಿಯನ್​ ಆಗುತ್ತದೆ ಎಂದು ಸಂತೋಷ ವ್ಯಕ್ತಪಡಿಸುತ್ತಿದ್ದಾರೆ.

ಲಂಡನ್​:12ನೇ ಆವೃತ್ತಿಯ ವಿಶ್ವಕಪ್​ನ ತನ್ನ ಮೊದಲ ಪಂದ್ಯದಲ್ಲೇ ಹೀನಾಯ ಸೋಲು ಕಂಡಿರುವ ಪಾಕಿಸ್ತಾನ ತಂಡ ಚಾಂಪಿಯನ್​ ಆಗುವ ಲಕ್ಷಣಗಳು ಕಾಣುತ್ತಿವೆ. ಇದು ನಿಜವಾಗವಾಗದಿದ್ದರೂ ಪಾಕ್​ ಅಭಿಮಾನಿಗಳು 1992ರ ವಿಶ್ವಕಪ್​ನ ಪಲಿತಾಂಶಗಳನ್ನು ಹೋಲಿಕೆ ಮಾಡಿ ತಮ್ಮ ತಂಡ ಚಾಂಪಿಯನ್​ ಆಗುತ್ತದೆ ಎಂದು ಸಂತೋಷ ವ್ಯಕ್ತಪಡಿಸುತ್ತಿದ್ದಾರೆ.

ಮೊದಲ ಪಂದ್ಯದಲ್ಲಿ ಎರಡು ವಿಶ್ವಕಪ್​ನಲ್ಲೂ ಹೀನಾಯ ಸೋಲು

ಪ್ರಸ್ತುತ ವಿಶ್ವಕಪ್​ನಲ್ಲಿ ತನ್ನ ಮೊದಲ ಪಂದ್ಯದಲ್ಲೇ ವಿಂಡೀಸ್​ ವಿರುದ್ಧ ಕೇವಲ 105 ರನ್​ಗಳಿಗೆ ಆಲೌಟ್​ ಆಗಿದ್ದ ಪಾಕ್​​ ತಂಡ 10 ವಿಕೆಟ್​ಗಳ ಹೀನಾಯ ಸೋಲುಕಂಡಿತ್ತು. ಕಾಕತಾಳೀಯವೆಂದರೆ 1992ರ ವಿಶ್ವಕಪ್​ನಲ್ಲಿ ಪಾಕಿಸ್ತಾನ ಇದೇ ವಿಂಡೀಸ್​ ವಿರುದ್ಧ 74 ರನ್​ಗಳಿಗೆ ಆಲೌಟ್​ ಆಗಿ 10 ವಿಕೆಟ್​ಗಳ ಹೀನಾಯ ಸೋಲುಕಂಡಿತ್ತು.

ಎರಡನೇ ಪಂದ್ಯದಲ್ಲಿ ಗೆಲುವು!

ನಂತರ 2 ನೇ ಪಂದ್ಯದಲ್ಲಿ ಜಿಂಬಾಬ್ವೆ ವಿರುದ್ಧ 53 ರನ್​ಗಳಿಂದ ಗೆಲುವು ಸಾಧಿಸಿದ್ದರು. ಈ ವಿಶ್ವಕಪ್​ನಲ್ಲಿ ಪಾಕ್​ ತಂಡ ತನ್ನ ಎರಡನೇ ಪಂದ್ಯದಲ್ಲಿ ಇಂಗ್ಲೆಂಡ್​ ವಿರುದ್ಧ 15 ರನ್​ಗಳಿಂದ ಗೆದ್ದು ಬೀಗಿದೆ.

ಮೂರನೇ ಪಂದ್ಯ ರದ್ದು

1992ರಲ್ಲಿ ಮೂರನೇ ಪಂದ್ಯದಲ್ಲಿ ಇಂಗ್ಲೆಂಡ್​ ವಿರುದ್ಧ ಪಂದ್ಯ ಮಳೆ ಕಾರಣದಿಂದ ರದ್ದಾಗಿತ್ತು. 2019 ರ ವಿಶ್ವಕಪ್​ನಲ್ಲಿ ಶ್ರೀಲಂಕಾ ವಿರುದ್ಧದ ಪಂದ್ಯಕೂಡ ಮಳೆ ಕಾರಣದಿಂದಲೇ ರದ್ದಾಗಿದೆ.

ಭಾರತ ಚಾಂಪಿಯನ್​ ಆದ 8 ವರ್ಷಗಳ ನಂತರ ಪಾಕ್​ ಚಾಂಪಿಯನ್​:

ಇನ್ನೊಂದು ಪ್ರಮುಖ ಅಂಶವೆಂದರೆ 1983 ರಲ್ಲಿ ಭಾರತ ತಂಡ ವಿಶ್ವ ಚಾಂಪಿಯನ್​ ಆಗಿತ್ತು. ನಂತರದ ವಿಶ್ವಕಪ್​ನಲ್ಲಿ ಸೆಮಿಫೈನಲ್​ ಪ್ರವೇಶಿಸಿತ್ತು. ಇದೇ ರೀತಿ ಭಾರತ ತಂಡ 2011ರಲ್ಲಿ ಚಾಂಪಿಯನ್​ ಆಗಿದೆ. ನಂತರ 2015ರಲ್ಲಿ ಸೆಮಿಫೈನಲ್​ ಪ್ರವೇಶಿಸಿದೆ.

ಇಷ್ಟೆಲ್ಲಾ ಕಾರಣದಿಂದ ಪಾಕಿಸ್ತಾನ ತಂಡದ ಅಭಿಮಾನಿಗಳು ಈ ಬಾರಿ ನಮ್ಮ ತಂಡವೇ ವಿಶ್ವಕಪ್​ ಎತ್ತಿ ಹಿಡಿಯುತ್ತದೆ ಎಂದು ಸಂಭ್ರಮಿಸುತ್ತಿದೆ. ಇದು ಅಭಿಮಾನಿಗಳ ಸಂಭ್ರಮವಷ್ಟೇ ಅಲ್ಲ ಕೆಲವು ಕ್ರಿಕೆಟ್​ ವಿದ್ವಾಂಸರು ಹಾಗೂ ಮಾಜಿ ಕ್ರಿಕೆಟಿಗರು 1992 ರ ಪಲಿತಾಂಶ ಹೊರಬರಬಹುದು ಎಂದು ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ.