ಬ್ಯಾಂಕಿಂಗ್​ ಸೇವೆಯಲ್ಲಿ ಗುಣಮಟ್ಟ ಮುಖ್ಯ.. ಕೇಂದ್ರ ಸಚಿವೆ ನಿರ್ಮಲಾ ಸೀತಾರಾಮನ್​

ಬ್ಯಾಂಕ್​ಗಳು ತಮ್ಮ ಗ್ರಾಹಕರಿಗೆ ನೀಡಬಹುದಾದ ಸೇವೆಯ ಸಾಮರ್ಥ್ಯವನ್ನು ಅರಿತುಕೊಂಡು ಮೊಬೈಲ್​ ಬ್ಯಾಂಕಿಂಗ್​ನಂತಹ ವಿಶೇಷ ಸೇವೆಗಳನ್ನು ನೀಡಬೇಕು. ಇದರ ಹೊರತಾಗಿ ಬ್ಯಾಂಕನ್ನು ವಿಸ್ತರಿಸುವ ಕೆಲಸಕ್ಕೆ ಕೈ ಹಾಕಬಾರದು ಎಂದು ಸೀತಾರಾಮನ್​ ಅಭಿಪ್ರಾಯಪಟ್ಟರು.

ಚೆನ್ನೈ: ಬ್ಯಾಂಕ್​ಗಳು ಮೊದಲು ತಮ್ಮ ಸೇವೆಯು ಗ್ರಾಹಕರಿಗೆ ತಲುಪುತ್ತಿರುವ ಬಗೆಯನ್ನು ವಿಮರ್ಶೆ ಮಾಡಿಕೊಳ್ಳಬೇಕು. ತಮ್ಮ ಸೇವೆಯನ್ನು ವಿಸ್ತರಿಸುವುದಕ್ಕಿಂತ ಮುಂಚಿತವಾಗಿ ಸೇವೆಯ ಬಲಾಬಲ ಮತ್ತು ದೌರ್ಬಲ್ಯಗಳನ್ನು ಮೌಲ್ಯಮಾಪನ ಮಾಡಬೇಕು ಎಂದು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್​ ಬ್ಯಾಂಕ್​ಗಳಿಗೆ ಕಿವಿಮಾತು ಹೇಳಿದ್ದಾರೆ.

ನಗರದಲ್ಲಿ ಸಿಟಿ ಯೂನಿಯನ್​ ಬ್ಯಾಂಕ್​ನ 116ನೇ ಸಂಸ್ಥಾಪನಾ ದಿನದಲ್ಲಿ ಭಾಗವಹಿಸಿ ಮಾತನಾಡಿದ ಅವರು, ಬ್ಯಾಂಕ್​ಗಳು ಮೊದಲು ತಮ್ಮ ಸೇವೆಯು ಗ್ರಾಹಕರಿಗೆ ತಲುಪುತ್ತಿರುವ ಬಗೆಯನ್ನು ವಿಮರ್ಶೆ ಮಾಡಿಕೊಳ್ಳಬೇಕು. ತಮ್ಮ ಸೇವೆಯನ್ನು ವಿಸ್ತರಿಸುವುದಕ್ಕಿಂತ ಮುಂಚಿತವಾಗಿ ಸೇವೆಯ ಬಲಾಬಲ ಮತ್ತು ದೌರ್ಬಲ್ಯಗಳನ್ನು ಮೌಲ್ಯಮಾಪನ ಮಾಡಬೇಕು ಎಂದರು.

ಬ್ಯಾಂಕ್​ಗಳು ತಮ್ಮ ಗ್ರಾಹಕರಿಗೆ ನೀಡಬಹುದಾದ ಸೇವೆಯ ಸಾಮರ್ಥ್ಯವನ್ನು ಅರಿತುಕೊಂಡು ಮೊಬೈಲ್​ ಬ್ಯಾಂಕಿಂಗ್​ನಂತಹ ವಿಶೇಷ ಸೇವೆಗಳನ್ನು ನೀಡಬೇಕು. ಇದರ ಹೊರತಾಗಿ ಬ್ಯಾಂಕನ್ನು ವಿಸ್ತರಿಸುವ ಕೆಲಸಕ್ಕೆ ಕೈ ಹಾಕಬಾರದು ಎಂದು ಸೀತಾರಾಮನ್​ ಅಭಿಪ್ರಾಯಪಟ್ಟರು.