ಬಾಗಲಕೋಟೆ:ಲಕ್ಷಾಂತರ ಜನರಿಗೆ ಇಲ್ಲಿಯ ಹಳೆ ನೀರಿನ ಟ್ಯಾಂಕಿಗೆ ಹತ್ತಿರವಿರುವ ನೀರು ಶುದ್ಧೀಕರಣ ಘಟಕದಿಂದಲೇ ಬನಹಟ್ಟಿ ಜನರಿಗೆ ರಬಕವಿ-ಬನಹಟ್ಟಿ ನಗರಸಭೆ ಕುಡಿವ ನೀರು ಸರಬರಾಜು ಮಾಡುತ್ತದೆ. ಆದರೆ ಹಲವಾರು ವರ್ಷಗಳಿಂದ ಇಲ್ಲಿನ ಶುದ್ಧ ಕುಡಿಯುವ ನೀರು ಪೂರೈಸುವ ಶುಧ್ದೀಕರಣ ಘಟಕ ಗಬ್ಬೆದ್ದು ನಾರುತ್ತಿದೆ.
ಕೃಷ್ಣಾ ನದಿಯಿಂದ ಲಕ್ಷಾಂತರ ಲೀಟರ್ ನೀರು ನಿತ್ಯ ಈ ಘಟಕಕ್ಕೆ ಬಂದು ಸಂಗ್ರಹವಾಗುತ್ತದೆ. ಆದರೆ ಕಳೆದ ಹಲವಾರು ದಿನಗಳಿಂದ ನದಿ ಸಂಪೂರ್ಣ ಬತ್ತಿದ್ದರಿಂದ ಘಟಕದ ಎಲ್ಲ ಹೊಂಡಗಳು ಸಂಪೂರ್ಣ ಒಣಗಿವೆ. ಇಲ್ಲಿಯ ಎಲ್ಲ ಹೊಂಡಗಳಲ್ಲಿ ಟನ್‍ಗಟ್ಟಲೇ ಮಣ್ಣು ಬಿದ್ದು ಖಾಲಿಯಾದ ಕೆರೆಕಟ್ಟೆಗಳು ಒಣಗಿದ ಹಾಗೆ ಮಣ್ಣಿನ ಬಿರುಕುಗಳು ಕಾಣುತ್ತಿವೆ. ಅಲ್ಲದೆ ಅಳಿದುಳಿದ ನೀರಿನಲ್ಲಿ ಹುಳುಗಳಾಗಿ ಗಬ್ಬೆದ್ದು ನಾರುತ್ತಿದೆ.