ಮೊಹಾಲಿ: 2018ರ ಐಪಿಎಲ್ ಆವೃತ್ತಿಯಲ್ಲಿ ಆರೆಂಜ್ ಕ್ಯಾಪ್ ಪಡೆದಿದ್ದ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ಬೌಲರ್ ಆಂಡ್ರ್ಯೂ ಟೈ ಈ ಬಾರಿ ಪಂಜಾಬ್ ಚಾಂಪಿಯನ್ ಆದರೆ ತಮ್ಮ ಶೂನಲ್ಲಿ ಶಾಂಪೇನ್ ಕುಡಿಯುವುದಾಗಿ ಪ್ರತಿಜ್ಞೆ ಮಾಡಿದ್ದಾರೆ.
ಆಸ್ಟ್ರೇಲಿಯದ ಕ್ರಿಕೆಟಿಗನಾಗಿರುವ ಆಂಡ್ರ್ಯೂ, ಕಿಂಗ್ಸ್ ಇಲೆವೆನ್ ಪಂಜಾಬ್ ಈ ಬಾರಿ ಏನಾದರು ಐಪಿಎಲ್ ಚಾಂಪಿಯನ್ ಆದರೆ ತಮ್ಮ ಶೂ ಒಳಗೆ ಶಾಂಪೇನ್ ಸುರಿದು ಕುಡಿದು ಸಂಭ್ರಮಿಸುವುದಾಗಿ ಹೇಳಿದ್ದಾರೆ.
ಡ್ರಿಂಕಿಂಗ್‌ ಫ್ರಮ್ ಶೂಸ್‌ ಅಥವಾ ಶೋಯ್ ಎಂಬುದು ಆಸ್ಟ್ರೇಲಿಯಾದಲ್ಲಿ ತಮ್ಮ ಗೆಲುವಿನ ಸಂಭ್ರಮವನ್ನು ಆಚರಿಸುವ ಒಂದು ವಿಧಾನ. ಇದು ಭಾರತದ ಮಟ್ಟಿಗೆ ವಿಚಿತ್ರ ಕಲ್ಪನೆಯಾಗಿದೆ. ಆದರೆ ಈ ರೀತಿ ಶೂನಲ್ಲಿ ಆಲ್ಕೋಹಾಲ್ ಅಥವಾ ಶಾಂಪೇನ್ ಸುರಿದು ಕುಡಿಯುವುದು ಮಾಮೂಲಾಗಿದೆ.
2016ರಲ್ಲಿ ಆಸ್ಟ್ರೇಲಿಯಾದ ಮೋಟೊ ಜಿಪಿ ರೈಡರ್‌ ಜಾಕ್‌ ಮಿಲ್ಲರ್‌ ಮೊದಲ ಬಾರಿಗೆ ಪ್ರೀಮಿಯರ್‌ ಕ್ಲಾಸ್‌ ಗೆಲುವಿನ ಬಳಿಕ ತಮ್ಮ ಶೂನಲ್ಲಿ ಶಾಂಪೇನ್ ಸುರಿದುಕೊಡು ಕುಡಿದು ಸಂಭ್ರನಿಸಿದ್ದರು. ನಂತರ ಫಾರ್ಮುಲಾ-1 ಚಾಲಕ ಡೇನಿಯಲ್‌ ರಿಕಾರ್ಡೊ ಕೂಡ ಇದೇ ರೀತಿ ಸಂಭ್ರಮಿಸಿದ್ದರು.
ಇದೀಗ 2018ರ ಆವೃತ್ತಿಯಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಆಗಿರುವ ಆ್ಯಂಡ್ರ್ಯೂ ಟೈ ಫಾರ್ಮುಲ ಒನ್ನ ಫ್ಯಾನ್ ಆಗಿದ್ದು, ಈ ಬಾರಿ ಪಂಜಾಬ್ ಚಾಂಪಿಯನ್ ಆದರೆ ತಾವೂ ಶಾಂಪೇನ್ಅನ್ನು ಶೂನಲ್ಲಿ ಸೇವಿಸುವುದಾಗಿ ಹೇಳಿಕೊಂಡಿದ್ದಾರೆ.
