ಗಿರಿರಾಜ್ ಸಿಂಗ್​ ಟ್ವೀಟ್​ಗೆ ಅಮಿತ್ ಶಾ ಗರಂ... ವಿವಾದದಿಂದ ದೂರ ಇರುವಂತೆ ಕಟ್ಟಪ್ಪಣೆ

ನಮ್ಮ ಧಾರ್ಮಿಕ ಆಚರಣೆಗಳನ್ನು ಸೂಕ್ತವಾಗಿ ಮಾಡದೆ ತೋರ್ಪಡಿಕೆಗೆ ಬೇರೆ ಧರ್ಮೀಯರ ಹಬ್ಬವನ್ನು ಆಚರಿಸುವ ಅಗತ್ಯವಿದೆಯೇ ಎನ್ನುವ ಅರ್ಥದಲ್ಲಿ ಟ್ವೀಟ್​ ಮಾಡಿರುವ ಗಿರಿರಾಜ್ ಸಿಂಗ್​ಗೆ ಗೃಹ ಸಚಿವ ಅಮಿತ್ ಶಾ ಖಡಕ್ ಸೂಚನೆ.

ನವದೆಹಲಿ: ಎಲ್​​​ಜೆಪಿ ನಾಯಕ ರಾಮ್​ ವಿಲಾಸ್ ಪಾಸ್ವಾನ್​​​​ ಆಯೋಜನೆ ಮಾಡಿದ್ದ ಇಫ್ತಾರ್ ಪಾರ್ಟಿಯ ಕುರಿತಾಗಿ ಬೇಗುಸರಾಯ್​​ ಕ್ಷೇತ್ರದ ಸಂಸದ ಗಿರಿರಾಜ್ ಸಿಂಗ್ ಮಾಡಿರುವ​​ ಟ್ವೀಟ್​ಗೆ ನೂತನ ಗೃಹ ಸಚಿವ ಅಮಿತ್ ಶಾ ಗರಂ ಆಗಿದ್ದಾರೆ.

ನಮ್ಮ ಧಾರ್ಮಿಕ ಆಚರಣೆಗಳನ್ನು ಸೂಕ್ತವಾಗಿ ಮಾಡದೆ ತೋರ್ಪಡಿಕೆಗೆ ಬೇರೆ ಧರ್ಮೀಯರ ಹಬ್ಬವನ್ನು ಆಚರಿಸುವ ಅಗತ್ಯವಿದೆಯೇ ಎನ್ನುವ ಅರ್ಥದಲ್ಲಿ ಗಿರಿರಾಜ್ ಸಿಂಗ್ ಟ್ವೀಟ್ ಮಾಡಿದ್ದರು.

ಪಾಟ್ನಾದಲ್ಲಿ ರಾಮ್​ ವಿಲಾಸ್ ಪಾಸ್ವಾನ್​ ಆಯೋಜನೆ ಮಾಡಿದ್ದ ಇಫ್ತಾರ್ ಪಾರ್ಟಿಯಲ್ಲಿ ಪ್ರತಿಪಕ್ಷ ನಾಯಕ ಜಿತನ್ ರಾಮ್ ಮಾಂಜಿ, ಬಿಹಾರ ಸಿಎಂ ನಿತೀಶ್ ಕುಮಾರ್ ಭಾಗವಹಿಸಿದ್ದರು.

ಸದ್ಯ ಗಿರಿರಾಜ್ ಸಿಂಗ್​ ಟ್ವೀಟ್ ಗೃಹ ಸಚಿವ ಅಮಿತ್ ಶಾ ಗಮನಕ್ಕೆ ಬಂದಿದ್ದು ಇಂತಹ ವಿಚಾರದಲ್ಲಿ ಈ ರೀತಿಯ ಟ್ವೀಟ್​​ಗಳನ್ನು ಮಾಡಬಾರದು ಎಂದು ಬೇಗುಸರಾಯ್ ಸಂಸದರಿಗೆ ಕಟ್ಟಪ್ಪಣೆ ಮಾಡಿದ್ದಾರೆ.