ನವದೆಹಲಿ: ಇಂಗ್ಲೆಂಡ್ನ ವಾರ್ಸೆಸ್ಟ್ರ್ಶೈರ್ ಕ್ಲಬ್ನ ಮಾಜಿ ಕ್ರಿಕೆಟಿಗನೊಬ್ಬನಿಗೆ ಅತ್ಯಾಚಾರ ಪ್ರಕರಣದಡಿ 5 ವರ್ಷಗಳ ಜೈಲುಶಿಕ್ಷೆಯಾಗಿದೆ.
23 ವರ್ಷದ ಆಸ್ಟ್ರೇಲಿಯಾ ಮೂಲದ ಅಲೆಕ್ಸ್ ಹೆಪ್ಬರ್ನ್ ಮಲಗಿದ್ದ ಯುವತಿಯೊಬ್ಬಳ ಮೇಲೆ ಅತ್ಯಾಚಾರ ಎಸಗಿರುವುದು ಸಾಬೀತಾದ ಹಿನ್ನೆಲೆಯಲ್ಲಿ ಕೋರ್ಟ್ 5 ವರ್ಷಗಳ ಕಾಲ ಜೈಲು ಶಿಕ್ಷೆ ವಿಧಿಸಿದೆ.
ಏಪ್ರಿಲ್ 1, 2017ನಡೆದಿದ್ದಪ್ರಕರಣ :
ಅತ್ಯಾಚಾರಕ್ಕೊಳಗಾಗಿರುವ ಯುವತಿ ಘಟನೆ ನಡೆಯುವುದಕ್ಕಿಂತ ಮುನ್ನ ಇಂಗ್ಲೆಂಡ್ ಕ್ರಿಕೆಟಿಗ ಜೋ ಕ್ಲಾರ್ಕ್ರೊಡನೆ ಒಮ್ಮತದ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದ್ದಳಂತೆ. ಕ್ಲಾರ್ಕ್ ಆ ರೂಮಿನಿಂದ ಹೊರಟ ನಂತರ ಯುವತಿ ಅದೇ ಕೋಣೆಯಲ್ಲಿ ವಿಶ್ರಾಂತಿಯಲ್ಲಿದ್ದಳು. ಆ ಸಂದರ್ಭದಲ್ಲಿ ತುಂಬಾ ಕುಡಿದಿದ್ದ ಅಲೆಕ್ಸ್ ರೂಮಿಗೆ ಬಂದಿದ್ದಾನೆ.
ಆದರೆ, ಆ ಯುವತಿ ಈತನನ್ನು ಕ್ಲಾರ್ಕ್ ಎಂದು ಭಾವಿಸಿ ನಿದ್ರೆಯಿಂದ ಏಳದೆ ಮಲಗಿದ್ದಾಳೆ. ಈ ವೇಳೆ ಅಲೆಕ್ಸ್ ಯುವತಿಯ ಮೇಲೆರಗಿದ್ದಾನೆ. ಆ ಯುವತಿ ಕ್ಲಾರ್ಕ್ ಇರಬಹುದೆಂದು ಪ್ರತಿರೋಧ ತೋರಿಲ್ಲ. ಆದರೆ, 20 ನಿಮಿಷಗಳ ನಂತರ ಧ್ವನಿಯಲ್ಲಿ ಆತ ಕ್ಲಾರ್ಕ್ ಅಲ್ಲ ಅಲೆಕ್ಸ್ ಎಂದು ತಿಳಿಯಿತು ಎಂದು ಕೋರ್ಟ್ನಲ್ಲಿ ಅತ್ಯಾಚಾರಕ್ಕೊಳಗಾದ ಯುವತಿ ತಿಳಿಸಿದ್ದಾಳೆ.
ಯುವತಿಯ ಹೇಳಿಕೆಯನ್ನಾಧರಿಸಿ ಕೋರ್ಟ್ ಅಲೆಕ್ಸ್ನನ್ನು ಆರೋಪಿ ಎಂದು ತೀರ್ಪು ನೀಡಿ 5 ವರ್ಷ ಜೈಲು ಶಿಕ್ಷೆ ವಿಧಿಸಿದೆ.
